turizmi

Qe Shqipëria po zbaton një program ekonomik të diktuar dhe monitoruar rreptë nga Fondi Monetar Ndërkombëtar kjo u konfirmua edhe pas përmbylljes së misionit të radhës në Shqipëri, i cili e bëri të qartë se qeveria në këtë marrëveshje ka vetëm rolin e zbatimit të detyrave. Ambicja e shpallur e ministrit të Financave, Aben Ahmetaj qyshse kur ishte ministër i Ekonomisë për uljen e TVSH-së për turizmin ra përfundimisht në takimin e djeshëm me Fondin Monetar Ndërkombëtar.

Vonesat në daljen e akteve nënligjore për turizmin e kanë bërë të pamundur mbledhjen e taksës së fjetjes në hotele. Në Paketën Fiskale të 2016-ës të Bashkisë së Tiranës përcaktohet se taksa e Fjetjes do të paguhen sipas kategorizmit të “yjeve”.

Sot u përcoll në mediat kryesore një deklaratë e ministrit grek të Mbrojtjes, Dimitris Vitsas, sipas të cilit mbyllja e kufirit për refugjatët sirianë që ndodhen në Greqi, manifeston ndër të tjera edhe ksenofobi. Madje edhe nga to vende prej nga ku kanë vërshuar mijëra emigrantë. “Disa vende kanë qeveri që ngjan se veprojnë në mënyrë ksenofobike. Mes tyre, mjaft nga ato vende që dërguan disa dhjetra mijë emigrantë në Greqi para 25 vjetësh. Por tani këto vende nuk duan të pranojnë refugjatë sirianë nga Greqia.

Shqipëria po synon tregun e turistëve rus, por ekspertët thonë se ambicjet apo parashikimet e autoriteteve shqiptarë janë më optimiste nga sa janë mundësitë. Sipas Shoqatës së Operatorëve Turistikë të Rusisë, Shqipëria po mundohet të shfrytëzojë ngërçin e krijuar në marrëdhëniet mes Rusisë e Turqisë për të thithur turistët rusë, duke nxitur një plan strategjik për turizmin. Por ekspertët rusë thonë se Shqipëria ka disavantazhe në infrastrukturë, çka nuk e bën atraktiv ofertën e saj për turistët rusë.

Nuk është e thënë që çdo gabim të kushtojë. Mundet që edhe gabimintë vlejë. Kjo vlen në rastin e qytetit Borja në Spanjë, ku turizmi është shtuar shumë së fundmi si pasojë e një restaurimi të gabuar të një ikone të Jezu Krishtit. Të paktën kështu raportojnë mediat sipas të cilave ikona me Krishtin e shpërfytyruar është kthyer në pikë tërheqëse për turistët në qyytetin veriperëndimor të Spanjës. 160 mijë turistë vizituan kishën e Mëshirës për t’i hedhur një sy ikonës. Paguajnë 1 euro për hyrjen dhe për një vend krejt të padëgjuar kjo po rezulton një mënyrë e papritur për t’u bërë i njohur.

Qeveria shqiptare premton uljen e TVSh-së për turizmin brenda gjashtë muajve të ardhshëm. Në një takim të zhvilluar mes ministrit të Zhvillimit të Ekonomisë, Turizmit, Tregtisë dhe Sipërmarrjes, Arben Ahmetaj dhe përfaqësuesve të operatorëve turistikë, është premtuar se TVSh-ja do të shkojë 5-10% nga 20% që është aktualisht. Po kështu Ahmetaj ka kërkuar ndjesë për faktin se qeveria nuk e realizoi uljen në planifikimin e Paketës Fiskale 2016, ndonëse sektori turistik përballet me një konkurencë të madhe në rajon.

“New Scientist” shkruan së fundmi për rrezikun e madh që i kanoset liqenit të Ohrit, i cilësuar si Galapagosi i Europës. “Liqeni i Ohrit është një Gral i Shenjtë për biologët nga e gjithë bota. Por ai përballet me një krizë të biodiversitetit”, siton faqja në fjalë, Christian Albrecht nga Universiteti i Giessen në Gjermani.  Shkencëtari në fjali ka qenë pjesë e një ekipi që ka marrë kampione të sedimenteve në liqenin në fjalë, që janë shfrytëzuar për studiuar se jetëgjatësia e liqenit dhe stabiliteti i tij ka përcaktuar dhe katalizuar evolucionin e specieve endemike që jetojë aty.

Ministri (edhe i) Turizmit Arben Ahmetaj deklaroi se fundi se frekuentimi turistik këtë vit pritet të kapë shifrën e 3.5 milionë vizitorëve. Një numër jo i madh krahasuar me vendet e rajonit, por më shumë se vitet e tjera për Shqipërinë. Loja me deklarime shifrash çdo sezon turistik është e vjetër në Shqipëri, dhe është luajtur rëndom nga ministrat e linjës. Por në rastin konkret, Ahmetaj është dhe ministër i Zhvillimit Ekonomik dhe veç kësaj, prononcohet edhe për çështje që i takojnë kolegut të Financave, siç janë kasat fiskale, evazioni etj.

Italianët mësyjnë në Shqipëri. Vijnë si turistë dhe drejtohen edhe në Kroaci, apo Mal të Zi. “Il Sole 24 ore” raporton se vetëm në fundjavë në portin e Barit kanë kaluar 61 mijë njerëz dhe 14 mijë automjete, prej të cilët 66% kanë si destinacion Shqipërinë. “Numri i rritur konfirmon një prirje në rritje të lëvizjes së trageteve krahasuar me vitin 2014”, shkruan Vincenzo Rutigliano. Shifrat janë në rritje edhe krahasuar me korrikun, duke e vënë Shqipërinë ndër destinacionet turistike me fluks të qëndrueshëm.