reforma ne drejtesi

Miratimi me procedurë të përshpejtuar i projektligjit për Byronë Kombëtare të Hetimit ngjan si një lëvizje e papritur nga qeveria  po t’i referohemi deklaratave të krryeministrit se ngritja e kësaj njësie  do të ishte pjesë  e paketës për reformës në drejtësi dhe për  këtë do të pritej mendimi i Komisionit të Venecias. Tv Klan raporton se drafti që kaloi në qeveri u kundërshtua nga ministri i LSI-së, Ylli Manjani, ndonëse pak orë më vonë kryetari i Grupit Parlamentar, Petrit Vasili doli në një konferencë për shtyp për të përshëndetur vendimin.

Kryetari i Partisë Demokratike, Lulzim Basha, ka kërkuar sot largimin nga detyra të ministrit të Brendshëm,Sajmir Tahiri. Basha ka marrë shkas nga ngjarja e Elbasanit për të akuzuar ministrin si përgjegjës dhe njeri që me lidhjet me bandat ka krijuar klimë të favorshme për kriminalitetin.

Lajmi i sotshëm është se Adriatik Llalla, që ushtron detyrën e Prokurorit të Përgjithshëm, ka rezerva për draftin e propozuar në kuadër të reformës në Drejtësi. Llalla ndodhet në Kroaci, ku duket se ka bërë disa vlerësime për ndërhyrjen që bëhet  në organin e akuzës, të cilat nuk i pëlqejnë. “Siç theksohet në njoftimin për shtyp të Prokurorisë së Përgjithshme, paketa kushtetuese parashikon një këshill me një shumicë të brishtë prokurorësh, që do të drejtohet nga një person jashtë sistemit; e për këtë arsye Adriatik Llalla ka rezerva për draftin.

LSI-në duket se nuk e karakterizon më qetësia dhe dashuria inspiruese e kryetarit të saj. Vigjilenca kritike e Luan Ramës ndaj qeverisë dhe korrigjimi institucional i Petrit Vasilit janë simptoma të çoroditjes së partisë së Ilir Metës që po përpiqet të ruajë "status quo-në" e "kingmaker-it" në kushtet e një asfiksie që po e zhbën me shpejtësi fuqinë deri dje "titanike" të LSI-së.

Është përsëritur disa herë se reforma në drejtësi është çelës për hapjen e negociatave për anëtarësim të Shqipërisë në Bashkimin Europian. Por në kushtet e tanishme miratimi i reformës kalon nga tre drafte paralelë, që përfaqësojnë mendimin e partive kryesore parlamentare për amendimet kushtetuese. Një prej të cilëve është edhe opinioni i ekspertëve të Partisë Demokratike që është shpërndarë sot për median.

Gazeta “Sot” ka publikuar një dokument që paraqet një kërkesë të kreut të komisionit Xhafaj,  drejtuar fondacionit “Soros” ku i kërkohet mbështetje për reformën në drejtësi.

Në pikën dy të kësaj kërkese shkruhet: Të përgatitet dhe nënshkruhet memorandumi i bashkëpunimit mes Komisionit të Posaçëm dhe Fondacionit Soros  që do të përcaktojë në mënyrë të detajuar termat e referencës së këtij bashkëpunimi.

Edi Rama është shfaqur sot në një intervistë për “Top-Channel” ku ka deklaruar edhe njëherë se “çdo gjë shkon për bukuri”. Duke i konsideruar normale dikustimet dhe kundërshtimet për një reformë historike, siç tha ai, Rama ka nënvizuar se ideja e referendumit nuk mund të përjashtohet a priori. Më poshtë një pjesë e intervistës:

TCH: Zoti kryeministër, mbrëmjen e djeshme dhe paraditen e sotme keni zhvilluar takime me aleatin tuaj, Ilir Meta. Cilat janë çështjet që ju ndajnë apo ju bashkojnë për reformën në drejtësi?

Partia Socialiste është e vendosur që të tallet deri në fund me qytetarët të cilëve u shërben “argumente” nga më banalet për nevojën e reformës në drejtësi. Në kohën kur të gjithë po binden për domosdoshmërinë e kësaj reforme, por edhe për karakterin instrumental politik të saj, ministri i Brendshëm Sajmir Tahiri ka shtuar diçka tjetër: “Problemet në drejtësi janë të dukshme dhe reforma duhet të kryhet sa më shpejt. Policia po përpiqet të kryejë detyrën e saj në mënyrën më të mirë të mundshme, duke dëshmuar se toleranca zero ndaj krimit nuk është vetëm një fjalë, por fakt.

Pas dështimit të takimit të përjavshëm mes tyre  dhe një ditë pasi kryemistri Rama rideklaroi për të disatën herë distancimin e tij nga tryeza e ekspertëve dhe e trajtoi qëndrimin e opozitës si qëndrim të Saliut dhe Lulit, Ilir Meta mbajti qëndrim të qartë politik për reformën në drejtësi, duke e trajtuar opozitën dhe kërkesat e saj institucionalisht. Ai tha se nuk duhet ecur me parimin e faktit të kryer, duke lënë të nënkuptohet se pozicionimi i Ramës nuk çon drejt një konsesusi të nevojshëm për një reformë kaq jetike për të ardhmen e vendit.

Në konferencën e thirrur me gazetarët ish- kryeministri Berisha u ndal në situatën e kriminalitetit në vend. Ai tha se ka inefiçencë dhe paralizë e organeve të rendit duke e krahasuar nivelin e rendit dhe sigurisë në 10 ditëshin e parë të janarit me atë të vitit '97.

Ish-kryeministri e cilësoi serioze situatën edhe në ekonomi ku sipas tij në dy muaj kanë humbur vendet e punës 73 mijë qytetarë shqiptarë, ka rënë kreditimi për ekonominë, është dyfishuar defiçiti korrent i saj, ndërsa doganat janë në 78% të planit të tyre, çka sipas tij e detyroi qeverinë  të rishqyrtojë buxhetin.