Lajme

Qeveria daneze ka vendosur të pezullojë të gjitha eksplorimet për gaz dhe naftë në seksionin e vet në Detin e Veriut duke nisur që nga viti 2050 në përpjekje të një politike që merr në konsideratë çështjet mjedisore.

Ne po i japim fund erës së hidrokarbureve. Kjo marrëveshje është një kurs i ri, i gjelbër për Detin e Veriut, nga i cili përfitojnë të gjithë

citohet të jetë shprehur ministri danez për Klimën, Dan Jorgensen.

Gjermania shpreson të frenojë fuqi si Rusia dhe Turqia në rajonet periferike të Europës duke riaktivizuar lidhjet transatlantike me SHBA. Në një intervistë për revistë “Spiegel”, ministri i Jashtëm gjerman, Heiko Maas ka nënvizuar rëndësinë e asaj që është quajtur “Marrëveshja e Re”, sipas të cilës raportet me SHBA duhet rifuqizuar.

CIA ka pasur një projekt sekret MK-ULTRA, i vënë në zbatim gjatë vitit 1957 dhe 1960, me synimin për të kontrolluar mendjen njerëzore duke përdorur ilaçe dhe metoda të hipnozës. Detaje janë zbuluar në serinë kërkimore "Brainwashing" të transmetuar së fundmi në rrjetin televiziv amerikan CBS. Sipas dokumentarit, projekti famëkeq u zbatua edhe në Kanada dhe qeveria kanadeze ishte në dijeni për këtë.

Autoritetet iraniane pretendojnë se shkencëtari i tyre kryesor për programin bërthamor, Mohsen Fakhrizadeh u vra përmes një arme automatike të drejtuar në rrugë satelitore.

Fakhrizadeh po udhëtonte në një autostradë jashtë Teheranit…kur një armë automatike shënjestroi mbi fytyrën e tij dhe qëlloi 13 herë

Drejtuesi ekzekutiv i Volkswagen, Herbert Diess deklaron se makinat autonome do të jenë në treg brenda viteve 2025-2030. Në një intervistë për revistën “Wirtschaftswoche”, Diess ka vënë në dukje progresin e bërë në fushën e inteligjencës artificiale dhe çipeve që janë të domosdoshëm për makinat që nuk kanë nevojë për drejtimin nga njeriu, si kushte që mundësojnë futjen në treg të produktit të ri.

Është e parashikueshme që sistemet do të jenë së shpejti të afta të menaxhojnë edhe situatat komplekse të drejtimit autonom

99.5% e rasteve me CoVid-19 në botë janë si pasojë e infektimin me variantin “italian” të Sars-Cov-2, mutacionin G, çka sugjeron se virusi i Vuhanit nuk është më prezent dhe në qarkullim. Këtë thotë virologu gjemran, Alexander Kekule sipas duke rindërtuar skemën e përhapjes së pandemisë dhe duke shpjeguar deri diku se përse disa vende në Azi, përfshirë Kinën, nuk po vuajnë më të njëjtën goditje si hemisfera perëndimore. Varianti italian është 10 herë më ngjitës se ai i Vuhanit, duke sqaruar ritmet e mëdha të infektimit.

Polonia dhe Hungaria mbeten jashtë planit të rimëkëmbjes ekonomike të Bashkimit Europian, nëse do të vazhdojnë t'u rezistojnë përpjekjeve për ta lidhur disbursimin e 1.8 trilionë eurove fonde me dispozitat e sundimit të ligjit. Paralajmërimi vjen nga ministri francez i Çështjeve Evropiane, Clement Beaune, i cili tha se një masë e tillë është ligjërisht e ndërlikuar, por jo e pamundur.

Publicisti Shaban Murati përcjell në faqen e vet në Facebook një vëzhgim shqetësues sipas tij për blerjet ushtarake nga Serbia. Në këtë kontekst Murati vë në diskutim neutralitetin e shpallur ushtatak të Serbisë që sipas tij po tall Shqipërinë dhe Kosovën.

Jef Bezos, CEO i “Amazon” ka deklaruar se kompania e tij hapësinore, “Blue Origin” do të çojë gruan e parë në sipërfaqen e Hënës. Deklaratë është bërë pak para se agjencia amerikane e hapësirës, NASA të zgjedhë zbarkuesit e parë hënorë të ndërtuar në rrugë private që do të çojnë astronaut në Hënë deri në vitin 2024.