protesta

Dy ditë përpara zhvillimit të protestës së parlajmëruar nga opozita shqiptare, ambasada amerikane në Tiranë ka shpërndarë një mesazh për shtetasit amerikanë në Shqipëri. Në ndryshim nga praktika e deritanishme, ambasada u sugjeron qytetarëve amerikanë që të jenë pjesë aktive e saj, si vëzhgues apo si pjesëmarrës.

Ambasada siguron se protesta nuk paraqet asnjë rrezik dhe se për këtë ka marrë garanci nga Luli, kryetari i PD-së dhe organizatori i saj.

Më shumë se 100 mijë grekë kanë protestuar në Selanik kundër emrit Maqedonia që duket se do të integrohet tek emri i ri ndërkombëtar. Sipas mediave ndërkombëtare protesta nuk asociohet me asnjë parti dhe në të morën pjesë priftërinj, anëtarë të tradeunioneve maqedonase nga Greqia e Veriut, politikanë lokalë, socialistë dhe konservatorë dhe ish-ushtarakë.

“Qëllimi ishte t’i dërgohet një mesazh i qartë IRJM-së që të ndalë së përdoruri “Maqedoninë” në emrin e saj”, raportojnë mediat.

Të ndihesh i harruar duket si një përditshmëri për këdo që ende bazohet mbi idealen dhe jo mbi materialen, por ta marrësh këtë harresë si kthim të kontributeve për këdo që e provon, sjell jo vetëm zhgënjim. Kjo e dëgjuar është ne përditshmëri, por e provuar është sa lodhëse aq dhe pesimiste. Është sa më sipër transformim i formës dhe përmbajtjes së mjetit, arsyes dhe bindjes. Me zhargonin e kohës, është kthimi i “tepsisë” ne “tigan”.

Opozita zyrtarizoi datën 27 Janar për protestën e rradhës. Data u vendos nga Lulzim Basha e Monika Kryemadhi pas takimit që kishin mbrëmjen e së dielës. Fundi i muajit u pa si koha më e përshtatshme për të zhvilluar protestën, pasi kryetari i Partisë Demokratike të ketë përfunduar edhe turin në rrethe. 

Situata e sotme e krijuar pas zgjedhjes së Arta Markut si Prokuror i Përgjithshëm i përkohshëm, gjen analogji me zhvillimet politike të vitit 2009, të paktën në qasjen politike.

Opozita e përfaqësuar nga PD-LSI, sot e konsideroi procedurën antikushtetuese dhe ajo me të drejtë i referohet Kushtetutës. Por në krijimin e kësaj situate të dyja partitë në fjalë kanë kontribuuar edhe vetë, ndërkohë që kërkesa e tyre sot në fakt gjen përgjigje vetëm në Gjykatën Kushtetuese. Të dyja partitë kanë përvojë në këtë drejtim, njësoj si kundërshtarja e tyre e momentit, PS.

Opozita parlamentare po bën çmos ta paresë ditën e nesërme, pra 18 dhjetorin, si ditën e qametit dhe revolucionit. Shkëndijën do ta japë një protestë e orës 09:30 para Parlamentit, ku opozita, pra PD-LSI dhe partitë e tjera do të kundërshtojnë zgjedhjen e një prokurori të Përgjithshëm të përkohshëm.

Vendi mund të futet sërish në një spirale tensioni politik. Zgjedhja e kryeprokurorit të Përgjithshëm të Përkohshëm të hënën do të gjejë jashtë parlamentit dy partitë e opozitës, PD-LSI. Drejtues të saj kanë vendosur mbajtjen e një proteste kundër përpjekjes së mazhorancës për të përmbyllur këtë proces.

20 banorë të Mbrostarit  në  Fier, mes tyre dhe një i mitur janë njohur këtë të enjtë me akuzën e organizimit të tubimit të jashtëligjshëm dhe bllokimin e akseve nacionale gjatë protestave kundër të një viti më parë në këtë fshat kundër ndërtimit të impiantit të përpunimit të mbetjeve. Seanca në gjykatën e shkallës së parë të Vlorës është mbajtur këtë të enjte me gjyqtare relatore Vjola Canaj , ndërsa akuza përfaqesohej nga Dritan Marku.

Qeverisja e majtë e Alexis Tsipras, mund të shërbejë si një ilustrim shterues në rajon për llojin e politikës që ofrohet me premtime për revolucion. I ardhur në pushtet nga një e kaluar opozitare me sfond të fortë ideologjik, Tsipras dhe koalicioni i tij, morën mandat të plotë nga shoqëria greke për t’i vënë veton Europës dhe kërkesave gjermane për kursime dhe politikës së borxhit. Siç rezultoi kthesa e Tsipras ndaj kërkesës së shoqërisë greke, e cila nxori jashtë loje establishmentin e vjetër grek, ishte e paprecedentë.

1470 fermerë të zonës së Dumresë nuk kanë marrë ende paratë e duhanit. Pasi kanë konsumuar të gjitha përpjekjet deri në ministri, të martën një përfaqësi e tyre është hedhur në protestë në qendër të Belshit.
Fermerët shprehen se kanë vite që nuk i kanë marrë paratë dhe bëhet fjalë për miliona lekë, madje në një rast një fermer ka për të marrë 60 milion lekë.