kina

Një anije kozmike kineze hyri në orbitën e Marsit të mërkurën, në misionin për të çuar atje një rover, i cili do të mbledhë të dhëna për ujin nëntokësor dhe shenja të mundshme të jetës së dikurshme në planetin e kuq.

"Sonda kineze Tianwen-1 hyri me sukses në orbitën rreth Marsit të mërkurën, pas një udhëtimi gati shtatë-mujor nga Toka", njoftoi agjencia kineze e lajmeve, Xinhua.

Serbia mban deri tani vendin e parë për avancimin në fushatën e vaksinimit. Falë Kinës, ajo është pararojë në Evropën kontinentale. Rreth 7% e serbëve kanë bërë deri tani të paktën një dozë të vaksinës, një normë më shumë se dyfishi i mesatares aktuale të Bashkimit Evropian, ku midis 3 dhe 4 për qind e njerëzve janë vaksinuar që në fillim të shkurtit.

Kina nuk do t’u njohë pasaportat britanike qytetarëve të Hong-Kongut. Vendimi vjen në një kohë kur Britania po përgatitet t'u ofrojë atyre pasaporta për t’i shpëtuar shtypjes së Pekinit.

Nga e diela, ata që kanë në pasaportë britanike dhe personat në ngarkim të tyre do të mund të aplikojnë online për një vizë që i lejon ata të jetojnë dhe të punojnë në Mbretërinë e Bashkuar, ndërsa pesë vjet më vonë mund të aplikojnë për shtetësi.

Britania mund t’i bashkohet koalicionit ushtarak të njohur si NATO-ja aziatike, një propozimi ky i Amerikës të SHBA për të zgjeruar anëtarësimin në këtë grup si kundërpeshë ndaj Kinës.

Aleanca në fjalë e njohur ndryshe si QUAD, mund të zgjerohet edhe më tej, pasi vetëm pak ditë më parë, shefi i ri i politikës së Presidentit Biden për Azinë skicoi një propozim të hartimit të vendeve shtesëi.

Sipas “Spectator”, Britania e Madhe është gati t’i bashkohet këtij grupimi.

Duket si një fjalim i hartuar për të hyrë në histori ai që presidenti kinez, Xi Jinping, mbajti sot në Forumin Ekonomik Botëror. Ndryshe nga ç’pritej me largimin e Trump, Kina duket e vendosur për “luftën e ftohtë” me SHBA-të. Edhe pse asnjëherë nuk iu referua me emër Amerikës së Biden-it, Jingping nuk e kurseu termin arrogancë.

Një listë e re sanksionesh që përfshin shumë anëtarë të administratës së Trump u bë publike nga Ministria e Jashtme kineze, ndërkohë që Joe Biden betohej si president i ri i SHBA-ve. Në listë janë emrat e 28 politikanëve amerikanë që Kina i quan “anti-kinezë" dhe që Pekini i akuzon për kryerjen e një "serie lëvizjesh të çmendura" që minuan rëndë interesat e Kinës dhe marrëdhëniet kino-amerikane, ofenduan popullin kinez dhe ndërhynë në punët e brendshme të vendit.

Bashkimi Evropian dhe Kina kanë arritur sot një marrëveshje investimi që do t'u japë kompanive Evropiane më shumë akses në tregjet kineze dhe do të ndihmojë në korrigjimin e atyre që Evropa i sheh si lidhje ekonomike të paekuilibruara. Marrëveshja ka qenë në diskutim për shtatë vjet dhe ka të ngjarë të marrë të paktën një vit për të hyrë në fuqi. Ajo shihet si një marrëdhënie e re me Kinën, të cilën BE e sheh njëkohësisht si partner, por edhe si rival sistemik.

Qeveria kineze synon të frenojë perandorinë e të teknologjisë që ka ngritur Jack Ma, bashkëthemeluesi i Alibaba dhe një nga njerëzit më të pasur të vendit. Në prag të Krishtlindjes, autoritetet në Pekin urdhëruan një hetim mbi pretendimet për "praktika monopoli" nga gjiganti i shitjes me pakicë Alibaba, ndërsa tani kanë urdhëruar kompaninë e tij të teknologjisë financiare Ant Group të tkurrë operacionet e saj.

Qendra për Kërkime Biznesi dhe Ekonomike, me bazë në Britaninë e Madhe, ka publikuar raportin vjetor sipas të cilit Kina do të dalë ekonomia kryesore në botë në vitin 2033. Aktualisht SHBA qëndron në krye me 24.8% të Prodhimit të Brendshëm Bruto të ekonomisë botërore. Shifër kjo e fund vitit 2019.

Kina ka kryer së fundmi një gjest diplomatik përmes të cilit duket se kërkon normalizim të marrëdhënieve me SHBA. Ambasadori i Kinës në SHBA, Cui Tiankai ka deklaruar gjatë konferencës vjetore të Institutit për Studimet Kino-Amerikane se të dyja vendet duhet të ecin përpara me vullnet të mirë.