ukraina

Kryeministri izraelit Naftali Benett ka zhvilluar një vizitë në Moskë, ku sipas raportimeve zyrtare thuhet se ka zhvilluar një takime tri orësh me presidentin rus, Vladimir Putin.

Sipas deklarimeve izraelite në takim është folur për situatën në Ukrainë si dhe për situatën e krijuar nga luftimet për komunitetin hebraik.

Nuk është shumë e qartë se çfarë konteksti praktik ka kjo vizitë, por mediat në Izrael vënë në dukje se në këtë vend ka shumë njerëz që vijnë nga Rusia si imigrantë, çka afirmon një lloj afërsie mes të dyja vendeve.

Kremlini po zbulon së fundmi objektivat politikë në Ukrainë, të paktën për atë që thotë publikisht. Zëdhënësi Dmitry Peskov ka deklaruar për Sky News Arabia, se Rusia nuk kërkon ndarjen territorial të Ukrainës por neutralitetin e deklaruar në Kushtetutë të saj dhe çarmatimin. Ide të ngjashme u shprehën dy ditë më parë edhe nga ministri i Jashtëm Lavrov, sipas të cilit një zgjidhje do të gjendet. Dhe në fakt dje agjencia "Tass" njoftonte se “bisedimet janë vendosur të zhvillohen me dyer të mbyllura”.

Moldavia ka kërkuar zyrtarisht të anëtarësohet në Bashkimin Evropian, një javë pasi Rusia hyri ushtarakisht në Ukrainë.

“Sot ne aplikojmë zyrtarisht për anëtarësimin e Republikës së Moldavisë në Bashkimin Evropian. I drejtohet Emmanuel Macron, Presidentit të Francës, vendit që sot mban Presidencën e Këshillit të Bashkimit Evropian. Ne do ta dorëzojmë aplikimin në ditët në vijim në Bruksel”, tha presidentja Maia Sandu në një deklaratë.

Dje, presidenti ukrainas, Volodymyr Zelenskiy, deklaroi se deri më tani janë vrarë 6000 ushtarë rus në luftime. Gazeta italiane “Corriere della Sera” fliste për 10 mijë ushtarë rus të vrarë, diçka që jep idenë e një situate alarmante.

Në valën e sanksioneve kundër Rusisë për agresionin ushtarak në Ukrainë, një universitet mori një vendim që shkaktoi jo pak habi dhe reagime. Universiteti Bicocca në Milano vendosi heqjen e leksioneve për veprën e shkrimtarit rus Fjodor Dostojevski. Kjo hapi menjëherë një debat të madh, në të cilin u përfshinë figura të politikës dhe personalitete të njohura të kulturës.

Zërin e ngriti i pari profesor Paolo Nori, i cili është lektor në kursin e Dostojevskit. Ai njoftoi sot se kursi anulohet për shkak të detyrimit nga universiteti, një vendim që ai e quajti censurë qesharake.

Në janar të këtij viti, inteligjenca amerikane paralajmëroi për një sulm ushtarak rus në drejtim të Ukrainës, më 16 shkurt. Gabimi i vetëm në këtë parashikim ishte data. Sulmi rus ndodhi pak ditë pas 16 shkurtit, e megjithatë Perëndimi u gjet i papërgatitur dhe në një dilemë që vijon edhe disa ditë pasi trupat ruse kanë hyrë në Ukrainë.

Perëndimi ka vendosur në kundërpërgjigjet me sanksione, me të cilat synohet dëmtimi i ekonomisë ruse. Por në epokën e globalizmit, sanksionet janë si të pështysh lart dhe të të kthehet në fytyrë.

Oliver Stone, regjisori fitues i çmimit Oscar dhe kritik i zëshëm i politikës së jashtme amerikane, sugjeron një tjetër qasje nga ajo dominuese në raport me konfliktin Ukrainë-Rusi. Në Instagram, ai u sugjeron ndjekësve të lexojnë disa artikuj për të kuptuar më mirë se si nisi ndërhyrja ushtarake ruse.

Stone thotë se nuk është dakord me "histerinë e mediave perëndimore" dhe prirjen e saj për "të hequr dorë nga faktet kryesore kur u vjen përshtat".

Bjellorusia ka miratuar së fundmi vendosjen e përhershme në territorin e saj të trupave ruse si dhe të armëve bërthamore. 65.16% e votuesve miratuan propozimin në fjalë që e vendosin de facto kufirin e Rusisë në qendër të Europës. Vendimi ka rëndësi strategjike dhe zbulon në të vërtetë një problem të madh sigurie që ka të bëjë me vizionin e Kremilinit në këtë fushë.

Filantropi amerikan, George Soros, kërkon përfshirjen e Shteteve të Bashkuara dhe vendeve të tjera transatlantike në konfliktin Rusi-Ukrainë. Soros thotë se këto vende duhet "të bëjnë gjithçka kanë në dorë" për të mbështetur Ukrainën kundër Rusisë.

“E kam parë Ukrainën të shndërrohet nga një pjesë e ndarë nga Bashkimi Sovjetik, në një demokraci liberale dhe një shoqëri të hapur”, shkroi Soros në llogarinë e tij në Tuiter.