Lajme

Pirro Vëngu as vetë nuk e kishte menduar se puna si shef i kabinetit të ministrit Bushati do t’i hapte telashe qeverisë në planin diplomatik. Asiston prej 2 vjetësh veprimtarinë e ministrit të Jashtëm, të cilit  tani i kërkohet të japë shpjegime lidhur me thirrjen ushtar të krahut të tij të djathtë nga një vend fqinj.

Agjentë në terren që do të spiunojnë bizneset që nuk lëshojnë kuponin tatimor. Kjo është strukturta më e re që do të veprojë në kuadër të nismës kundër informalitetit.

Qeveria vendosi t’i kalojë Drejtorisë së Përgjithshme të Tatimeve një fond prej 10 milionë lekësh për këto shpenzime. Gazeta “Shqip” shkruan se ky është plani B i qeverisë për të shmangur dështimin e aksionit kundër informalitetit.

Të ardhurat kanë njohur rënie edhe gjatë muajit shtator. Revista “Monitor” raporton se në raport me shtatorin e vitit të kaluar, rënia është në masën 230 milionë lekë. “Duket e pabesueshme, por është e vërtetë. Statistikat fiskale të përpunuara nga të dhënat progresive të Ministrisë së Financave për periudhën janar-shtator 2015 flasin për një rënie në vlerë absolute të të ardhurave në shtator 2015 raport me të njëjtën periudhë të një viti më parë, me 230 milionë lekë më pak se shtator 2014, apo 1% më të ulëta.

Policia ka shpallur në kërkim administratorin socialist të Njësisë Kaçinar në bashkinë e Mirditës, Petrit Bardhi, i akuzuar për trafik kanabisi drejt Greqisë. Bardhi ka qenë i dënuar më parë për dhënie ndihme për kalim të paligjshëm të kufirit.  Bashkë me të policia shpalli në kërkim edhe vëllain Florian Bardhi, ndërsa arrestoi shtetasin Simon Beqiri si kreun e grupit. Në shtëpinë e këtij të fundit u gjetën 424 kg kanabis që do trafikohej drejt Greqisë. Droga mendohet se ishte ne pronësi të vëllezërve Bardhi.

Shefit të kabinetit të ministrit të Jashtëm, Pirro Vengu, i ka ardhur thirrja për ushtar në Greqi, por deri më tani ky informacion është mbuluar me heshtje nga ministria dhe Ministri i Jashtëm, Ditmir Bushati. Përveç disa deklaratave të zv.ministrit Belortaja në Komisionin Parlamentar me Jashtë, që më shumë e shtuan tymnajën, deri më sot, ministri, një njeri që nuk lë rast pa kërkuar shfaqje publike, e ka kyçur gojën. Opozita e ka cilësuar një skandal dhe ka kërkuar dorëheqjen e Ditmir Bushatit, por kjo nuk merret në konsideratë.

Orar pa orar në punë për të bërë Shqipërinë. Nën moton “të bëjmë shtet” drejtoresha e Tatimeve Briseida Shehaj ka urdhëruar të gjithë punonjësit tatimorë të dalin në punë jashtë orarit si dhe të kryejnë shërbim të zgjatur  në fundjavë me qëllim përmirësimin e bilanceve të shtetit.

Gazeta Shqiptare raporton se  400 tatimorë kanë rreth dy muaj që punojnë nga ora 8 e mëngjesit deri në 8 të mbrëmjes, pa marrë asnjë pagesë shtesë për orët jashtë orarit dhe ato të ditëve të pushimit.

Nga të dhënat paraprake të Ministrisë së Financave, rezulton se të ardhurat tatimore në muajin shtator ishin rreth 28 miliardë lekë. Të ardhurat tatimore përfshijnë taksat doganore, vendore, nacionale, të sigurimeve shoqërore/shëndetsore, si dhe akcizat e tatimet e ndryshme.

Në krahasim me shtatorin e vjetshëm, të ardhurat tatimore ishin 1% më të larta. Ndërsa në krahasim me shtatorin e parvjetshëm, ato ishin 23% më të larta.

Në periudhën janar-gusht, të ardhurat tatimore ishin rreth 224 miliardë lekë, ose 4% më shumë se vjet dhe 19% më shumë se parvjet.

Çfarë ndodh kur një sistem planetar shkatërrohet? Pra kur orbitimi i trupave qiellorë me periodë të qartë lëvizin rreth një ylli? Shkencëtarët kanë së fundmi një përgjigje konkrete, praktike. Kjo pasi misioni Kepler ka zbuluar pikiërisht një të tillë. WD 1145+017, një xhuxh i bardhë në yjësinë e Virgjëreshës, 571 vjet dritë larg nga Toka, është  ylli, sistemi i të cilit tani nuk ekziston më. Drita e emetuar prej tij ndërpritejçdo 4.5 orë pasi “para” tij kalonte një trup.