politike

Ish-ministri i Jashtëm i Maqedonisë së Veriut dhe një nga nënshkruesit e marrëveshjes së emrit me Greqinë në vitin 2018, Nikola Dimitrov, është optimist i matur se Marrëveshja e Prespës do t'i mbijetojë ndryshimit të fundit në peizazhin politik në Shkup.

Anëtarët e Këshillit të Lartë të Prokurorisë kanë shkarkuar nga detyra kryetarin Alfred Balla. Vendimi u mblodh në mbledhjen e pasdites me shumicë dërrmuese: 9 pro dhe 2 kundër. Vendimi vjen pas vendimit të marrë një javë më parë nga Komisioni i Pavarur i Kualifikimit, i cili e përjashtoi Ballën nga sistemi për 15 vjet.

Gjorgje Mijatoviç, vëllai i zëvendëskryeministrit të Federatës së Bosnjë dhe Hercegovinës (FBiH) dhe Ministri i Zhvillimit, Sipërmarrjes dhe Artizanatit, Vojin Mijatoviç, është dhunuar për vdekje të dielën në Beograd.

Lajmin e konfirmoi ministri serb i Punëve të Brendshme, Ivica Daçiç.

Mediat e Beogradit raportuan se Mijatoviç u rrah për vdekje nga huliganë në një park për fëmijë në zonën e Vozdovacit.

Vizitat e fundit të kryeministrit të Shqipërisë, Edi Rama në Athinë dhe Himarë kanë ngrirë marrëdhëniet mes Shqipërisë e Greqisë.

Për MCN, gazetari i Kathimerini, Vasilis Nedos, tha se atmosfera mes dy shteteve nuk është e mirë, edhe pse ka kanale diplomatike, por negociata për të riparuar marrëdhëniet mund të fillojnë vetëm pas shtatorit. Sipas tij, qeveria greke e ka humbur besimin tek Edi Rama pas veprimeve të fundit të tij.

Një kompani private ka sponsorizuar një aktivitet të Komisionit të Pavarur të Kualifikimit në një resort luksoz në Vlorë. Aktiviteti është mbajtur kohë më parë në « Marina Bay Resort ».

Gazetari i “Birn”, Edmond Hoxhaj, thotë se në të kanë marrë pjesë edhe vëzhgues ndërkombëtarë, të cilët nuk kanë pranuar të akomodohen në hotelin luksoz, në bazë të rregullores që kanë.

Asambleja e Përgjithshme e Kombeve të Bashkuara ka miratuar rezolutën që  shpall 11 korrikun Ditë Ndërkombëtare të Përkujtimit të Viktimave të Gjenocidit në Srebrenicë.

Rezoluta e iniciuar nga Gjermania dhe Ruanda kaloi me 84 vota pro, 19 kundër dhe 68 abstenime.

Shqipëria, Mali i Zi, Maqedonia e Veriut dhe Kroacia votuan pro, ndërsa nga vendet e BE-së votoi kundër Hungaria. Greqia, Sllovakia dhe Qiproja abstenuan.

Kundër votuan edhe Kina, Rusia, Bjellorusia, Kuba dhe Nikaragua.

Marrëveshja Rama-Meloni për emigrantët është kundërshtuar që në krye të herës edhe nga opozita italiane. Një grup deputetësh të Partisë Demokratike mbërritën sot në Gjadër për të parë nga afër ecurinë e punimeve për kampin e ri të emigrantëve, i cili duhej të kishte përfunduar dy ditë më parë.

Një acarim i ri i marrëdhënieve mes Shkupit dhe Athinës vë në rrezik Marrëveshjen e Prespës.

Një zëdhënës i Komisionit Evropian i tha Euractiv se Marrëveshja e vitit 2018 midis Greqisë dhe Maqedonisë së Veriut duhet të zbatohet nga "të gjitha palët" dhe me "mirëbesim".

Koalicioni “Maqedonia jote - VMRO-DPMNE” është fitues i zgjedhjeve të dyfishta në Maqedoninë e Veriut. Ndërsa procesi i numërimit është drejt fundit, Maqedonia jote - VMRO-DPMNE ka siguruar 42.07 për qind, ndërsa Koalicioni për të Ardhmen Evropiane - LSDM ka 14.36 për qind.

Maqedonia e Veriut mbajti sot zgjedhjet presidenciale dhe parlamentare, në të cilat të drejtë vote kishin 1.8 milion qytetarë.

Kandidatja e partisë opozitare, Gordana Silanovska-Davkova, shpalli fitoren në zgjedhjet presidenciale (65%), ndërsa rivali i tij, Stevo Pendarovski (30%), pranoi humbjen.

Kosova nuk pranon që anëtarësimi në Këshillin e Evropës të kushtëzohet me themelimin e Asociacionit të komunave me shumicë serbe. Kryeministri Albin Kurti e konsideron absurde kërkesën e Francës dhe të Gjermanisë që të dërgohet për vlerësim në Gjykatën Kushtetuese drafstatuti i Bashkimit Evropian për Asociacionin, si kusht për anëtarësim në KiE.

Kurti thotë se votimi në Asamblenë Parlamentare të KiE-së në prill ka provuar se Kosova i ka përmbushur kushtet dhe një kusht i ri cenon standardet e anëtarësimit.