Shqiperia

Gazeta greke “To Vima” ka publikuar një material ku përfliten lidhje të organizatës anarkiste “ Lufta Revolucianare” me elementë kriminalë në Shqipëri. Kështu autoritetet e vendit fqinj kanë në dorë të dhëna të rëndësishme që mund të çojnë policinë  greke në furnizuesit me armë të organizatës anarkiste “Lufta Revolucionare”.

Kyriakos Mitsotakis është favorit për kryeministër të Greqisë duke thelluar distancën me kryeministrin aktual, të majitj Aleksis Tsipras. Kjo e dhënë sipas një sondazhi publikuar nga gazeta “Parapolitika” dhe cituar nga tabloidi “Protothema” që ka shikueshmëri të lartë në Greqi. 

Sipas këtij sondazhi Nea Demokratia qëndron në krye me 37%, Syriza me 22.2% dhe në vend të tretë vjen Agimi i Artë me 8.3%. 

Prej disa ditësh në media është publikuar lajmi mbi vendimin e Gjykatës së Hagës për kufirin kroato-slloven që i jep të drejtë Sllovenisë për këtë çështje. Kroacia nuk e ka pranuar këtë vendin duke u tërhequr nga Gjykata dhe duke krijuar një precedent shumë delikat brenda hapësirës së BE-së. Sot Deutsche Welle, agjencia shtetërore gjermane, e sjell në vëmendje këtë temë duke cituar nënkryetarin e Parë të Komisionit Europian, holandezin Frans Timermans, i cili bën thirrje që të vendimi të pranohet.

Në intervistën për Abc News raporteri, Knut Fleckenstein i është përgjigjur edhe dy pyetjeve që kanë të bëjnë me hapjen e negociatave të Shqipërisë me Bashkimin Eurupian. Të para si test për afrimin me BE-në, zgjedhjet plotësuan pritshmëritë dhe bashkë me Vettingun mund t'i hapin rrugën qeverisë Rama të hapë negociatat e anëtarësimit që në vitin e parë të mandatit të dytë. 

Edi Rama është qartë fituesi i këtyre zgjedhjeve, sipas rezultateve të deritanishme. Kryeministri i deritanishëm ia doli që të marrë një rezultat të shkëlqyer për socialistët, Partia Demokratike në opozitë duket se ka humbur rëndë. Nëse konfirmohen zyrtarisht rezultatet e deritanishme, Rama nuk ka nevojë më as për partner koalicioni. Pas katër vitesh qeverisjeje, shqiptarët ia dhanë atij sërish besimin, madje me një mazhorancë të konsiderueshme. Ata duket se i besojnë atij si njeriut që do të çojë përpara Shqipërinë.

Sekretari i Përgjithshëm i NATO-s, Jens Stoltenberg ka dhënë një intervistë për Agjencinë Telegrafike Shqiptare. Ai vlerëson rolin e Shqipërisë në Aleancë, duke theksuar se ka takuar trupat shqiptare në Letoni. Sipas zyrtarit në fjalë, rritja e prezencës së NATO-s në Europë lidhet me aktivitetin rus në Ukrainë, në shenjë paralajmërimi se Aleanca do të veprojë ndaj çdo agresioni eventual ndaj një vendi anëtar.

I pyetur mbi kërcënimin rus ndaj Ballkanit, Stoltenberg ka përjashtuar një kërcënim eminent.

Në territorin shqiptar mund të kalojnë edhe dy tubacione të tjera gazi përveç atij të TAP – gazsjellësi transadriatik.

Shqipëria ka përfituar 3 350 mijë euro për financimin e katër projekteve të paraqitura pranë Fondit të Investimit të Ballkanit Perëndimor. Top-Channel raporton se vendi ynë është përfituesi më i madh dhe se fondet do të përdoren për:

- Rindërtimin e kalatave 1 dhe 2 në Portin e Durrësit, me vlerë 1.100.000 euro

- Ndërtimin e “By Pass”-it të Lezhës, me vlerë 350 mijë euro

- Mbështetjen për zhvillimin e hidrocentralit të Skavicës, me vlerë 1.500.000 euro

Para disa ditësh u bë e njohur se në Maqedoni kompania amerikane e prodhimit të sediljeve “Adient” hapi një fabrikë në zonën industrial të Strumicës. Vetë përfaqësuesi i saj ndër të tjera tha:

“Një vit më parë ne njoftuam ndërtimin e fabrikës tonë dhe sot po qëndrojmë përpara saj. Ky investim është një tjetër provë e qartë e synimeve tona për të investuar në Maqedoni dhe një hap i rëndësishëm në zgjerimin e rrjetit tonë në Europë, duke ofruar produkte të ndryshme të bazuara në cilësi, teknologji dhe rezultat për klientët tanë”.

Njësoj si në Maqedoni dhe në Kosovë situata pazszgjedhore dikton negociimin e koalicioneve jo të natyrshme për të krijuar qeverinë e re. Kandidati kryesor që po aktualizohet si emër për kryeministër është Ramush Haradinaj, përfaqësues i një koalicioni parazgjedhor mes PDK-së së Hashim Thaçit, AAK-së së vet dhe Nisma të Fatmir Limajt.

Si do të krijojë qeverinë Haradinaj me një Vetëvendosje që ka dhënë goditje të fortë në zgjedhje?