policia

Drejtori i Përgjithshëm i Policisë së Shtetit, Haki Çako, ëstë liruar nga detyra. Vendimi është marrë nga Këshilli i Ministrave, me propozim të ministrit të Brendshëm, Fatmri Xhafaj dhe ai është njoftuar nga ky I fundit gjatë një takimi me drejtues të policisë.

Çako ikën nga kjo detyrë si drejtuesi kryesor i mbetur nga periudha kur Ministrinë e Brendshme e drejtonte Saimir Tahiri. I lavdëruar shpesh si njeri me profesionalizëm të lartë, Çako nuk arriti ndonjë gjë, sidomos gjatë epokës së kanabizimit që e vendosi Shqipërinë në listën kryesore të kultivimit dhe trafikimit.

Çështja me më shumë pikëpyetje nga situata e motit të keq është përmbytja e autostradës Tiranë-Durrës, ku u përsërit e njëjta situatë me vitin e kaluar.

Për të larguar ujin, që nuk u shkarkua përmes kanaleve kulluese që nuk funksionuan policia zhvendosi trafikndarëset duke përmbytur dhjetra biznese. 

Prokuroria e Tiranës deklaroi se ka nisur verifikimet për përgjegjësinë e firmës që ka kryer punimet e zgjerimit të segmentit hyrë të autostradës dhe mbjelljen e palmave. 
Për bllokimin e autostradës ka folur edhe kryeministri, i cili ka qenë edhe iniciatori i palmave.

Pak ditë para mbërritjes në Athinë të presidentit turk Erdogan, Sektori i Antiterrorit të Policisë greke kreu një operacion në shkallë të gjerë në Pagrati dhe Kalithea, duke kryer nëntë arrestime të njerëzve që sipas informatave  janë anëtarë të organizatës DHKP -C (Partia Çlirimtare e Popullit Revolucionar - Front). Kjo organizatë është jashtë ligjit në Turqi dhe në të gjitha listat e organizatave terroriste të SHBA-ve, Bashkimit Evropian dhe natyrisht Turqisë.

Shumëkush mund ta kujtojë atë spotin elektoral të kryeministrit Edi Rama në zgjedhjet parlamentare të vitit 2017. Në rolin e një punonjësi policie që ndalonte dikë me makinë në shkelje të rregullave dhe që nuk pranonte asnjë kompromis. Madje duke i dhënë leksion qytetarit se me gjobat bëhen spitale, kopshte, shkolla etj..

Mesazhi ishte përzgjedhur i thjeshtë dhe i qartë: shteti ndërtohet duke ndëshkuar çdo shkelje dhe duke vlerësuar te ndëshkimet monetare një kontribut për të bërë disa punë.

Ministria e Brendshme pranoi zyrtarisht se aksioni për arrestimin e tre ish-drejtuesve të policisë të akuzuar për trafikim droge dhe lidhje me grupin e Habiljave dështoi. Në një deklaratë të saj thuhet specifikisht “Megjithë kontrollet e ushtruara në banesa dhe vendet ku dyshohej se mund të strehoheshin personat e mësipërm, nuk është bërë e mundur gjetja dhe ndalimi i tyre. 

Pastrimi i radhëve të policisë nga efektivët e korruptuar apo me lidhje kriminale është detyra që ka marrë përsipër ministri i Brendshëm Fatmir Xhafaj. Objektivi është që brenda vitit të hartohet drafti ligjor dhe më pas të kalohet në fazën konkrete të Vetting-ut. Por sipas ministrit është herët të thuhet se sa punonjës policie do të preken nga fshesa e Vetting-ut.

Gjatë diskutimeve për buxhetin në parlament ministri i Brendshëm, Fatmir Xhafaj deklaroi se goditja e një grupi kriminal në Fier vetëm dy ditë më parë, është vetëm fillimi i këtij procesi që do vazhdojë dhe më me intensitet dhe vendosmëri në muajt në vijim.

Ai zbuloi se policia është duke përfunduar skedarin kombëtar të grupeve kriminale, personave me precedentë të rrezikshëm apo lidhjet mes tyre, duke lënë të kuptohet se ky skanim i elementëve kriminalë nuk ishte bërë më herët.

Rruga e Saimir Tahirit në politikë duket se ka marrë fund. Të paktën me këtë ekip që drejton sot Partinë Socialiste dhe me këtë mandat qeverisës. Ditë pas dite, zhvillimet penale dhe politike për çështjen që implikon ish-ministrin e Brendshëm, e bëjnë atë më të papranueshën, më të pambrojtshëm dhe për pasojë përherë e më shumë viktimë e një lufte politike që po gjeneron kosto edhe për qeverinë. 

Kryeministri Edi Rama dhe ministri i Brendshëm Fatmir Xhafa kanë organizuar sot një takim me trupën e policisë për të përcjellë disa mesazhe pas asaj që po ndodh me ish-ministrin e Brendshëm, Saimir Tahiri. Fjala e kryeministrit, përveç faktit se merr në mbrojtje policinë, nuk ka asnjë rëndësi në raport me seriozitetin që pritej në këtë rast. Z. Rama është marrë me mediat, të cilatbsas tij kanë dhjetëfishuar sulmet ndaj policisë në këto katër vjet.

Që të enjten pas mesditës në shtëpinë e Saimir Tahirit u mblodhën mbështetës të ish-ministrit dhe kryetarit të Partisë Socialiste të Tiranës.

Ky ishte sinjali i parë se Tahiri kishte marrë garanci për mbrojtje politike nga strukturat e Partisë, duke nisur nga baza e deri lart në kupolën drejtuese.