shba

Politika e Jashtme amerikane e këtyre dy dekadave ndodhet nën një sulm të vazhdueshëm argumentesh që kanë autorsëinë e Kremlinit zyrtar. Goditja e Serbisë në vitin 1999 po përdoret në vijimësi nga Rusia si pika kulmore e kërcënimit të rendit ndërkombëtar të pas Luftës së Dytë Botërore nga veprimet e njëanshme dhe jashtë mandatit të OKB-së. Duke bashkuar këtë qasje me krizën e reagimit të SHBA-së në Siri, ministri I Jashtëm rus, Sergei Lavrov, nuk ka munguar të kthejë konferencën e përbashkët për shtyp me sekretarin amerikan të Shtetit, Rex Tillerson, në një moment leksioni.

Mediat ndërkombëtare po raporojnë se Korea e Veriut është e vendosur të riafimrojë forcën e saj me një test të ri bërthamor. I gjashti që nga viti 2006 dhe që mendohet të kryhet në poligonin e Punggye – ri. Kjo është kundërpërgjigja që kreu Korean, Kim Jong – un ka zgjedhur ndaj angazhimit ushtarak të SHBA-së, presidenti i të cilave Donald Trump, nuk ka përjashtuar edhe një ndërhyrje për rrëzimin e regjimit.

“Thashë që ishte e vjetëruar. Por nuk është më e tillë”. Kështu deklaroi presidenti amerikan Donald Trump për NATO-n vetëm dje gjatë një konference për shtyp me sekretarin e Përgjithshëm të aleancës, Jens Soltenberg.

Senatori amerikan John McCain ka deklaruar gjatë takimit me kryeministrin/president serb. Aleksandër Vuçiç, se do të informojë Senatin, presidentin dhe popullin amerikan se “çdo gjë që ndodh në Europën Lindore është me rëndësi vitale për sigurinë kombëtare të SHBA”.

Goditja ushtarake ndaj Koresë së Veriut ngjan të jetë çështje kohe teksa edhe Pekini zyrtar ka dhënë mirëkuptimin për atë që sekretari amerikan i Shtetit, Rex Tillerson, e quajti “nevoja për veprim ndaj një niveli të caktuar kërcënimi”. Deklarata e Tillerson u bë në një intervistë për CBS, përmes të cilës ai ka bërë të ditur se në takimin mes presidentit kinez, Xi Jinping dhe Trump, u ra dakord që situata në gadishullin korean është serioze.

Shtetet e Bashkuara të Amerikës kanë lëshuara dje sulme ajrore ndaj Sirisë së Bashar al Assad. 59 raketa Tomahaëk kanë goditur territorin sirian, bazën ajrore Sharyat në qendër të provincës së Homs. Sipas SHBA nga kjo bazë u nisën avionët që ndërmoren sulmet kimike në Idlib, të cilat presidenti amerikan Trump, i cilësoi si kriminale dhe të patolerueshme. Trump bëri thirrje që kombet e qytetëruara t’i bashkohen ShBA-së që t’i japin fund gjakderdhjes në Siri.

Një sulm me armë kimike në Idlib të Sirisë ka detonuar tërbimin turko-amerikan kundër Bashar al Assad. Edhe presidenti amerikan, i pandjeshmi Donald Trump foli dje për aksion ushtarak ndaj Assadit, ndërkohë që presidenti turk Erdogan nuk kursue thuajse edhe mallkimet. Duket se të dyja vendet po riafrohen në interesin e tyre për Sirinë, ndërkohë që Turqia është firmosëse e Konferencës së Astanas bashkë me Iranin dhe Rusinë, e përmes të cilës zgjidhja në Siri kalon jashtë kufijve të Washingtonit. Mirëpo armët kimike janë një çështje ende serioze në një botë që po shkallmon çdo normë morale.

Fërkimi i parë mes administratës së re amerikane të Donald Trump dhe Rusisë së Vladimir Putin është konsumuar në formën e batutave cinike reciproke mes dy ministrave të Jashtëm. Rex Tillerson citohet të ketë bërë disa komente për homologun e tij rus, Lavrov, kur gjatë një takimi me ministrat e Jashtëm të NATO-s, sugjerimit se “ndaj Rusisë duhet një qasje në dy nivele, pasi edhe tangoja kërcehet nga dy veta”, ai iu përgjigj:

Në maj të vitit 2016, kur Barack Obama vizitoi Hiroshimën, pati disa që spekulluan se presidenti i SHBA-së mund të kërkonte falje, në emër të vendit të tij, për bombardimin e këtij qyteti në fund të Luftës së Dytë Botërore. Në fakt, në konferencën e përbashkët për shtyp me kryeministrin japonez, Shinzo Abe, Obama tha se vizita e tij “nderonte të gjithë ata që kishin vdekur gjatë Luftës së Dytë Botërore dhe riafirmonte vizionin e përbashkët për një botë pa armë bërthamore”.

“The Washington Post” shkruante dje për një dukuri që meriton vëmendje e deri më sot është neglizhuar: nevoja për vaksinimin kundër Human Papillomavirus që po çon në rritje të rastit të kancereve oralë. Sugjerimi vjen përmes një rasti të famshëm: aktori Michael Douglas u diagnostiuak katër vite më parë me kancer në fyt për shkak të praktikimit të seksit oral. Douglas e pohoi atë publikisht, duke provokuar debate, pasi me një informacion të tillë zbulohet edhe “higjenca virusale” e partnerit.