Arkiv-Lajme të përditësuara

Nuk mund të ketë falimentim për Greqinë, u shpreh sot ministri gjerman i Financave, Wolfgang Schauble, i cili shtoi se nëse Athina do të dilte nga eurozona do të shkaktonte një dëm të konsiderueshëm për rajonin e monedhës së përbashkët evropiane, por edhe për vetë Greqinë. 

"Besoj se nuk do të ketë falimentim të shtetit në Greqi", deklaroi ministri gjatë një takimi me sipërmarrës dhe biznesmenë në Singapor. 

Në Francë, në të gjithë dokumentet ligjore, përfshirë dhe certifikatat e lindjes, përcaktimet “nënë dhe baba” do të zëvendësohen me prind një dhe prind dy. 

Ka propozuar kështu qeveria socialiste e Francois Hollande. Një masë kjo që bën pjesë në një projekt më të gjerë, i cili do të legalizojë martesat mes homoseksualëve dhe do t'u  japë të drejtën cifteve gay që të adoptojnë fëmijë.

Banorët e lagjes së Kombinatit në Tiranë kanë bllokuar për rreth një orë rrugën kryesore të revoltuar për mungesën e energjisë elektrike. Atyre u janë bashkuar edhe banorë të Sharrës të cilët kanë po të njëjtin problem. 

Banorët janë shprehur se prej një jave janë pa energji elektrike për rrjedhojë edhe pa ujë të pijshëm. Deputeti socialist Tahiri u shpreh se banorët e Kombinatit kjo qeveri s’mund t’i trajtojë si mesjetarë, pasi ata meritojnë të trajtohen si europianë.

Në ditën e dytë të Panairit "Work & Study", të organizuar nga Dhoma e Tregtisë, në bashkëpunim me Bashkinë e Tiranës, MASH, Ministrinë e Punës dhe sipërmarrësit e kryeqytetit, nënkryetarja e Bashkisë së Tiranës, Jorida Tabaku, deklaroi se nga sipërmarrësit vijnë sinjale pozitive për një ekonomi të shëndetshme dhe shtim të vendeve të punës për vitin e ardhshëm. 

“Nëse nuk e marrim këstin e ardhshëm të parave, pasojat do të jenë dramatike”, paralajmëron kryeministri grek Antonis Samaras, në një intervistë për gazetën Kathimerini.