ukraina

Rusia njoftoi tërheqjen e më shumë se 10 000 trupave të vendosura në zonën kufitare me Ukrainën. Moska tha se kjo tërheqje shënon përfundimin e stërvitjeve ushtarake pranë Ukrainës, në një kohë që Perëndimi prej kohësh ka hedhur hipotezën se ajo ishte pjesë e një plani për të pushtuar ish-fqinjin e saj sovjetik.

Ministria ruse e Mbrojtjes tha se stërvitjet për forcat e Qarkut Ushtarak Jugor u zhvilluan në një mori rajonesh jugore duke përfshirë Rostovin, Krasnodarin dhe Krimenë, të cilat Moska ia mori Ukrainës në vitin 2014.

Një pyetje mbi Ukrainën provokoi nervat e presidentit rus, në konferencën që ai mban rregullisht çdo fundvit, një event zakonisht i parashikueshëm. Një gazetar i Sky News e pyeti Putinin nëse Moska mund të japë garanci dhe të premtojë se nuk do ta pushtojë fqinjin e saj.

“Ju po kërkoni garanci nga ne? Jeni ju që duhet të na jepni garanci. Menjëherë. Tani! Dhe të mos e flasim më për dekada.”

Ditët e fundit, Ukraina publikoi disa imazhe të marra nga sateliti, të cilat tregojnë shumë forca ruse të vendosura në kufirin e saj.

Ministria e Jashtme e Rusisë ka publikuar një listë me propozime, që sipas saj janë garancitë që do të donte nga Perëndimi, duke përfshirë ndalimin e çdo zgjerimi të mëtejshëm të NATO-s dhe kufizimet në dislokimin e trupave dhe armatimit në Evropën Lindore.

Këto propozime parashikojnë që palët të mos vendosin raketa të ndërmjetme dhe me rreze të shkurtër veprimi me bazë tokësore në territor dhe të kufizohen në aktivitetet ushtarake në Evropën Lindore, Kaukazin e Jugut dhe Azinë Qendrore.

Kryebashkiaku i Kievit është zyrtari i lartë i radhës që paralajmëron se Rusia mund të pushtojë Ukrainën.  “Ne në të gjithë Ukrainën po përgatitemi që presidenti rus Vladimir Putin të japë urdhrin për fillimin e luftës”, paralajmëron Vitali Klitschko në një artikull për “Bild-in” gjerman.

“Si ushtar dikur jam betuar se do ta mbroj këtë vend dhe jam gati të luftoj për atdheun”, citohet ai nga B92.

Ukraina është sheshi i betejës mes Rusisë dhe SHBA teksa Perëndimi nuk duket të ketë më vendosmërinë e dikurshme për të përparuar strategjikisht drejt Lindjes. Gjatë një takimi virtual prej dy orësh, presidenti amerikan Joe Biden dhe ai rus Vladimir Putin, kanë parashtruar pikëpamjet e tyre duke bërë të qartë interesin e secilit shtet.

Forcat ruse kanë një plan për pushtimin e Ukrainës. Tensionet janë rritur javët e fundit në kufirin mes dy vendeve, por Kremlini e ka mohuar gjithnjë të ketë plane për veprime ushtarake kundër fqinjit të saj të vogël në perëndim.

Por një zyrtar i inteligjencës amerikane i ka thënë AP, në kushte anonimiteti, se zyrtarët rusë e kanë një plan për një ofensivë të mundshme në 2022.

Presidenti rus paralajmëron NATO-n se nëse i kalon “vijat e kuqe” në lidhje me Ukrainën, do të përballet me reagimin e Rusisë. Vendosjen e disa raketave sulmuese në territorin e Ukrainës, Putin e cilësoi një shkak për luftë. Në forumin e investimeve në Moskë, Putin tha se shpreson që arsyeja e shëndoshë të mbizotërojë nga të dy palët.

Përshkallëzimi i situatës në kufirin Rusi-Ukrainë mund të finalizohet me nisjen e një lufte. Një parashikim të tillë e bën shefi i inteligjencës ukrainase, gjeneral brigade Kyrylo Budanov, në një intervistë për Military Times.

Rusia ka vendosur në kufi me Urainën 92 mijë trupa dhe sipas Budanov planet janë për një sulm që mund të nisë në fund të janarit apo në fillim të shkurtit.

Gazeta më e madhe në Ukrainë në gjuhën angleze, “Kyiv Post” është mbyllur pas 26 vjetësh. Sipas raportimeve të ndryshme, shkak është bërë një konflikt mes gazetarëve dhe botuesit, miliarderit Adnan Kivan. Ky i fundit ka deklaruar se mbyllja është e përkohshme dhe se ai shpreson ta rihapë gazetën së shpejti “më të madhe dhe më të mirë”.

Gjykata e Apelit në Amsterdam të Hollandës ka vendosur se koleksioni i Arit të Skithëve duhet t’i dorëzohet Ukrainës. Sipas gjykatës ky koleksion, i prezantuar në Allard Pierson Museum në universitetin e Amsterdamit në vitin 2014, i përket shtetit të Ukrainës dhe është pjesë e trashëgimisë së tij.