Arkiv-Lajme të përditësuara

Kandidati republikan për president Mitt Romney po merr shkas nga rritja prej 0.1 për qind e papunësisë për të kritikuar rivalin e tij, Presidentin Barack Obama, ndërsa kandidatët po bëjnë fushatë në ditët e fundit para zgjedhjeve të së martës.

Ish-guvernatori i Massachusettsit e quajti shifrën prej 7.9 për qind të papunësisë për tetorin si një "kujtesë për frenimin e ekonomisë". Ai vuri në pah se kjo shifër është më e lartë sesa ajo 7.8 për qind e janarit 2009 kur presidenti Obama mori detyrën.

Fushë beteje është bërë mbrëmë zona e Shën Pandalejmonit në Athinë, ku emigantët janë përleshur me forca ekstremiste të djathta dhe dyqanet e tyre janë bërë pre e zemërimit të këtyre të fundit. 

Anëtarë të Agimit të Artë kanë shkatërruar dyqanet e të huajve në këtë zonë dhe janë përleshur me emigrantët gjatë gjithë natës. Policia ndaloi 12 persona për ngjarjet e dhunshme, ndërkohë që disa njerëz janë plagosur, por numri i saktë i tyre nuk dihet. Thuhet se, në rrethana të panjohura një i huaj u gjet i therur me thika në Shën Meletius dhe u dërgua në spital. 

Aktivistë dhe ish-të burgosur politik në Pagaruaj u grumbulluan në një protestë masive kundër vendimit të Asunsionit zyrtar për të riatdhesuar eshtrat e ish-diktatorit, gjeneralit Alfredo Stroessner. 

Aktualisht, eshtrat e tij ndodhen në Brazil, ku ndërroi jetë në strehim politik në vitin 2006.

Të afërmit po përpiqen prej disa vitesh për të rikthyer diktatorin në vend, me një gjykatë që dha aprovimin e saj vetëm më parë gjatë javës.

Mbi 160 fëmijë më aftësi të kufizuara në bashkinë e Bajram Currit dhe komunën Tropojë e vjetër jetojnë në kushte shumë të vështira.  Atyre nuk u ofrohet kempi dhe asnjë shërbim social, arsimor dhe shëndetësor. Këto të dhëna kanë dalë pas monitorimit në terren nga ana e organizatave partnere. 

Gazetat e njohura Financial Times dhe Der Spiegel i kanë kushtuar sot faqen e parë, çështjes së listës “Lagarde” dhe evazionit fiskal në Greqi. 

Japonia ka protestuar ndaj Shteteve të Bashkuara pas përfshirjes në një incident të një ushtari amerikan në Okinaua. 

Ushtari amerikan raportohet se ka hyrë në një apartament mbi një bar dhe ka rrahur një djalë adoleshent. Më pas, në gjendje të dehur, ai ka rënë nga dritarja dhe është dërguar në spital. 

Ministria japoneze e Jashtme ka bërë një ankesë tek i dërguari i Shteteve të Bashkuara, John Roos, bën të ditur agjencia e lajmeve “Kyodo”. 

Irlanda do të jetë shteti i parë i Eurozonës që do të ketë të drejtë të marrë sërish kredi nga investorët privatë. 

Kjo është dëshira e qeverive në Berlin dhe në Dublin. Por në vizitën e kryeministrit irlandez Enda Kenny të enjten në Berlin, kancelarja Angela Merkel refuzoi të bëjë një deklaratë, nëse bankat irlandeze do të kenë qasje, siç shpresojnë, edhe tek ombrella ESM e euros. 

Një ligj i shumëdebatuar, i cili i jep të drejtë qeverisë që të nxjerrë offline faqet e internetit hyri në fuqi në Rusi gjatë së enjtes. 

Zyrtarisht, ligji do të përdoret për të mbrojtur fëmijët nga materialet e dëmshme në internet, si pornografia, të dhëna mbi mënyrën se si mund të bëhet një vetvrasje dhe faqe që inkurajojnë përdorimin e drogës.

Një familje prej gjashtë personash në fshatin Lejcan të Komunës Ostren të Bulqizës ka mbetur prej dy ditësh në qiell të hapur pasi shtëpia e tyre është shembur si pasojë e motit të keq. 

Reshjet e dendura të shiut të shoqëruara me stuhi të fuqishme kanë shembur banesën e Kongres Mijes i cili së bashku me bashkëshorten dhe katër fëmijët e tij ka mbetur jashtë. 

Pesë ditë para votimeve, Barack Obama ka një kryesim të dukshëm ndaj Mitt Romney në tre shtete thelbësore, sipas sondazheve të zhvilliara për zgjedhjet presidenciale në SHBA. 

Sondazhet tregojnë qartë se Obama ka një avantazh prej 6 pikësh në Ajoua, me një nivel të mbështetjes prej 50-44 për qind, 3 pikësh në Uiskonsin, me një nivel prej 49-46 për qind dhe prej 2 pikësh në Nju Hemshir, me një nivel prej 49-47 për qind të preferencave të votuesve.