shba

Kina ka njoftuar ndërprerjen e konsultimeve me SHBA mbi kontrollin dhe mospërhapjen e armëve, nisur nga fakti se Washingtoni ka vijuar të shesë armë Tajvanit, pavarësisht kundërshtimit të Pekinit.

Prej disa kohësh tashmë, SHBA po i shet armë Tajvanit pavarësisht kundërshtimit të fortë kinez dhe negociatave të përsëritura. Kina ka vendosur të ndërpresë konsultimet mbi kontrollin dhe mospërhapjen e armëve me SHBA

Paralajmërimi i SHBA drejtuar Raiffeisen Bank International të Austrisë për të anuluar një marrëveshje që lidhet me një nga oligarkët më të fuqishëm të Rusisë u përshkallëzua në ultimatum një muaj më parë.

Në një letër drejtuar bankës, për të cilën u vunë në dijeni edhe mbikëqyrësi i saj Banka Qendrore Evropiane dhe qeveria e Austrisë, Uashingtoni e kërcënoi Raiffeisen se do t’i kufizonte aksesin në dollarë, një masë që do ta dënonte me vdekje huadhënësin më të madh perëndimor në Rusi.

Bashkëthemeluesi i WikiLeaks, Julian Assange, është liruar nga burgu i sigurisë maksimale në Belmarsh në Mbretërinë e Bashkuar. Assange rifitoi lirinë si pjesë e një marrëveshjeje për pranimin e fajësisë me Departamentin e Drejtësisë të SHBA.

Ai ka kaluar pesë vjet i izoluar në Londër ndërsa kundërshtonte ekstradimin në SHBA, ku akuzohet për marrjen dhe zbulimin e paligjshëm të materialeve të sigurisë kombëtare që hedhin dritë mbi krimet e dyshuara të luftës amerikane.

Shtetet e Bashkuara janë gati 15 vjet pas Kinës në zhvillimin e energjisë bërthamore të teknologjisë së lartë. Kjo pasi qasja teknologjike e mbështetur nga shteti kinez dhe financimi i gjerë prej tij i japin përparësi.

Kina ka 27 reaktorë bërthamorë në ndërtim, me afate mesatare kohore të ndërtimit prej rreth shtatë vitesh, shumë më shpejt se vendet e tjera, thuhet në një studim të kryer nga Fondacioni i Teknologjisë së Informacionit dhe Inovacionit, një institut kërkimor jopartiak me bazë në Uashington.

Gjenerali në pension, Wesley Clark, e cilëson tradhti ndaj Amerikës projektin e Jared Kushner për të ndërtuar një kompleks të ri në qendër të Beogradit.

Projekti i dhëndrit të ish-presidentit amerikan, Donald Trump, është pjesë e një prej tre investimeve të mëdha të kompanisë së tij “Affinity Partners” në zhvillimin e pronave në Ballkan. Dy të tjerat janë në Shqipëri: në Sazan dhe Zvërnec.

Ambasada e SHBA në Shqipëri dhe Delegacioni i Bashkimit Evropian vërejnë një nxitim të mazhorancës në nismën për ngritjen e komisionit të posaçëm i cili synon një cikël të ri reformash.

Dy përfaqësitë kryesore diplomatike në vend ai I SHBA dhe BE-së kanë reaguar për Zërin e Amerikës ku kanë konstatuar nxitimin e PS-së në miratimin e rezolutës dhe brenda 5 ditësh vendimin për ngritjen e komisionit të posaçëm.

Gjykata e Nju-Jorkut e shpalli fajtor ish-presidentin Donald Trump për falsifikim të të dhënave të biznesit të tij. Trump u gjet fajtor për 34 akuza të ngritura ndaj tij, duke u bërë kështu ish-presidenti i parë i SHBA-së i dënuar për një krim.

Trump përballet me mundësinë e një dënimi me burg për shkeljen e ligjit përmes krijimit të një skeme pagese që ai e përdori përpara zgjedhjeve presidenciale të 2016-s.

Afrimi i zgjedhjeve europiane dhe më vonë edhe atyre presidenciale në SHBA, ka rritur shqetësimet për fushatat e koordinuara të dezinformimit online. Por ndryshe nga zgjedhje të tjera të rëndësishme vitet e shkuara, rreziku i dezinformimit shtohet nga mundësia e përdorimit të inteligjencës artificiale.

Për të kundërshtuar avancimin e Rusisë në Ukrainë, presidenti i SHBA-së Joe Biden po shqyrton dy kundërmasa të reja: ndëshkimin e Kinës për furnizimin e teknologjisë kryesore në Moskë dhe heqjen e kufijve të përdorimit të armëve me rreze të shkurtër veprimi nga Ukraina për të sulmuar brenda Rusisë. Lajmin e bën të ditur "The Washington Post".

Fakti që nisma të tilla po konsiderohen tani tregon shqetësimin në rritje të administratës amerikane për cenueshmërinë e Ukrainës në fushën e betejës.

Vendimi i Presidentit të SHBA, Joe Biden, për të pezulluar miratime për projektet e reja të gazit natyror të lëngshëm (LNG) nuk do të prekë dërgesat në Evropë. "Kjo nuk ndikon në asnjë nga LNG që eksportohet aktualisht," tha zëvendës sekretari amerikan i Energjisë, David Turk, për Politico.

"Ai gjithashtu nuk ndikon në asnjë nga ndërtimet aktuale që po vazhdojnë për të eksportuar edhe më shumë LNG," shton Turk.