tahiri

Partia Demokratike ka deklaruar sot përmes sekretarit të Përgjitshëm, Arben Ristani, se skandali i përgjimeve është trhelluar me letrën e ish-drejtorit të Policisë Italiane. Në një prononcim për mediat, Ristani, nënvizoi se në lojë është siguria kombëtare dhe të drejtat e të gjithëve, ndaj fjalën e fundit në këtë çështje mund ta thotë vetëm prokuroria. “Letra e ish drejtuesit të policisë italiane konfirmon, pohon drejtpërdrejt, se paisja ka hyrë në Shqipëri ilegalisht.

Kryeministri Rama tundi dje një variant të korrigjuar të komunikatës së Europol për të bërë policinë shqiptare pjesë të operacionint ndërkombëtar të antidrogës që vuri në pranga anëtarët e një organizate të narkotrafikut, koka e së cilës ishte zyrtari shqiptar i Ministrisë së Transporteve, Kelmend Balili, i cili në fakt i shpëtoi arrestimit. Paradoksi është se ministri i Brendshëm, Sajmir Tahiri e quan sukses moskapjen e Balilit, i dyshuar për lidhje dhe mbështetje të fortë politike në Shqipëri.

Mazhoranca sinkronizoi sot repartin politik dhe atë mediatik për të kategorizuar letrën sqaruese të policisë italiane për pajisjen e përgjimit si epilogun e një historie që  nxori të diskretituar opozitën me përqasjen “shumë zhurmë për asgjë”. Ministri i Brendshëm, Sajmir Tahiri foli për një "përthyerje" që i mëshon faktit se "pajisja ka qenë vetëm didaktike dhe nuk ka patur kapacitetet teknike për të përgjuar".  

Raportimi i kreut të Shërbimit Informativ Shtetëror, Visho Ajazi Lika, para Komisionit Parlamentar të Sigurisë, ka tërhequr vëmendjen për shumëçka. Një nga këto është edhe deklarimi i tij se për informacionin e ardhur se në Shqipëri ka hyrë një pajisje përgjimi, pa leje dhe pa dijeninë e Prokurorit të Përgjithshëm, ai nuk e ka informuar kryeministrin e Shqipërisë, Edi Rama. Përgjigja e Ajazit ndaj kësaj pyetjeje ishte: “Lidhur me pyetjen pse s’e kam informuar zyrtarisht Kryeministrin ishte se ishte informacion i pakonfirmuar.

I gjithë shteti është i eskspozuar ndaj rastit flagrant të mosarrestimit të Klemend Balilit, zyrtarit të LSI-së që nga zyrat e Drejtorisë së Transporteve drejtonte trafikun ndërkombëtar të drogës. Implikimi i strukturave ligjzbatuese nuk është vetëm në faktin pse Balili nuk u arrestua apo ndalua, por edhe sepse ai u la i lirë të arratisej. Publikisht ministri i Brendshëm pohoi në emisionin Top Story se për arrestimin e Balilit u bë pengesë Prokuroria.

Ministri i Brendshëm, Sajmir Tahiri, ka qenë sot i ftuar në emisionin “Top-Story”, ku ka folur për çështjet e ditës, protagonist i disa prej të cilave është pikërisht ai. Më poshtë një pjesë e intervistës, që ka si çështje kryesore, akuzat për përgjim. Tahiri ka bërë një deklaratë direkt: Nuk ka një pajisje përgjuese dhe se policia nuk përgon. Është një qëdrim që duhet shënuar, pasi ndoshta mund të vijë përballë ndonjë fakti eventual në ditët në vijim. Më poshtë një pjesë e intervistës:

Parlamenti është vënë në lëvizje për të zbardhur të vërtetën e pajisjes së përgjimit që pretendohet se disponon dhe përdor policia në shkelje të ligjit. Presidenti i Republikës ka zyrtarizuar shqetësimin e vet në këtë drejtim – përtej konsideratave politike, Bujar Nishani përfaqëson një institucion dhe ndaj tij nuk mund të përgjigjesh me deklarata politike.

Partia Demokratie ka dalë sot zyrtarisht me një qëndrim për çështjen e të ashtuquajturës pajisje e përgjimit që pretendohet se është në përdorim të paligjshëm nga Policia e Shtetit. Një ditë më parë, ish-kryeministri Sali Berisha publikoi një listë të personave që sipas tij përgjohen në këtë mënyrë. Sot, kryetarimi PD-së, Lulzim Basha, ka ecur më tej, kur ka paralajmëruar thirrjen në Komisionin Parlamentar të Sigurisë, të ministrit Sajmir Tahiri, që do të jetë përballë Prokurorit të Përgjithshëm dhe Shefit të Shërbimit Informativ Shtetëror.

Ministri i Brendshëm u është përgjigjur interesit të gazetarëve lidhur me hetimet e nisura nga prokuroria për një paisje përgjuese në Policinë e Shtetit. Ai ka mohuar të ketë një paisje të tillë, ndonëse listës së akuzuesve i është shtuar së fundmi edhe presidenti Nishani që i ka kërkuar prokurorisë të veprojë nisur nga informacioni që atij i është përcjellë nga shërbimet inteligjente. Ku ndodhet pajisja e përgjimit? Ju e dini që ka një pajisje përgjimi? Më duhet tu sqaroj për hir të respektit që kam për opinionin publik. Policia e shtetit nuk ka dhe as nuk ka pasur një pajisje përgjimi.

Konteksti në të cilin po veprojnë politikisht dy partitë që qeverisin vendin i kanë pozicionuar ato në një duel të heshtur në mbrojtje të njerëzve të ekspozuar ndaj lidhjeve kriminale. Që prej nënshkrimit të marrëveshjes së 1 Prillit kufijtë e pushtetit të njërës apo tjetrës palë kanë qenë të përcaktuara dhe dy partitë kanë ushtruar pushtetin secila për llogari të saj. Gjatë kësaj kohe Ilir Meta duket se nuk ka punuar i qetë pasi aleati i tij Edi Rama jo pak herë ka ngjallur dyshime me qëndrimet dhe lëvizjet e tij.