tvt

Një kronikë e TvT sot për gjendjen në spitalin “Shefqet Ndroqi” ngre pikëpyetje serioze mbi kapacitetet menaxhuese të epidemisë. Në kronikë paraqitet një qytetar që deklaron se ka blerë në aparaturë – që sipas tij filtron ajrin – e cila kushton 1500 euro përveç maskës 200 euro.

Çfarë pamje ka një shtet kur bie në kolaps? Është një pyetje që analistët e bëjnë gjithnjë e më shpesh për Lindjen e Mesme, ku pesë shtete aktualisht janë në një farë krize ekzistenciale. Megjithatë, njëri prej këtyre shteteve qëndron veçmas. Jemeni, Siria, Iraku dhe Libia kohët e fundit janë përballur me kryengritje, luftë civile, ndërhyrje të jashtme dhe përplasje mes përfaqësuesve rajonalë. Për kontrast, kriza e Libanit është e vetënxitur dhe dhe kjo e bën atë shumë më të pashpresë.

Ndryshimet kushtetuese të miratuara këtë të enjte në Parlament, u bënë me ngut dhe në një kohë aspak të mjaftueshme, për ndryshime të tilla madhore në ligjin themeltar të Republikës së Shqipërisë. Në një intervistë për TvT, Aurela Anastasi e pranoi ngutin nga ana e mazhorancës, por tha se ndërhyrjet e fundit nuk janë antikushtetuese.

David Quammen është autor i librit “Spillover. Evolucioni i pandemive”. I botuar 8 vjet më parë, ky libër përmend një koronavirus si një prej kërcënimeve më të mëdha për qeniet njerëzore. Bëhet fjalë për një koronavirus që ka bërë një kapërcim speciesh dhe që është përhapur nga një treg me lagështirë në Kinë. Pyetja që ngrihet menjëherë është si ia doli autori të parashikojë në mënyrë kaq të saktë atë që do të ndodhte disa vite më pas?

Më 27 qershor, presidenti serb, Aleksander Vuçiç, duhej të takohej me homologun e tij kosovar, Hashim Thaçi, në Shtëpinë e Bardhë për bisedime të ndërmjetësuara nga i dërguari special i SHBA-ve, Richard Grenell. Qëllimi i këtij samiti ishte të normalizonte marrëdhëniet midis dy vendeve, të cilat janë në një konflikt të ngrirë qëkur Kosova shpalli në mënyrë të njëanshme pavarësinë nga Serbia, në vitin 2008.

Ish-myftiu i Tiranës, Ylli Gurra, thotë se në Shqipëri veprojnë mbi 600 organizata fetare. Duke komentuar rastin e Kombinatit në studion e emisionit “Në fokus”, në TvT, Gurra tha se këto grupime hyjnë në vendin tonë përmes Komitetit Shtetëror të Kulteve. 

“Të gjitha këto grupime që hyjnë në Shqipëri, hyjnë përmes miratimit të Komitetit Shtetëror të Kulteve. Ka mbi 600 e disa organizma e grupime fetare që veprojnë brenda kornizës fetare në Shqipëri. Në momentin e parë kanë një datë regjistrimi”, tha Gurra.

Në Borsh banorët janë në pritje të inspektorëve të Kadastrës për të rinisur tentativën e tretë të regjistrimit të pronave, por pa rezultat.

Gjatë prezantimit të këtij procesi, kreu i Kadastrës, Artan Lame, nuk e përmendi këtë vijë bregdetare si pjesë të procesit.

Kryeplaku i Borshit, Ritvan Hajdini, në një intervistë telefonike për TVT tha se asnjë nga inspektorët e Kadastrës nuk është dukur për të kryer regjistrime, dhe kjo sipas tij ndodh për shkak të interesave të mëdha që luhen në këtë zonë.

Nazif Lekli ka boshatisur shtëpinë e tij në Astir në pritje të kompesimit nga projekti i Unazës së re, por në vend të këtij njoftimi ai është përballur me një fletë gjobë nga IKMT-ja. Ai së bashku me të tjerë banorë të lotit të tretë në Unazën e Re, janë gjobitur me 5 milion lekë të vjetra me një vendim të prillit të vitit të kaluar, ndonëse kanë dokumentacion të rregullt.

Ka dalë gjoba më 29.6. 2020. Na ka ardhur gjobë për arsye të mungesës së dokumenteve të pronësisë. Unë i kam. 

Eksperti i ekonomisë, Selami Xhepa, i sheh si kërcënim për financat publike planet e qeverisë “Rama” për investime kapitale në infrastrukturë. Në studion e lajmeve në TvT, i pyetur në lidhje ndikimin në buxhet të projekteve si tuneli i Llogarasë, autostrada Milot-Fier apo HEC-i i Skavicës, Xhepa tha se ato rrezikojnë që borxhi publik të arrijë nivele të pakontrollueshme.  

Shumëkush mund t’i cilësojë si filma policeskë apo me dedektivë, filma aksion apo filma të verdhë. Në të vërtetë, në Shqipëri këta filma nuk janë asgjë më tepër sesa thjesht filma me subjekte nga Sigurimi i Shtetit.

Të realizuar përgjatë viteve të komunizmit nga Kinostudio “Shqipëria e Re” numërohen me dhjetëra filma, të cilët kanë në boshtin e tyre pikërisht veprimtarinë e Sigurimit të Shtetit.

“Operacion zjarri”, “Fije që priten”, “Asgjë nuk harrohet”, “Gëzhoja e vjetër”, “Vrasje në gjueti”, “Kërcënimi”, “Hetimi vazhdon” etj. janë vetëm disa prej filmave të kësaj natyre.