vizat

Ajencia gjermane e lajmeve “Deutsche Welle” publikonte sot në seksionin shqip një mini histori të një të riu nga Bosnje-Hercegovina që kishte bërë një udhëtim nga Sarajeva në Tiranë me autobuz. Timuri – i riu nga Bosnja – vë në dukje si vështirësi në komunikimin e dy vendeve ballkanike, mungesën e një ambasade.

Sllovenia njoftoi se kontrollet kufitare do të vijojnë edhe gjatë verës, duke e shtyrë datën e heqjes së tyre deri më 21 dhjetor. Kufiri mes Sllovenisë dhe Hungarisë u “zhduk” në vitin 2007, kur dyja vendet iu bashkuan Zonës Shengen.

Heqja e vizave duket se u ka hapur rrugën e emigrimit qytetarëve të Kosovës. Një analizë e institutit GAP në Prishtinë konkludon se rreth  33% e të pyeturve nën 24 vjeç thonë se duan të largohen nga vendi.

Komisioni Evropian (KE) ka propozuar heqjen e vizave për qytetarët e Kosovës me pasaporta të lëshuara nga Drejtoria Koordinuese e Ministrisë së Punëve të Brendshme të Serbisë. Kjo do t’u njohë të drejtën për të udhëtuar pa viza shtetasve serbë që jetojnë në Kosovë dhe nuk duan të mbajnë pasaporta të lëshuara nga autoritetet e saj.

Një skemë e dyshuar ryshfeti po trondit Poloninë vetëm një muaj para zgjedhjeve. Qeveria e cila ka mbajtur një qasje të ashpër ndaj migracionit është në qendër të këtij skandali.

Mediat polake flasin për të paktën 250 mijë viza të lëshuara nga konsullatat polake në mbarë botën, në këmbim të parave. Dyshimet janë se veçanërisht në Afrikë dhe Azi janë dhënë viza kundrejt dhjetëra mijëra eurove secila.

Përfituesit e këtyre vizave, të cilat kanë bërë të mundur hyrjen në BE, i kanë përdorur ato për të udhëtuar në Meksikë dhe më pas për të hyrë në Shtetet e Bashkuara.

Nga janari i vitit të ardhshëm, shtetasit e Kosovës do të mund të udhëtojnë pa viza në të gjithë zonën Shengen. Përveç kohës së gjatë të procedurave, heqja e vizave u kursen atyre plot 35 milionë euro.

Përgjatë këtyre viteve, shtetasit e Kosovës kanë shpenzuar mesatarisht 150-200 euro për një aplikim për vizë, një tarifë e shtrenjtë nëse merr parasysh se paga mesatare është 250 euro.

Radio Evropa e Lirë citon burime të Bashkimit Europian sipas të cilave opsioni i anullimit të liberalizimit të vizave për Kosovën nuk opsion. Ky variant është përmendur në media të ndryshme si pjesë e mundshme e atyre që u quajtën paketë e sanksioneve të BE-së për shkak të qëndrimit të Kosovës ndaj situatës në Veri.

Ekzistojnë një varg masash që po shqyrtohen dhe diskutohen. Por, shumica e madhe e shteteve anëtare në disa takime, e kanë bërë të qartë se suspendimi i liberalizimit të vizave për Kosovën nuk është opsion

Afganët erdhën dhe kryeministri Edi Rama po bën sërish atë që di më mirë: po mburret. Ku të mundë dhe sa të mundë. Po mburr veten duke vënë para Shqipërinë dhe ne, që në fakt i identifikon si plaçkë të vetën. Ne jemi mikpritës, ne dimë të jemi miq, të besës, shtëpia jonë është e atyre që do Edi Rama, se edhe Europa duhet të ketë turp etj. 

E mbani mend Donald Lunë? Nëse jo ua kujtojmë ne: ka qenë ambasador i SHBA në Shqipëri. Ishte ai që sillej si Guvernator i këtij vendi të mrekullueshëm siç edhe ironizonte kur binte rasti, dhe ndoshta edhe e mendonte me të vërtetë. Fliste për reformën në drejtësi, pastaj dërgonte sms shantazhuese deputetëve të Parlamentit ta votonin, organizonte protesta, na quante dele. Të gjitha i bëri Donaldi që u ndje pakëz mbret në këtë qoshk të Europës Juglindore.

Në datën 18 dhjetor qeveria ka vendosur heqjen e vizave për shtetasit kinezë që hyjnë në Republikën e Shqipërisë. Vendimi është propozuar nga kryeministri Edi Rama, që ushtron edhe  detyrën e ministrit të Jashtëm dhe ai është formalisht amendim I një vendimi të vitit 2019.

Liberalizimi i lëvizjes me Kinën u njoftua nga z. Rama menjëherë pas samitit të Novi Sadit kur kryeministri foli për një bum turistësh nga Kina nëse vendet e rajonit heqin barrierat mes tyre.