rusia

Rusia paralajmëron se në rast se Perëndimi ndalon importin e naftës së saj, do të mbyllë tubacionin kryesor të gazit. Një zyrtar i lartë rus paralajmëroi se në një skenar të tillë, çmimi i nfatës mund të dyfishohet në rreth 300 dollarë për fuçi.

Në një deklaratë në televizionin shtetëror të hënën, zëvendëskryeministri rus Alexander Novak tha se ishte "absolutisht e qartë se një refuzim i naftës ruse do të çonte në pasoja katastrofike për tregun global".

Ish-ministri i Jashtëm i Britanisë thotë se Putin po shfaq shenja të sindromës hubris. Lordi David Oëen ka qenë shefi i diplomacisë britanike nga viti 1977 deri në 1979 dhe është mjek në profesion. Ai është autori i librit “Në shëndet e në pushtet”, i cili shpjegon se si sëmundja fizike ose mendore mund t'i shtyjë liderët politikë në veprime të paarsyeshme dhe të pamatura, duke ndikuar kështu te procesi i vendimmarrjes dhe funksionimi i shtetit.

Raundi i tretë i negociatave mes Ukrainës dhe Rusisë ka dështuar në arritjen e rezultateve të pritshme. Kreu i ekipit rus, Vladimir Medinsky ka pranuar dështimin, nërkohë që këshilltari i presidentit ukrainas, Mikhail Podolyak ka njoftuar se palët kanë rënë dakord për një raund të ri. I vetmi aspekt pozitiv i arritur është dakordësimi për korridoret humanitare, ndërkohë që agjencia ruse e lajmeve, “Tass” bën me dije se pala ruse është paraqitur në treyezë me drafte konkrete traktaetesh.

Rusia ka deklaruar se lufta në Ukrainë do të përfundojë kur kjo e fundit do të përmbushë katër kushte. Sipas zëdhënësit të Kremlinit, Dmitry Peskov, Kievi duhe të ndalojë çdo veprim ushtarak, të shpallë neutralitetin me Kushtetutë, të njohë Krimenë si territor rus dhe ët njohë republikat separatise të Donetskut dhe Luhanskut. Peskov i tha agjencisë “Reuters” se Ukraina është në dijeni të kërkesave të bëra.

Konflikti me Ukrainën u bë shkak që Rusia të konkretizojë nismën e përfolur prej kohësh për shkëputjen nga rrjeti global i internetit. Në një komunikim zyrtar të dërguar "të gjitha autoriteteve ekzekutive federale dhe autoriteteve ekzekutive të subjekteve përbërëse të Federatës Ruse" thuhet se "deri më 11 mars të gjithë serverët dhe domenet duhet të transferohen në intranetin rus".

Rusia vazhdon të furnizojë Europën me gaz përmes Ukrainës dhe në nivelet e dakorduara. Gjiganti shtetëror rus i energjisë Gazprom, i cituar nga Interfax, njoftoi se furnizimi vijon normalisht.

Ndërkohë që lufta në Ukrainë ka kthyer në vëmendje statusin e vendeve të Europës Qendrore, ose më mirë kërkesën e Rusisë për neutralitetin ushtarak të tyre, ish-kryeministri i Finlandës, Alecander Stubb deklaron në një intervistë për gazetën greke, “Kathimerini” se i vetmi vend që thotë se Finlanda është neutral, është Rusia.

Si një partner aktiv i Aleancës, Finlanda ka në themel gjithçka si detyrim, përveç nenit 5

Analistë të ndryshëm po vlerësojnë se trupat ruse do të ndërmarrin sulme ushtarake ndaj Kievit, Kharkivit, Mykolayv dhe ndoshta Odesës në 24-48 orët e ardhshme. Instituti për Studimin e Luftës nënvizon se në datën 5 mars, trupat ruse mund të kenë bërë një pauzë, ndërkohë që drejt qyteteve kryesore nuk ka patur asnjë ofensivë të madhe.

Sanksionet e vëna Rusisë me rastin e nisjes së agresionit ndaj Ukrainës, duket se kanë efekt të dyfishtë. Ato kanë nxjerrë nga tregu një aktor shumë të madh sa për t’u injoruar nga logjika e biznesit.

Ndonëse, në pamje të parë, solidariteti ngjan të jetë uniform, shenjat e para të lëkundjes po shfaqen. Kompania e njohur “Shell” njoftohet se ka blerë një ngarkesë nafte krudo nga Rusia, vetëm pak ditë  pasi bëri me dije se do të kufizonte marrëdhëniet e biznesit me këtë vend.

Kryeministri izraelit Naftali Benett ka zhvilluar një vizitë në Moskë, ku sipas raportimeve zyrtare thuhet se ka zhvilluar një takime tri orësh me presidentin rus, Vladimir Putin.

Sipas deklarimeve izraelite në takim është folur për situatën në Ukrainë si dhe për situatën e krijuar nga luftimet për komunitetin hebraik.

Nuk është shumë e qartë se çfarë konteksti praktik ka kjo vizitë, por mediat në Izrael vënë në dukje se në këtë vend ka shumë njerëz që vijnë nga Rusia si imigrantë, çka afirmon një lloj afërsie mes të dyja vendeve.