reforma ne drejtesi

Lulzim Basha tha publikisht në emisionin "Opinion" se ambasadori amerikan është i mirëpritur në mbledhjen e grupit parlamentar të Partisë Demokratike. Kreu i opozitës shfaqet kështu me një predispozitë maksimale për të ndjekur axhendën amerikane sa i takon reformës në drejtësi.

Kreu i Kuvendit Ilir Meta ka deklaruar se për LSI-në, reforma në drejtësi ka përfunduar që nga dita e djeshme ku ekspertët e EURALIUS dhe OPDAT, kanë dorëzuar në komisionin parlamentar të reformës draftin përfundimtar të paketës që tani duhet thjesht të miratohet në parim në komision dhe të votohet në Parlament.

Ambasadori amerikan foli sot me një gjuhë të drejtëpërdrejtë në Komisionin e Posaçëm të Reformës në Drejtësi,  duke i treguar edhe kulaçin edhe kërbaçin klasës sonë politike. I zhveshur nga gjuha diplomatike ambasadori amerikan kërkoi të prekë ndjenjat qytetare të palëve politike, duke u thënë se zvarritja e miratimit të reformës po i bën me turp. Nga ana tjetër, të dyja palëve iu bë e qartë se afati ka skaduar dhe tashmë duhet të shkojnë si çeçua të hedhin  firmën në draftin e reformës në drejtësi.

Donald Lu është i ndërgjegjshëm për rolin e Sali Berishës dhe ndikimin që ai ka në Partinë Demokratike. Vetëm kështu mund të shpjegohen takimet e tij të shpeshta me ish-kryeministrin. Zyra e ish-kryetarit të Partisë Demokratike përcolli një njoftim lidhur me temën e takimit me ambasadorin amerikan. "Ish kryeministri prof. dr Sali Berisha priti në një takim ambasadorin amerikan zotin Donald Lu, me të cilin diskutoi gjërësisht për problemin e refoprmës në drejtësi, prespektivën e kësaj reforme.

Vizita e kryeministri shqiptar në Shtëpinë e Bardhë në SHBA, ka shërbyer si bilbili i arbitrit për të rinisur pa asnjë vonesë punën për reformën në drejtësi. Dhe deputetët e PD-së, pa shumë zhurmë iu drejtuan Parlamentit me të cilin deklaronin marrëdhënie të kushtëzuar. Njësoj sjellja e socialistëve, që shumë shpejt u shfaqën njerëz konsensualë dhe me mirëdashje ndaj shqetësimeve të opozitës. Konsensusi duket se ka ecur më tej në Komisionin e Posaçëm Parlamentar teksa ka hapur rrugën për negocime të tjera.

Faktori ndërkombëtar në 25 vitet e fundit ka patur një rol vendimtar në zhvillimet e Shqipërisë. Janë ata që kanë vënë para klasën politike të ndjekë interesin publik dhe jo axhendat personale. Sot delegacioni i Bashkimit Evropian dhe Ambasada Amerikane kanë përcjellë një deklaratë drejtuar palëve për të miratuar pa vonesa aspiratën e 91 % të shqiptarëve për të miratuar reformën në drejtësi. "Delegacioni i Bashkimit Evropian dhe Ambasada e Shteteve të Bashkuara mirëpresin rifillimin e dialogut në komisionin parlamentar për reformën në drejtësi.

Duke kuptuar se koha po kalon dhe reforma në drejtësi po kthehet në një prolog deklaratash pa produkt, socialistët bënë një lëvizje të sforcuar me Fatmir Xhafën për të treguar se partia që udhëheq koalicioin e majtë është e vendosur për të plotësuar një imperativ të shqiptarëve siç është reforma në drejtësi.

Nga shkrimet e përditshme të Berishës në faqen e tij në Facebook, si dhe nga deklaratat që bëjnë zëdhënësit e tij (Lulzim Basha, Oerd Bylykbashi, Eduard Halimi etj.), kuptohet qartë se ai synon ta shtyjë me çdo kusht reformën në drejtësi për pas zgjedhjeve parlamentare. Një synim i tillë do të ishte i kuptueshëm politikisht, në qoftë se gjasat për një fitore të koalicionit të rrudhur të PD-së do të ishin të mëdha pas një viti. Por a janë ato të mëdha?

Ardhja në Tiranë e Komisionerit Johanes Hahn duket se nuk solli asnjë ndryshim në qëndrimet që palët po mbajnë për çështjen e reformës në drejtësi. Zyrtari europian kërkoi që opozita të mos vendosë kushte dhe të mos e ndërlikojë procesin e reformës në drejtësi me çështje të gjykatave. “Mendoj se kam qenë i qartë sa i përket reformës në drejtësi. Duhet të fokusohemi tek ajo reformë dhe jo t’i ndërlikojmë gjërat. Fokusi duhet të jetë vetëm reforma në drejtësi”, tha Hahn, duke bërë apel për dialog dhe rinisje të punës”.

Ai që mund të ulë sërish palët në tryezë për reformën në drejtësi është vetëm abasadori amerikan Donald Lu, i cili për momentin nuk ndodhet në Shqipëri. Me një mision pajtimi ka ardhur në Tiranë edhe Komisioneri i Zgjerimit Johanes Hahn, të cilit i ishte premtuar votimi i reformës në drejtësi para se të mbërrinte në kryeqytetin shqiptar. Por kushtet e opozitës kanë hedhur në erë konsensusin e brishtë dhe pikëpyetjet mbi një afrim të mundshëm janë të shumta. Kjo pasi opozita ka mbyllur çdo kanal komunikimi me palën tjetër dhe për këtë çështje ka konsultim vetëm me partnerët ndërkombëtarë.