zgjedhjet

Genc Pollo, një nga drejtuesit e PD-së ka dhënë një intervistë për “Tirana Today” ku sqaron sa me sens ironie apo rromuze situtën politike. Sipas Pollos sot të gjithë janë parimorë, aq sa mund të lejohen fjali të tipit “LSI-ja është pjesë e kauzës sonë”. LSI dhe kauzë, dy gjëra që nuk mendonte njeri se mund t’I bashkonte PD-ja. Ka një pyetje që meriton vëmendje:

Si ka mundësi që PBDNJ i  Dules  dhe ‘‘Aleanca Kuqezi’’ e Spahiut  janë vëllazëruar  nën hijen e çadrës?

Përgjigja nuk është e vështirë kur birëson parimet si arsenal retorik:

Dy ditë pas takimeve Kokëdhima- Meta dhe Kokëdhima – Basha, gazeta “Shekulli” ka dalë me një editorial në thelbin e të cilit është Zgjidhja që ofrohet nga “një lider I mirë”. Cila është kjo zgjidhje që sugjerohet me shkrim nga Arben Rrozhani? Kjo zgjidhje është shtyrja e zgjedhjeve për në vjeshtë.

Të hënën më datë 10 prill përfundon afati ligjor pr regjistrimin e partive politike për zgjedhjet e 18 qershorit. Kjo përcaktohet në Kodin Zgjedhor, por në kushtet e mosregjistrimit nga partitë e opozitës, ky afat do të shkelet. Hapësira e gjetur? Interpretime preferenciale të së drejtës ndërkohë që kodi shkelet: 

Darka e djeshme mes drejtuesve të koalicionit qeveritar ka përcjellë disa mesazhe, por asnjë qëndrim zyrtar. Së pari ai ka konfirmuar vijimin e bisedimeve për rikonfirmimin e aleancës, në emër të pushtetit dhe zbatimit formal të programit të dakordësuar. Ky është versioni empirik që rrjedh nga fakti i takimit informal. Mesazhi i dytë lidhet me shoqëruesit: Erjon Veliaj pranë kryeministrit Edi Rama është evidentuar si njeriu më afër kryeministrt dhe kryetarit të PS-së, me nënkuptimin e pasuesit të tij.

Në kulmin e debatit mbi situatën e drogës dhe ngërçit politik që ka mbërthyer vendin, në Tiranë shfaqet ish-ambasadori amerikan Aleksandër Arvizu.  Në cilësinë e zëvendës/ndihmës Sekretarit amerikan të  Shtetit për çështjet e trafikut ndërkombëtar të narkotikëve, Arvizu është takuar me Lulzim Bashën dhe Ilir Metën. Vizita e tij në selinë e Partisë Demokratike është një lloj konfirmimi për shqetësimin e ngritur nga opozita për çështjen e trafikut të drogës.

Zgjedhjet e Kavaajës po shndërrohen në një test përgatitor për zgjedhjet e përgjithshme që mbahen së afërmi. Kjo mund të shihet në qëndrimet e Lëvizjes Socialiste për Integrim që vlerëson te përballja e vetme PS-PD në një zonë që konsiderohet tradicionalisht bastion i së djathtës po që në vitin 2015 ndryshoi kah, një mundësi për të evidentuar peshën që ka.

Me një orë vonesë në komunikimin e fundjavës kryeministri nuk lëvizi nga pozicioni i tij për t’u futur në zgjedhje edhe pa opozitën. Ai theksoi se qeveria nuk ka ndërmarrë asnjë masë që pengon ushtrimin e rolit të opozitës në jetën demokratike të vendit dhe se deri më tani nuk është ndërmarrë asnjë hap për ndryshime në Kodin Zgjedhor pa Partinë Demokratike. Bashkë me mesazhin se nuk ka ndërmend të tërhiqet, Rama bëri një prognozë edhe për partinë ku ka milituar edhe vetë për disa orë në fillim të viteve 90.

Për të kuptuar krizën maqedonase duhen ndjekur dy persona: Nikolla Gruevski, ish-kryeministër dhe Ali Ahmeti, ish-partneri i tij në qeverisje, kryetar i Bashkimit Demokratik për Integrim. I pari e ka bërë të qartë skenarin: nacionalizëm me kartën e ndërhyrjes në punët e brendshme nga Shqipëria, parti e parë në zgjedhje, për rrjedhojë, ose zgjedhje të reja, ose kaos.

Sipas Ish-Kryetarit të KQZ-së Çlirim Gjata nëse ka dakordësi politike zgjedhjet edhe mund të shtyhen, por sipas tij, atëherë do të shkonim me qeveri teknike. Në një intervistë në studion e lajmeve të "TemA Tv", Gjata tha se zgjedhjet mund të bëhen edhe pa opozitën, por sipas tij kjo do të krijonte ulje të kredibilitetit politik. Gjata ngre shqetësim edhe për zgjedhjen e presidentit, nëse shkelen afatet.

"TemaTV"

Gazeta “Zëri” në Kosovë pubklikon sot një intervistë me kandidatin për president të Serbisë, Nenad Çanak. Ai shfaqet me disa teza ndryshe në krahasim me ato të rivalëve të vet, kryesisht të kryeministrit aktual Aleksander Vuçiç, që e cilëson një politikan pragmatist.

Çanak thotë se nëse zgjidhet ai do të ndërmarrë ndryshimin e Kushtetutës dhe nxjerrjen e Kosovës prej saj, pasi siç shprehet ai “Kosova nuk është pjesë e Serbisë”.