sanksionet

Një foto që ilustron kohën tonë, më saktë atë që do të jetë koha jonë nga këtej e tutje. Në Iran duket se po bëhet batërdia nga pandemia dhe askush nuk po do të dijë më. Sanksionet e kanë gjunjëzuar Teheranin zyrtar në këtë përballje që duket se do të ketë kosto marramendëse dhe të paprecedentë në histori.

Mediat e ndryshme shkruajnë për dakordësinë mes Gjermanisë dhe Rusisë për ndërtimin e gazsjellësit Rryma Veriore 2(Nord Stream 2) brenda vitit 2021. Kancelarja gjermane Angela Merkel ishte në Rusi dhe gjatë një konference të përbashkët për shtyp me presidentin Vladimir Putin deklaroi se:

Shpresoj se në fund të këtij viti, apo në 4 muajt e parë të vitit tjetër puna do të jetë mbaruar dhe gazsjellësi do të fillojë të punojë

Ajo e ka cilësuar projektin si tërësisht ekonomik, ndaj si i tillë ai nuk duhet paragjykuar.

Gazeta serbe “Vecernje Novosti” shkruan se në Serbi pritet të shkojë këtë të premte kreu i Task Force 231, Thomas Zarzecki, për shkak të njoftimit të blerjes nga Serbia të sistemit rus Pantsir që kombinon raketa, artileri dhe armë mitralimi duke u cilësuar si një ndër armët më efektive kundër sulmeve ajrore. Serbia porositi katër bateri të tilla në vitin 2018 dhe Vuçiç e konfirmoi blerjen në tetor të këtij viti.

U mendua se ishte një rrokadë e organizuar në terren. Amerikanët dilnin jashtë sepse nuk dëshironin më të luftonin në Siri, turqit hynin brenda. Presidenti amerikan Donald Trump e mbrojti tërheqjen me faktin se SHBA nuk ka pse të angazhohet në luftëra të pafundme tribale që zhvillohen prej qindra vjetësh. Kur sapo u duk se pazari ishte mbyllur, plasi çështja kurde. Po me kurdët? Si mund të braktisen ata kaq kollaj?

Komisioni Europian ka kërcënuar qeverinë e Rumanisë se do të ndërmarrë masa të forta ligjore nëse nuk anullohen ligjet që cenojnë pavarësinë e gjykatave dhe luftën kundër korrupsionit. Komisioni i ka nisur një letër Bukureshtit zyrtar përmes zv. presidentit të Komisionit, Frans Timmermans ku shprehet shqetësimi për disa amendamente në Kodin Penal që krijojnë de facto pandëshkueshmëri për krimet.

Bashkimi Europian ka vendosur të reagojë kundër përpjekjeve të dyshuara të Iranit për të kryer vrasje në Francë dhe Danimarkë. Unioni ka zyrtarizuar sanksionet ndaj regjimit të Teheranit, duke hyrë kështu në bllokun antiiranian që udhëhiqet nga SHBA dhe Izraeli. Një ditë pasi Brukseli mori këtë vendim, nga Izraeli kanë ardhur vlerësimet e para për këtë veprim duke cilësuar ai jep shpresë se më shumë vende po vendosin të ndërmarrin veprime ndaj fushatës globale terroriste të Iranit.

Në vetëm disa javë, çmimet e naftës pësuan një rënie drastike, duke befasuaf tregjet në mbarë botën. Çmimi i naftës së papërpunuar ka rënë pothuajse me 30 për qind, lëvizje që i atribuohet një numri faktorësh, së bashku me fuçinë $ 100 dollarë.
Arabia Saudite ka një rol të madh në rënien e çmimeve të naftës, por edhe Irani ka  gjithashtu ndikim të madh. 
Më herët këtë vit, qeveria amerikane premtoi të "asgjësojë" eksportet e naftës të Iranit, duke miratuar një qëndrim të ashpër, i cili, së bashku me sanksionet e imponuara në vend, ndikoi në tregje.

Ministri i Brendshëm i Italisë, Matteo Salvini ka deklaruar se Roma zyrtare do të kundërshtojë sanksionet e mëtejshme ndaj Rusisë që vihen në emër të Bashkimit Europian. Radio Evropa e Lirë raporton se Salvini ka shtuar gjithësesi se Italia nuk do të vërë veto dhe as do të shkëpusë marrëdhëniet me vendet e tjera të BE-së.

Banka e dytë më e madhe franceze, Societe Generale, do të duhet të paguajë 1.1 miliardë euro gjobë si pasojë e sanksioneve të SHBA-së. Radio France International raporton se banka në fjalë është ekspozuar ndaj disa padive gjatë kohëve të fundit dhe po lufton që të mbyllë çështjet e hapura.

Shtetet e Bashkuara të Amerikës kërcënojnë edhe Gjykatën Ndërkombëtare të Krimeve me sanksione(ndaj gjyqtarëve). Mediat e ndryshme raportojnë se do të jetë këshilltari për Sigurinë i Presidentit amerikan, Donald Trump, John Bolton, ai që do të njoftojë qëndrimin e fortë të Shtëpsië së Bardhë.

SHBA do të përdorë çdo mjet të nevojshëm për mbrojtjen e qytetarëve të vet dhe të aleatëve nga hetimi i padrejtë nga kjo gjykatë ilegjitime

citon Reuters një dokument që  do të lexohet nga Bolton para një grupi konservator në SHBA.