Arkiv-Lajme të përditësuara

Një shumë rekord prej 181 milionë dollarësh u grumbullua nga Presidenti Barack Obama për fushatën e tij gjatë shtatorit. 

”Ky është muaji më i mirë që prej fillimit të fushatës”, konfirmoi manaxheri i përgjithshëm i ekipit zgjedhor të Obamës, Jim Messina.

Ende nuk janë publikuar të dhënat për financimet që arriti të grumbullonte republikani Romney gjatë shtatorit.

Pasi Romney udhëhoqi në fondet e grumbulluara më parë gjatë vitit, Obama e kaloi në gusht dhe supozohet se gjithashtu në shtator u arrit një avantazh i konsiderueshëm.

Arka e shtetit do të jetë bosh në fund të muajit nëntor, nëse  paratë e Bankës Qendrore Evropiane nuk do të  lëvrohen. Alarmi është dhënë nga Kryeministri grek Antonis Samaras para se të  fillonte mbledhjen e shumëpritur të Trojkës në Athinë. Në thelb të negociatave me qeverinë greke, për dhënien e një kredie të re prej 31 miliard euro janë  shkurtimet e  mëtejshme të buxhetit për periudhën kohore  2013-2014.

Kompanitë e sigurimeve paguajnë më pak dëme ndaj qytetarëve, në raport me primet e arkëtuara. Pagesa e menjëhershme e dëmit është vetëm 36 përqind e totalit të primeve që sigurojnë kompanitë. Mati Pepa, nëndrejtor i Autoriteti të Mbikëqyrjes Finaciare (AMF)  në një intervistë për AS, tregon si qëndron raporti prime-deme, në tregun e sigurimeve. 

Partia "Agimi i Artë" planifikon të shtrijë degët e tij edhe në SHBA. 

Publikimi në gazetën 'New York Times' i një fotoje të "Hrysafgites" (siç quhen me një fjalë në greqisht, anëtarët e 'Agimit të Artë') në Astoria dhe Bruklin, dhe informacioni se ata po planifikojnë të hapin zyra në SHBA, ka ngjallur reagime të Federatës së Shoqatave greke si dhe organizatave të diasporës, që deklarojnë se 'Agimi i Artë' është i padëshiruar në qytetet amerikane. 

Dhjetëra mijëra persona kanë marrë pjesë të premten në një manifestim në qendër të Amanit, në Jordani, për të kërkuar reforma politike dhe luftë korrupsionit. 

Protesta ishte organizuar nga Vëllezërit Myslimanë dhe opozita e majtë, dhe sipas tyre pjesëmarrësit kanë qenë rreth 50 mijë. 

Protesta është mbajtur gjithashtu një ditë pas vendimit të mbretit Abdullah për të shkrirë parlamentin dhe për të mbajtur zgjedhje të parakohshme. 

Prodhuesi më i madh i platinit në botë, anglo-amerikania Amplats, ka shkarkuar 12.000 minatorët grevistë në Afrikën e Jugut,  si reagim  për  zgjatjen e  grevës së tyre.

Amplats tha se tre javë grevash të paligjshme nga 28.000 punëtorë në Rustenburg  i kishin kushtuar konsorciumit  82.3milion dollarë të ardhura. Minierat e  Afrikës janë goditur nga një valë grevash, ku kanë humbur jetën jo vetëm minatorë por dhe zyrtarë.

Për herë të parë që nga marsi 2012, normat mesatare mujore të interesit të kredive në lekë të bankave shënuan një rënie të lehtë në muajin gusht. 

Të dhënat e Bankës së Shqipërisë bëjnë të ditur se norma mesatare e ponderuar e kredisë së re mujore në lekë për sistemin bankar për të gjithë afatet e maturimit rezultoi 11.11% në gusht, në rënie të lehtë nga 11.39% që ishte në korrik 2012. Megjithatë, interesat e kredisë në lekë janë më të larta në krahasim me dhjetorin 2011, kur ato rezultuan 10.82%. 

Kriza në Greqi dhe në përgjithësi në vendet e Eurozonës ka sjellë ndryshime të rëndësishme në hartën bankare të vendit. Orët e fundit Banka Kombëtare Greke, NGB, i ka propozuar grupit EUROBANK, një bashkim te aksioneve te tyre, ne nje raport 1 me 3, duke krijuar nje banke teper te fuqishme me emrin GRUPI NGB qe do te operoje pervecse ne Greqi, edhe ne rajonin ballkanik, duke pasur deget e saj ne 12 shtete.