politike

Anëtarësimi në BE është më shumë se kurrë zgjedhje strategjike. Përfaqësuesi i Lartë i Bashkimit Evropian për Punët e Jashtme dhe Politikën e Sigurisë dhe Zëvendëspresident i BE-së. Joseph Borrell prezantoi sot Paketën e Zgjerimit 2024, duke u ndalur në sfidat e paprecedenta me të cilat është përballur Unioni në 5 vitet e fundit.

"Ne mbetemi të vendosur për të mbrojtur vlerat tona dhe për të ndihmuar Ukrainën, si kur bëhet fjalë për rrugën drejt BE-së. të vendit dhe në fushën e betejës”, tha Borrell duke iu referuar konfliktit mes Rusisë dhe Ukrainës.

Paratë e taksapaguesve të kryeqytetit nuk kanë shkuar për shërbime. Sipas raportit 9-mujor të Bashkisë së Tiranës, detaje të të cilit u bënë të ditura në MCN nga kreu i këshilltarëve demokratë, Ilir Alimehmeti, për 9 muajt e 2024-s për investime janë shpenzuar vetëm 24% e të ardhurave.

Sipas shifrave të Bashkisë, të ardhurat në arkën e saj janë rritur ndjeshëm në krahasim parashikimin. P.sh., arkëtimet nga gjobat janë rritur me 211%.

Gjyqtarët e seksionit të emigracionit në gjykatën e Romës kanë vendosur kthimin në Itali të 12 emigrantëve të sjellë në Shqipëri pak ditë më parë, pavarësisht se kërkesat e tyre për azil janë refuzuar nga komisionet territoriale.

Gjykata nuk e gjeti në përputhje me ligjin ndalimin e dymbëdhjetë azilkërkuesve nga Egjipti dhe Bangladeshi, të shpëtuar natën e 13 tetorit nga Policia Financiare në ujërat ndërkombëtare të zonës italiane SAR dhe të sjellë përmes anijes Libra në qendrën e paraburgimit Gjader tre ditë më parë.

Tensionet e vazhdueshme etnike në veri të Kosovës mund të shkaktojnë një përsëritje të dhunës që pasoi sulmin në Manastirin e Banjskës. Admirali i Marinës së SHBA-së, Stuart B. Munsch, komandant i Komandës së Forcave të Përbashkëta Aleate në Napoli - e cila mbikëqyr misionin e NATO-s në fuqi në Kosovë - tha se aleanca mbetet e shqetësuar për rrezikun e dhunës së përsëritur në veri.

Ish-drejtori i ISHP-së, Besnik Jakaj, thotë se degradimi i sistemit shëndetësor është i qëllimshëm dhe po përdoret për t’i shtruar rrugën dhënies me koncesion të gjithë QSUT. Jakaj tha në MCN TV se një koncesion i tillë ka kohë që përflitet në mjediset e mjekëve e ekspertëve të shëndetit publik dhe përfitues i tij do të jetë një prej oligarkëve pranë qeverisë.

Ambasadorja japoneze në Tiranë, Kikuko Kato, sheh mundësi të mëdha bashkëpunimi mes dy vendeve në disa fusha. Në një intervistë për MCN TV, ajo shprehet se që prej hapjes së ambasadës japoneze në Tiranë 7 vjet më parë, bashkëpunimi mes dy vendeve është rritur, duke ngjallur interesin e bizneseve japoneze për vendin tonë.

Kato theksoi se qeveria japoneze po konsideron heqjen e vizave me Shqipërinë, pas kërkesës zyrtare të qeverisë shqiptare.

Qindra banorët të Krujës dhe Fushë-Krujës dhe zonave përreth dolën në protestë për të kundërshtuar bllokimin e hyrje-daljeve në autostradën Thumanë-Kashar.

Ata thonë se për shkak të rrugës së re që sapo ka nisur së funksionuari, nuk kanë akses në shtëpitë dhe tokat e tyre.

Në krah të protestuesve dolën edhe përfaqësues të opozitës.

Kjo nuk është protesta e parë që prej hapjes së autostradës, e cila funksionon me pagesë.

Protesta të ngjashme ka pasur disa herë gjatë ditëve të fundit dhe janë shoqëruar me tensione mes qytetarëve dhe policisë

Kryeministri Rama ka njoftuar disa ndryshime në kabinetin qeveritar. Riformatimi i kabinetit prek disa prej ministrive më të rëndësishme dhe u bë i ditur në fund të fjalës që kreu i socialistëve mbajti në Kongresin Zgjedhor të partisë.

Rama ka zgjedhur Elisa Spiropalin në postin e kryetares së Parlamentit, lënë vakant nga Lindita Nikolla, e cila njoftoi tërheqjen në seancën e fundit të këtij sesioni parlamentar.

Detyra e zonjës Spiropali si ministre Shteti për Marrëdhëniet me Parlamentin i jepet Taulant Ballës.

Ministri i Shtetit për pushtetin vendor, Arbjan Mazniku, është paraqitur sot në SPAK. Mësohet se Mazniku është thirrur nga prokurori Klodian Braho për të dhënë deklarime për dosjen 5D.

Mazniku ka mbajtur postin e nënkryetarit të Bashkisë së Tiranës nga shtatori i vitit 2015 deri në shtator 2023, kur mori detyrën e ministrit.

Po sot, ish-kandidati demokrat për Bashkinë e Tiranës, Belind Këlliçi, e ka denoncuar Maznikun për shembjen e 13 pallateve në marrëveshje me kompaninë “5D Konstruksion”.  

Partia e Emmanuel Macron-it mund të ketë një rol më të madh sesa pritej në qeverinë e re. Kjo falë një marrëveshjeje të minutës së fundit të arritur me deputetët francezë me prirje të djathtë.

Dy grupet politike krijuan një aleancë ad-hoc për të rizgjedhur Yawl Braun-Pivet si kreun e Asamblesë Kombëtare Franceze, zyrtari i katërt më i lartë në Francë.

Në bashkimin e forcave, centristët dhe qendra e djathtë kapën momentin politik, duke i dhënë njëkohësisht një goditje të papritur rivalëve të tyre më në të majtë.