misioni

Japonia planifikon dërgimin e një astronauti në Hënë në vitin 2030. Propozimi është bërë nga agjencia hapësinore japoneze – JAXA – dhe ai do të zbatohet si fazë e dytë e një angazhimi tjetër të drejtuar nga NASA. Projekti I agjencisë amerikane synon krijimin e një stacioni hapësinore në orbitën e Hënës, edhe ky pjesë e një projekti më të madh që është mbërritja në Mars.

Kryepeshkopi i Kishës Ortodokse Autoqefale të Shqipërisë, Anastas Janullatos ka folur përpara një audience në Larisa të Greqisë për vështirësitë e misionit të tij në Shqipëri, duke bërë një krahasim edhe me misionin në Afrikë. "Shqipëria nuk është e lehtë, është e vështirë në shumë drejtime... Afrika kishte vështirësi të tjera, ndërsa në Shqipëri ekziston një hije e madhe mosbesimi kryesisht mbi në Greqinë. Re të tilla dyshimi vazhdon të ketë edhe në pjesë të tjera të Ballkanit”- theksoi Janullatos.

Rainer Deville, kreu i misionit Euralius në Shqipëri duket se nuk ka ndërmend ta ndërpresë lejen që ka marrë. Tv Klan raporton se z. Deville nuk do të kthehet më në detyrën e tij pasi misioni ka vendosur që drejtimin ta marrë zëvendësja e tij, austriakja, Agnez Gergard.

Niset një mision shqiptar në Afganistan, nën komandën italiane. Ne fjalën e rastit Ministrja Kodheli, duke folur për bashkëpunimin me Italinë, përmendi projektin me Forcat e Armatosura italiane, që do të dhurojnë për ushtrinë shqiptare armatimin model NATO, gjatë vitit 2017, do të plotësojnë të gjitha nevojat e Forcave tona të Armatosura.

TemaTv

Televizioni Klan ka akuzuar sot publikisht misionin Euralius si autor të përkthimit të keq të draftit për Vettingun, i cili iu dërgua Komisionit të Venecias. Në një kronikë ku në foto shfaqej kryesuesi Rainer Deville, televizioni kombëtar “Klan” nënvizonte ndër të tjera se “është provuar zyrtarisht se misioni që asiston vendin tonë në Konsolidimin e Sistemit të Drejtësisë është autori i përkthimit të gabuar të ligjit të Vettingu-t që i është dërguar Komisionit të Venecias nga Gjykata Kushtetuese”.

Vëmendja e gjithë opinionit publik duket se është e fokusuar në maratonën e negociatave për reformën në drejtësi dhe dilemat se çfarë vendimi do të marrë parlamenti ditën e enjte. Komunitetet e Krishtera Shqipërisë (Kisha Orthodhokse Autoqefale e Shqipërisë, Kisha Katolike në Shqipëri dhe Vëllazëria Ungjillore e Shqipërisë) kanë dalë me një deklaratë, ku i bëjnë thirrje sensit të përgjegjësisë të faktorëve dhe liderëve politikë, që të gjejnë me patjetër një konsensus për këtë reformë ashtu siç edhe faktori ndërkombëtar është duke theksuar.

FMN njoftoi përmbylljen e misionit të radhës në Shqipëri. Në një konferencë për shtyp përfaqësuesja e FMN-së në Tiranë Anita Tuladhar përmendi si shqetësuese dy probleme, akumulin e detyrimeve të prapambetura ndaj biznesit dhe mosreformimin e Drejtorisë së Tatimeve.
"Rishfaqja e detyrimeve të prapambetura në qeverisjen qendrore, kryesisht në projektet e investimeve publike, paraqet një sfidë kryesore. Po ashtu, ka pasur vonesa në miratimin e planit të ristrukturimit të Drejtorisë së Përgjithshme të Tatimeve"- thuhet në deklaratën e FMN-së.

Shqipëria po merr pjesë në Ministerialin e Brukselit, ku ministrat e Mbrojtjes të vendeve të NATO-s po diskutojnë “mbi projektimin e stabilitetit përtej kufijve të NATO-s”. Ministrja e Mbrojtjes së Shqipërisë, Mimi Kodheli ka premtuar se vendi ynë do të dyfishojë numrin e trupave shqiptare që marrin pjesë në misionin e NATO-s në Afganistan “Resolute Support”. Po kështu ministrja ka përsëritur gatishmërinë e Shqipërisë për të marrë pjesë në operacionet në Egje me mjetet detare të vendit tonë.  

Nuk është vetëm Elon Musk që synon Marsin. Edhe Lockheed Martin ka ndërmend të dërgojë njerëz në planetin e kuq në vitin 2028. Projekti parashikon dy faza: në vitin 2028 do të jetë nisja dhe do të realizohet stabilizimi i një stacioni shkencor orbital në Mars. Në vitin 2030 parashikohet zbritja e njerëzve në Mars

Europa dhe Rusia ndërrmorën misionin e përbashkët për të zbuluar  gjurmë jete në planetin Mars. Qëllimi i tyre është për të hedhur dritë mbi praninë e Metanit, nëse ai vjen nga burime gjeologjike apo biologjike. Raketa që mbante satelitin, e quajtur “Exo Mars” Trace Gas Orbiter (TGO) u lëshua nga Kozmodromi i Baikonurit në Kazakistan, në orën 09:31 minuta.  Asaj do t’i duhen të paktën 10 orë kohë për ta vendosur satelitetin në trajektoren e duhur, drejt planetit Mars dhe nje udhëtim prej 500 milionë kilometrash.