reforma ne drejtesi

I motivuar ndoshta nga deklaratat e ambasadorit amerikan Donald Lu se politikanët që po përpiqen për reformën po bëjnë një punë të madhe patriotike kryetari i grupit parlamentar socialist, Gramoz Ruçi, i kërkoi kryetarit të Kuvendit  atij që të fusë në procedurë të përshpejtuar parlamentare draftin e reformës në drejtësi.

Ai jep edhe arsyet sepse Kuvendi duhet të veprojë me një procedurë ekstra dhe të përshpejtuar për përfshirjen e këtyre ligjeve në axhendën e tij dhe miratimin brenda këtij sesioni parlamentar.

Ambasadori amerikan në Tiranë, Donald Lu, është rishfaqur sërish në media me mesazhe “të forta” politike. “Shpresoj që të mbani shënime dhe t’i mbani mend këto që po them. Ju duhet të punoni ditë e natë, muaj dhe vite për ta bërë dhe zbatuar reformën në drejtësi. Duhet që të keni rezultate në të ardhmen. Këtë thirrje ua drejtoj edhe politikanëve shqiptarë. Gjatë jetës suaj do të përballeni me shumë ndryshime, thoshte Tomas Xheferson, kjo do të ndodhë edhe në Shqipëri”, tha Donald Lu gjatë një aktiviteti të titulluar “Historia amerikane në sytë e të rinjve”.

Trafikimi i votave për të arritur kuorimin për miratimin e reformës në drejtësi është akt jomoral. Kështu mendon edhe sot Fehmi Abdiu, ish-kryetar i Gjykatës Kushtetuese, i cili përmes një interviste për gazetën “Shekulli” flet për draftin dhe nevojën për konsensus. “Ideja e trafikimit të votave është në kundërshtim me ndërgjegjen dhe shpirtin e popullit shqiptar, është një ide hibride dhe e turpshme. Të jeni të bindur se shumica e popullit shqiptar e kritikojnë madje e shajnë këtë ide, e cila për hir të së vërtetës është aplikuar disa herë në Shqipëri për ngjarje dhe të rëndësishme.

Mënyra sesi Partia Socialiste kërkon të miratojë reformën në drejtësi po gjen kundërshtarëedhe vetë brenda saj. Ish- deputeti dhe aktualisht Sekretari për Reformën Strukturore dhe Emigracionin në Partinë Socialiste, Koço Kokëdhima thotë se “Reforma në drejtësi, Partia Socialiste nuk mund ta miratojë në parlament jashtë konsensusit me opozitën, apo duke menduar për të rekrutuar deputetë të saj”.

Më poshtë qëndrimi i plotë i Kokëdhimës:

Ndonëse kritikoi Partinë Demokratike për mungesë fleksibiliteti në negociatat për reformën në drejtësi, ambasadori amerikan Donald Lu është rikthyer në selinë e opozitës për të vazhduar ndërmjetësimin. Marrëdhëniet mes Partisë Demokratike dhe selisë së Shteteve të Bashkuara në Tiranë kanë pësuar krisje aq sa zyra për shtyp e PD-së publikoi email-e të komunikimit të saj me ekspertë të OBDAT për nenet e reformës.

Në kohën kur nga partnerët ndërkombëtarë vijnë sinjale që deputetët të votojnë në mënyrë të pavarur për reformën në drejtësi,mazhoranca humbet një tjetër votë  të ish-aleatit të saj. Kreu i PBDNJ-së, Vangjel Dule doli me një deklaratë për shtyp  ku përveçse inkurajoi dialogun kërkoi që mazhoranca të plotësojë kërrkesën e opozitës për nenin 88.

Lëvizja Socialiste për Integrim ka artikuluar sot në mënyrë të qartë se cili është pozicioni i saj për procedurën politike të miratimit të reformës në drejtësi. Nëse aleati i saj kryesor në qeveri, Partia Socialiste ka hapur mundësinë e rrjedhjes së votave nga opozita, LSI-ja ka dalë sot kundër. “Kjo do të çonte në një tjetër krizë politike”, tha Petrit Vasili, kryetar i Grupit Parlamentar të LSI-së. Sipas tij, nëse opozita nuk jep dakordësinë mirë është të kalohet në referendum.

Pak përpara mbledhjes së komisionit për reformën në drejtësi, Ilir Meta ka mbledhur Kryesinë e Lëvizjes Socialiste për Integrim, ku theksoi se forca që ai drejton është e gatshme të votojë çdo draft PD-PS për reformën në drejtësi, mjafton që të ketë konsensusin e të dyja palëve.

Reforma në drejtësi po shoqërohet me arrestime të kryebashkiakëve të PS apo hetime ministrash të qeverisë duke parelelizuar dy procese që vënë në diskutim të paktën nga pikëpamja morale legjitimitetin e Partisë Socialiste për të kryer një reformë të tillë. Partia Demokratike e udhëhoqi procesin politik në mënyrë të tillë që veçantërisht kundërshtari i tij kryesor të njollosej si forcë politike e inkriminuar si në aparatin legjislativ ashtu edhe në atë të pushtetit vendor.

Pas disa takimeve të zhvilluara ditën e sotme, kryeministri i vendit, Edi Rama ka dalë me një deklaratë për ecurinë e negociatave për reformën në drejtësi. Rama ka rihapur mundësinë e dialogut që u duk sikur mori fund në seancën e fundit plenare. “S’dua të përjashtoj deri në minutën e fundit mundësinë e një zgjidhjeje që përfshin opozitën në këtë reformë. Nuk ka qenë qëllim i hartuesve të draftit të përjashtojnë opozitën nga vendimmarrja. Kemi punuar dhe po punojmë edhe tani për një zgjidhje dhe nevojën për përfshrje substanciale të opozitës në zbatimin e reformës.