Lajme

Ajo çfarë është bërë mirë dhe çfarë nuk ka shkuar siç duhet është një trajektore që për ish-ministrin e Financave, Anastas Angjeli mund të përkufizojë ecurinë e ekonomisë sot dhe politikat e ndjekura në këtë 2 vjeçar të qeverisë. Angjeli është intervistuar nga gazeta “shekulli”, një e përditshme afër qeverisë për të dhënë konsiderata mbi aksionet e ndërmarra nga qeveria dhe reformën fiskale që mban autorësinë e ministrit aktual, Shkëlqim Cani.

Pak javë më parë ministri i Financave, Shkëlqim Cani deklaroi se vitin që vjen nuk do të ketë rritje taksash, por mesa duket gjithçka për konsum mediatik, pasi në Shqipëri gjërat harrohen shpejt. Renta, akiciza dhe taksa e pronës do të rriten nga 1 Janari 2016.

Të dilje jashtë shtetit me një anije tregtare, për një shqiptar në breg të detit ishte ëndërr, padyshim. Por kjo nuk vlente vetëm për njerëzit e izoluar brenda klonit që kërkonin të dinin më shumë për pjesën tjetër të botës. Udhëtime të shpeshta, ankorime në porte të ndryshme dhe të prekurit e vendeve ekzotike, nuk të jepet rasti kaq lehtë t’i shijosh, veç në ke një llogari të mirë në bankë me të cilat duhet të prenotosh kabinë komode në një kroçiera moderne. E për më shumë se kaq duhet të blesh një jaht që të jetë në gjendje të përballojë dallgët e Paqësorit.

Ajo që shpesh mund të përflitet si një dyshim që rrjedh nga teoritë e konspiracionit se ISIS mund të jetë krijesë e Shteteve të Bashkuara tashmë ngrihet zyratisht edhe si pyetje nga ambasada ruse  në Tiranë. Përmes një njoftimi në muret e ambasadës që i ngjan më tepër një shpallje publike, selia diplomatike e Rusisë kërkon që media shqiptare të mos i referohet vetëm burimeve apo lajmeve të mediave  perëndimore që sipas saj janë të prirura të dezinforojnë për këtë çështje.

Xhamitë e Shqipërisë janë pak të trajtuara për vlerën e tyre arkitektonike dhe historike. Disi më larg vëmendjes së gjerë në sensin e vlerësimit si trashëgimi e përbashkët. Më e njohura për pjesën më të madhe padyshim që është xhamia në qendër të Tiranës. Mirëpo besimi islam është besim i shumicës së shqiptarëve dhe ka një histori qindra vjeçare në territorin shqiptar. Për të hedhur dritë në një fushë ku ka ende shumë për të thënë kemi intervistuar z. Aleksandër Meksi, që është ndër njohësit më të mirë të monumenteve.

Media të ndryshme po raportojnë se kreu i organiztës islamike Jabhat Al Nusra, Abu Suleiman al-Masri është vrarë në luftimet afër fshatit Tal-al-Karsani, në periferi të Halepit. Grupi është përballur me ushtrinë siriane e cila ka nisur këto ditë një ofensivë të gjerë me synij rimarrjen e qendrës strategjike në fjalë. Al Nusra lufton si kundër forcave të presidentit Bashar al Assad, ashtu edhe kundër Shtetit Islamik. Nisur nga situatat e reja të krijuara me ndërhyrjen ruse, ka disa burime që po raportojnë për vendosjen e komunkimit mes Al Nusras dhe ISIS. 

Probleme ende të pazgjidhura me rrugët e mëdha kombëtare. Sipas një kronike të trasmetuar nga “Vizion Plus” fituesi i tenderit për koncesionin e rrugës Durrës – Kukës do të përzgjidhet në bazë të ofertës së tarifës që kompania do të vendosë për qytetarët, te cilët do të kalojnë ne këtë rrugë. Tenderi u shty edhe me dy javë të tjera për shkak të kërkesave që kishin bërë 4 kompanitë ofertuese pasi nuk kishin bërë ende gati vlerësimin financiar.

Suksesi i bisedimeve në vilën 31 dhe entuziasmi i Gramoz Ruçit për arritjen e marrëveshjes  për dekriminalizimin është nga ato shfaqje demode të politikës që gjejnë terren në ambjentin e brendshëm sa kohë që publiku  mbetet i kuadratuar në ato çka i servir shpura e qeverisë dhe opozitës.

“Lufta është vrasje, përjashto rastin kur jeta e një kombi vihet në rrezik”. Me këto fjalë e përkufizonte luftën Mustafa Kemal Ataturk, një strateg lufte me origjinë shqiptare dhe themelues i Turqisë Moderne. Por ushtarëve përveç guximit për t’u përballur me armikun u duhet edhe ushqim. Njeriu që hyri në histori jo vetëm si një ushtarak, por edhe si një politikan i shkëlqyer, luftoi në të dy kampet duke mbijetuar pikërisht falë një ushqimi që do t’ju lerë me gojë hapur. Pjata e preferuar e Ataturk ishin fasulet e bardha. I pëlqente aq shumë sa mund t’i konsumonte dhe disa herë në javë.

Drejtuesi i Dhomës Amerikane të Tregtisë, Mark Crawford, i është kundëpërgjigjur kryeministri Edi Rama i cili një ditë më parë tha se: “të shohin se çfarë ndodh në SHBA nëse nuk merr kuponin tatimor”. Sipas Crawford, në SHBA nuk të burgosin për kuponin tatimor. “Nuk di të ketë ndonjë shtet tjetër ku burgosesh nëse nuk merr kuponin tatimor. Ne jemi ndër të parët që kemi kërkuar luftë kundër informalitetit, por nuk duhet bërë me represion. Deri tani rezultatet kanë qenë negative”, tha Crawford, sipas “News24”.