zgjedhjet

Pas heshtjes më shumë se një ditore Partia Demokratike ka zbardhur gjithë përmbajtjen e takimit me zv/ndihmës sekretarin amerikan Hoyt Yee dhe negociatat për krizën duke konfirmuar tërheqjen nga shumë prej kërkesave të saj. Në njoftim thuhet se diplomati amerikan i paraqiti drejtuesve të opozitës një propozim të integruar për zgjidhjen e krizës politike në Shqipëri, të cilit opozita i tha “po”.

Vizita e sotme zyrtarit amerikan Yee në Tiranë mund të cilësohet si pika vendimtare për skenarin e mospjesëmarrjes në zgjedhjet e 18 qershorit të Partisë Demokratike. Mjafton vetëm ky fakt për të kuptuar se këto zgjedhje nuk janë të zakonshme, edhe pse ato mund të mos kenë ndonjë ndikim të jashtëzakonshëm në një vend të mësuar me të papritura. Yee thuhet se do të bëjë një përpjekje të radhës për të bindur PD-në të hyjë në zgjedhje, në kushtet kur ajo kërkon largimin e kryeministrit.

“Rand Corporation” i ka lënë hapësirë këto ditë një paralajmërimi për diçka të pazakontë që mund të ndodhë në politikën iraniane. Presidenti i Iranit, Hasan Rouhani, mund të mos fitojë dot një mandat të dytë, duke thyer një traditë që vijon pa ndërprerje që nga viti 1981.

Edhe zgjedhjet e 18 qershorit janë historike. Po të hapësh gazetat apo kronikat e televizioneve, sheh se kështu janë quajur thuajse të gjitha zgjedhjet. Etiketa historike është vënë mbi çdo proces elektoral që është bërë vërtet histori, por për arsye nga më komiket deri te më dramatiket. Por asnjëherë për produktin e tyre. Zgjedhje historike mund të cilësohen vetëm ato të vitit 1992, por për arsye që nuk lidhen me këtë klasë politike.

Mbetet e paqartë strategjia e opozitës, e cila sot ka kundërshtuar përmes përfaqësuesve të vet në KQZ përmbajtjen e fletës së votimit, ndërkohë që i konsideron zgjedhjet e 18 qershorit si farsë me qeverinë aktuale. Ankimimi në Kolegj e fut procesin politik të protestës në moment delikat, pasi zgjedhjet ose i njeh, ose i konteston. Në fakt PD-ja po ecën në një rrugë që lë shtegun hapur për pjesëmarrje, por përtej 18 qershorit, kur formalisht përfundon mandati i qeverisë aktuale. 

Emmanuel Macron është zgjedhur president i Francës me një diferencë të madhe kundrejt Marie Le Pen. Ai ka marrë 65% të votave dhe ka zgjidhur dilemën që mbante pezull Europën. Fitorja e Maceon jep shpresë për stabilitet të BE-së, pasi Le Pen kishte shpallur daljen e Francës nga unioni nëse do të fitonte. Zgjedhjet në Francë tejkalojnë pozitivisht edhe një mit mediatik për influencën ruse në zgjedhje.

Kreu i fushatës së Hillary Clinton, John Podesta, ka dhënë një intervistë pë revistën “Spiegel” në të cilën flet për atë që ndodhi në zgjedhjet e 8 nëntorit. Presidenti i rei është Donald Trump “kandidat kunkurues”, siç thotë Podesta, i cili e vlerëson humbjen e Hillary Clinton si dështimin më të madh të vetin në jetën profesionale. A përbën Trump kërcënim për demokracinë amerikane? Ja një pyetje që na kujton dikë që e cilësoi Trump në paradhënie si kërcënim për qytetërimin.

Për zgjedhjet parlamentare përfliten gjithfarë skenarësh që shkojnë nga bojkoti te shtyrja, por presidenti i Republikës duket se është i qartë: zgjedhjet do të zhvillohen në datë. Ai ka zhvilluar një takim me anëtarë të Kolegjit Zgjedhor ndaj të cilëve ka apeluar për zbatim të ligjit. 
“Me rëndësi veprimtaria e Kolegjit Zgjedhor. Trajtoni me korrektësi konfliktet që do paraqiten. Kolegji Zgjedhor duhet t’i qëndrojë kushtetutës dhe ligjeve”, citohet të jetë shprehur Presidenti Bujar Nishani.

“Pse ishte e nevojshme që 11 ditë përpara zgjedhjeve presidenciale Ju të njoftonit hapjen e një hetimi rreth një kompjuteri të ri, pa patur dijeni se çfarë kishte në të? Pse nuk bëtë thjesht hetimin siç do të bënit normalisht?”

Koço Kokëdhima, kryetar i lëvizjes “Zgjidhja”, ka menduar të dalë sot me një editorial të vetin që merret me trajtimin e krizës politike në vend. Editoriali shfaqet në ditën kur është njoftuaar takimi mes kreut të PD-së dhe kryeministrit Edi Rama, mes të cilëve Kokëdhima, duket se zgjedh të parin në funksion të kauzës së zgjedhjeve të lira.