rusia

Presidenti serb Aleksandër Vuçiç ka deklaruar pas takimit me zv.presidentin amerikan, Mike Pence, se Serbia nuk mund të plotësojë çdo kërkesë që i bëhet. Duke folur për Tv Pink, ai tha se takimi kaloi shumë mirë, toni i bisedës dhe i përmbajtjes ishte i kënaqëshëm dhe Pence nuk e vuri për asnjë moment në situatë të vështirë.

Republika Popullore e Donetskut – një entite i vetëshpallur dhe i trajtuar si organizatë terroriste nga Ukraina, ka deklaruar krijimin e një shteti: Malorosia. Lajmi raportohet ndë rtë tjera edhe nga agjencia ruse “Sputnik” që citon të ashtuquajturin lider të republikës së vetëshpallur, Aleksandër Zakarçenko, që ka propozuar një periudhë tre vjeçare tranzitore deri në finalizimin e shtetit.

New York Times dhe Reuters, raportojnë se punëtorë nga Koreja e Veriut punojnë gati si skllevër në Rusi. Në vendin e tyre, kushtet janë aq dëshpëruese sa do të paguanin para për t’u larguar prej andej. Punëtorët përfitojnë  vetëm një pjesë të vogël të rrogës së tyre, pasi pjesa tjetër shkon me udhëheqësin Kim Jong dhe qeverinë e tij. Sipas raportit të Data Base Center for North Korean Human Rights, e cila ka selinë në Korenë e Jugut, regjimi komunist i Penianit merr 80% të pagës së shtetërore dhe të paktën 30% të pagës së ndërtuesve.

Presidenti serb Aleksandër Vuçiç ndodhe tnë një vizitë në SHBA ku pritet të takohet me numrin dy të Shtëpisë së Bardhë, Mike Pence. Vizitës po i kushtohet rëndësi, pasi Serbia përfaqëson një nyje të rëndësishme në Ballkan, madje sipas gazetës ruse “Kommersant”, “ajo shihet si shteti kyç në rajon”. Nga kjo qasje që Perëndimi po mban prej kohësh, rëndësia se çfarë vendimi do të marrë Beogradi për politikën e Jashtme rritet.

Kështu citohet të jetë shprehur presidenti francez, Emmanuel Macron, pas bisedimeve me presidentin amerikan Donald Trump. Macron madje, ka shtuar se “Franca e ka ndryshuar doktrinën e vet për Sirinë”, duke shtuar se tani synimi është asgjësimi i grupeve terrosite kudo që ndodhen. Në fakt këtë thotë edhe Donald Trump, duke sugjeruar kështu se Assad, presdidenti sirian nuk shqetëson më kënd në Perëndim.

Regjisori i njohur rus, Aleksandër Sokurov, i cili ndodhet në Shqipëri për realizimin e një filmi të bazuar mbi skenarin e Ismail Kadaresë ka dhënë një intervistë për emisionin “Kapital” të gazetarit Aleksandër Furxhi ku ka shprehur impresionet e tij për Shqipërinë. Si regjisor me eksperiencë, fitues i 20 çmimeve në festivale ndërkombëtare të filmit ai pranon se arti dhe politika është një raport bashkëveprimi që dirigjohet nga interesat e udhëheqësve politikë sidomos në vende me tipare autokratike.

"Departamenti i Shtetit dëshiron të aprovojë një shitje të mundshme pajisjesh ushtarake të sistemeve të mbrojtjes ajrore Patriot si dhe të japë mbështetjen e nevojshme për to Rumanisë", tha Departamenti i Shtetit në një deklaratë të martën.

Një ditë më parë disa media serbe njoftuan se ShBA dhe BE synojnë ndërtimin e një qendre humanitare në Serbi, e ngjashme me atë të rusëve në Nish. Vendndodhja e supozuar e kësaj qendre u tha se ishte Uzice, ndërkohë që citohej edhe zyrtari amerikan i Departamentit të Shtetit, Yee, të jetë shprehur se “në fund i takon Serbisë të vendosë, por ne sqarojmë si partnerë atë që po ndodh”
“Nuk di ndonjë qendër tjetër humanitare ku punonjësit të kenë nevojë për imunitet diplomatik”, shton Yee, duke aluduar për statusin e veçantë të punonjësve rusë në qendrën e Nishit. 

Me hyrjen e Malit të Zi në NATO dhe rrëzimin nga pushteti të Nikolla Gruevskit, duket se Rusia po tërhiqet nga Ballkani. Në një shkrim të publikuar dje në gazetën ruse online, “Pravda”, e njohur si media me qëndrime radikale kundër Perëndimit dhe që trajton shpesh teori konspiracioni, pohohet kjo gjë, duke vlerësuar se Ballkani do të mbetet ai që ka qenë: problematik dhe një patate e nxehtë për të gjithë që duan ndikim në të.

Ana Brnabiç, kryeministrja e re e Serbisë, ka deklaruar për hequr të gjitha dilemat rreth preferencave strategjike të qeverisë aktuale serbe. E pyetur nga “Bloomberg” ajo ka pranuar se nëse Serbia do të detyrohet të zgjedhë mes Rusisë dhe BE-së, do të zgjedhë këtë të fundit. “BE-ja është ajo ku po shkojmë. Ne kemi lidhje emocionale me Rusinë për shkak të traditës, kulturës dhe fesë. Ka shumë njerëz në Serbi që e perceptojnë Rusinë si vëllanë e madh, mbrojtësin tonë. Këto ndjenja nuk mund të nënvlerësohen, por drejtimi ynë strategjik është BE-ja”, është shprehur ajo.