policia

Më shumë se 70 trupa të emigrantëve të vdekur u nxorrën nga një kamion i braktisur pas zbulimit nga forcat e ndihmës së shpejtë në një autostradë në lindje të Austrisë, pranë Hungarisë dhe Sllovakisë, bëhet sot e ditur nga një zëdhënës i Ministrisë së Jashtme austriake. Policia e Shtetit austriak dhe atij hungarez kanë nisur një proces të përbashkët hetimor. Një vlerësim fillestar raportonte për rreth 20 deri në 50 të vdekur pas zbulimit makabër mëngjesin e djeshëm.

Kisha Ortodokse Autoqefale e Shqipërisë denoncon sot një incident shumë të rëndë të ndodhur në Kishën e Shën Athanasit në Dhërmi. Sipas njoftimit të shpërndarë, thuhet se në incident janë protagonitë forcat policore dhe njerëz të pushtetit lokal. Ende nuk ka një reagim nga autoritetet shtetërore, por ngjarja nëse është e vërtetë përbën incident shumë të rëndë. Më poshtë njoftimi i KOASh:

Policia deklaron se ka nisur aksion masiv kundër kultivimit të bimëve narkotike në Dukagjin, por as kësaj radhe opozita nuk e përshëndet ndërhyrjen e saj. Gazeta “Rilindja Demokratike” hedh sot një tezë të vetën, me premisa të ekonomisë sa tregut: goditja në Dukagjin, po bëhet për të rritur çmimin e hashashit në Tepelenë. “Mbi 450 forca të policisë ndërrmorën dje një aksion kundër drogës në Dukagjin.

Mbi 200 parcela me kanabis janë identifikuar në zonën e Dukagjinit, ku forca të shumta policie kanë zbarkuar që në orët e para të mëngjesit të sotëm për të filluar një operacion për eliminimin e bimëve narkotike. Efektivë të RENEA-s, FNSH-së dhe punonjës së Drejtorisë së Policisë Shkodër përbëjnë në total mbi 450 forca policore dhe 70 automjete të mbështetura edhe nga helikopterë. Operacioni i koduar "Brashta" do të shtrihet në fshatrat Ndreaj, Brashtë, Pylaj, Bob, Vuksanaj dhe Breg Lumi. Ky është operacioni i dytë i madh kundër kultivimit të kanabisit që zhvillohet në zonën e Dukagjinit.

"Lapsi.al” shkruan se në pikat kufitare të Shqipërisë, është përcjellë një urdhër gojor bashkë me një listë personash, punonjës të gjithë “Agon Channel”, të cilët duhet t’i nënshtrohen një komtrolli të imtësishëm. Portali në fjalë nuk sjell referenca zyrtare, por referon burime që e konfirmojnë këtë gjë. “Një listë me rreth 200 emra, të gjithë punonjës të Agon Channel i është shpërndarë pikave të kalimit kufitar në të gjithë Shqipërinë, shoqëruar me një urdhër gojor për të kontrolluar imtësisht secilin prej tyre në hyrje- daljet e mundshme nga vendi.

Pas luftës së vazhdueshme me rezultate të lavdërueshme ndaj mbjelljes së hashashit – njohur përgjithësisht me emrin Hasho – ministri i Brendshëm Saimir Tahiri ka menduar edhe për argëtimin e uniformave blu. Kështu mësohet se një staf gazetarësh do të nisin transmetimin e dy emisioneve radiofonike: “Hashashi që duam” dhe “Si u gdhive o Lazarat?” Në emisionin e parë, pra Hashua që duam, thuhet se do të asistojë me intervista dhe mendime deputeti i Jugut, i njohur tashmë për Hashofilinë e tij. Kurse emisionin “SGOL” do ta drejtojë vetë ministri, i frymëzuar nga filmi “Mirëmëngjes Vietnam”.

Policia është shumë afër identifikimit të dy ayutorëve që një vit më parë ekzekutuan bankierin Artan Santo në zemër të bllokut. Gazeta “Shqip” shkruan se grupi hetimor ka mbledhur prova të mjaftueshme për kryerjen e disa arrestimeve.

Është kthyer në sagë historia e aksidentit fatal rrugor të 32-­vjeçares Bujana Bushi, së cilës sipas familjarëve i janë marrë edhe 100 mijë euro që kishte në çantë. Familjarët janë takuar sot me Presidentin Bujar Nishani, dhe pretendojnë se policia ka tentuar ta fshehë aksidentin, nuk u ka dhënë detaje për mënyrën se si ndodhi, si dhe kanë deklaruar se Bujanës i janë zhdukur të gjitha sendet personale. Aksidentin, familjarët e viktimës e konsiderojnë të qëllimshëm dhe akuzojnë policinë për fshehjen e ngjarjes.

Policia e Elbasanit njoftoi ndalimin e 26 vjeçarit, Everest Duka me detyrë infermier në pavionin e nefrologjisë në spitalin “Xhaferr Kongoli” Elbasan. Në njoftim thuhet se ky shtetas u ndalua nga efektivat e policisë, pas kallëzimit të bërë nga pacientia e mitur në prani të psikologes dhe të familjarëve. Everest Duka, ka qenë me shërbim në pavionin e nefrologjisë në spitalin “Xhaferr Kongoli ”Elbasan, ku punonte si infermier, ka tentuar të kryejë marrëdhënie seksuale me dhunë me pacienten e tij, shtetasen S.B vjeçe 16.

Kundrejt njoftimeve policore edhe për kapjen e një grami hashash, një aksident rrugor i lënë në heshtje, edhe pse ka patur një viktimë, dhe shuma e parave prej 100 mijë eurosh që kishte në çantë 32 vjeçarja Bujana Bushi, bënë dje xhiron e mediave. Policia së fundi sqaroi se sendet e gjetura në vendngjarje i ka prokuroria, por kjo nuk e bind bashkëshortin e Bujanës, Vullnet Troka, 45 vjeç.