policia

Policia e Moskës u vu në  alarm pasi një grua e mbuluar u pa të lëvizte në qendër të qytetit me kokën e prerë të një fëmije duke thërritur “Allahu Ekber”. Nga hetimet rezultoi se gruaja ishte dadoja e një fëmijë3-4 vjeçare, të cilit i preu kokën pasi më herët i kishtë vënë flakën shtëpisë. Ajo kërcënoi se do të hidhte veten në erë, duke nxjerrë nga çanta kokën e prerë të fëmijës. Gruaja rezultoi se nuk kishte lëndë plasëse në trup, ndërsa po heton mbi aktin e saj makabër.

Kto dit, industria e spektaklit na serviri do imazhe që ma shum sesa mendjen, tërhoqën vëmendjen. Disa aktivistë të shoqnisë civile, me pak konflikt interesi për shkak të angazhimit nëpër OJF-na, bashkë me do të tjerë pa konflikt interesi, shkulën nji rrethojë mbrenda të cilës parashikohej i sati ndërtim mbrenda parkut të liqenit artificial. Gjesti brutal i nji grueje që i hedh në tokë kapelen policit dhe ky që ia kthen me shpullë, tregoi ma s’miri se jemi “përpara ligjit”, veç jo në kuptimin përballë tij, por në kuptimin se jemi para pranimit të ligjit, pra jemi parapolitik.

Protesta e sotme në Parkun e Liqenit, kundër ndërtimeve të Bashkisë së Tiranës, është shoqëruar me incidente. Pamjet tregojnë persona që shoqërohen dhe konfrontim me policinë. Ka shkaktuar reagime dhuna e një polici ndaj një gruaje, për të cilën ka reaguar edhe PD-ja, por edhe ministri i Brendshëm, Tahiri: “Eshte e papranueshme te sulmohet uniforma e Policise se Shtetit, qofte edhe nga nje grua, por absolutisht edhe me e papranueshme dhe e patolerueshme te reagohet fizikisht, sidomos ndaj nje gruaje.

Policia e Kosovës arrestoi mëngjesin e sotëm Glauk Konjufcën, kreun e grupit parlamentar të Lëvizjes “Vetëvendosje”. Ai akuzohet për shkatërrimin e makinave të Euleksit në vitin 2009. Kontrollet u kryen edhe në shtëpitë e Xhelal Sveçlës dhe Sali Zybës, por pa mundur ti gjejnë. Shtëpia e Zybës, sic raportohet në faqen online të Gazetës Express, ndodhet pranë asaj të themeluesit të Vetëvendosjes, Albin Kurtit.

Policia është marrë si shembull i transformimit të madh që qeveria ka bërë në sektorin e sigurisë publike, duke investuar në paisje dhe logjistike të përparuar që nga kamerat e piltotimit në trup deri uniformat e punonjësve të rendit.
Megjithë ndryshimin e imazhit, statistikat tregojnë se afro 20% e trupës policore ka vepruar në kundërshtim me ligjin, duke kryer vepra që përfshijnë, nga shkelja e etikës apo disiplinës, deri në korrupsion dhe bashkëpunim me elementët kriminalë.

Pak ditë para vizitës së serkretarit amerikan të Shtetit, John Kerry, qeveria ka miratuar projektligjin për ngritjen e Byrosë së Hetimit. Fillimisht siç thuhet, kjo Byro do të jetë në varësi të Policisë së Shtetit dhe do të ketë në përbërje vetëm efektivë policie.
Vendimi është marrë në mbledhjen e sotme të qeverisë, ndërsa ende nuk ka një komunikim zyrtar për të. Varësia e kësaj Byroje është një nga pikat më të debatuara midis mazhorancës dhe opozitës.

Prokuroria e Pargjithshme urdhëroi arrestimin e gardistëve që më 21 janar 2011 ishin pjesë e repartit mbrojtës të Kryeministrisë dhe Policia e Shtetit nuk e zbatoi urdhrin. Ky akt perceptohet zakonisht si puç, por prokuroria e Adriatik Llallës memdon ndryshe. Për një linjë institucionale veprimi, thuajse automatike, organi i akuzës nuk ka gjetur asnjë përgjegjësi te ish-drejtuesit e Policisë së Shtetit, Hysni Burgaj, Agron Kuliçaj dhe Saimir Muça.

Sot mediat u përmbytën nga debati për 21 janarin, ku siç dihej protagonistët e asaj dite kanë bërë ritualin që u takon. Drejtësia është fjalë e huaj sidomos për një ngjarje të tillë në Shqipëri, ku palët kanë përgjegjësi reciproke dhe nuk mund të fshehin synimet e vërteta pas të vrarëve që ishin thjesht dhe vetëm protagonistë të spektaklit tragjik. Një lajm, tjetër, i cili edhe pse mund të përfaqësojë vetëm autorët, meriton vëmendje.

Partia Socialiste është e vendosur që të tallet deri në fund me qytetarët të cilëve u shërben “argumente” nga më banalet për nevojën e reformës në drejtësi. Në kohën kur të gjithë po binden për domosdoshmërinë e kësaj reforme, por edhe për karakterin instrumental politik të saj, ministri i Brendshëm Sajmir Tahiri ka shtuar diçka tjetër: “Problemet në drejtësi janë të dukshme dhe reforma duhet të kryhet sa më shpejt. Policia po përpiqet të kryejë detyrën e saj në mënyrën më të mirë të mundshme, duke dëshmuar se toleranca zero ndaj krimit nuk është vetëm një fjalë, por fakt.

Një qytetar është arrestuar pasi siç bëhet e ditur po përpiqej të ndërtonte një kasolle pa leje. "Sipas njoftimit të Policisë, 80-vjeçari J. S. ishte duke ndërtuar një kasolle për bagëtitë, por nuk kishte marrë leje për të. Ndaj, i moshuari është arrestuar nga Policia për ndërtim të paligjshëm", njofton policia. Në kohën kur akuzat për vjedhje e përgjime kanë mbytur ekrane e media, policia arreston dikë për kasolle pa leje. Nuk dihet se sa është dëmi i vlerësuar që ka shkaktuar ky shtetas dhe sa ditë do të rrijë në burg me shpenzime shtetërore, pa llogaritur shpenzimet e gjyqit.