kina

Kina hyn në bisedime për krizën në Ukrainë. Këshilltari amerikan për sigurinë kombëtare, Jake Sullivan, po takohet sot me kryediplomatin kinez, Yang Jiechi, për të diskutuar mbi konfliktin Ukrainë-Rusi.

Takimi është një vazhdim i planifikuar prej kohësh i takimit virtual të Presidentit Joe Biden me presidentin kinez Xi Jinping në nëntor, u tha gazetarëve të shtunën një burim i njohur me situatën.

Banka Aziatike e Investimeve dhe Infrastrukturës, një entitet pas së cilës qëndron Kina, ka ndërprerë marrëdhëniet e biznesit me Rusinë dhe Bjellorusinë.

Në interesin më të mirë të bankës, menaxhimi vendosi se të gjitha aktivitetet që kanë të bëjnë me Rusinë dhe Bjellorusinë janë pezulluar dhe nën rivlerësim

Banka qendrore e Rusisë dhe fondi sovran zotërojnë rreth 140 miliardë dollarë në obligacione kineze. Shifra del nga një raport i  Grupit Bankar të Australisë dhe Zelandës së Re, ose ANZ, të cilit i referohet Bloomberg.

Analistët e shohin këtë fond si një “airbag” që mund të përdoret për të zbutur goditjen nga sanksionet e vendosura nga vendet perëndimore ndaj Rusisë pas ndërhyrjes ushtarake në Ukrainë.

Nismës ambicioze të Kinës Belt and Road, i bashkohet edhe Argjentina. Presidenti kinez, Xi Jinping, shfrytëzoi hapjen e Lojërave Olimpike Dimërore të Pekinit për të takuar liderë të huaj, mes të cilëve edhe presidentin argjentinas, Alerto Fernandez.

Nënshkrimi i një memorandum mirëkuptimi mes Kinës dhe Argjentinës synon forcimin e marrëdhënieve dypalëshe politike dhe tregtare, si dhe çon përpara interest e Kinës në Amerikën Latin.

Megjithatë, themelet e marrëveshjes u hodhën nga administratat e mëparshme, duke përfshirë edhe paraardhësin e Fernandez, Mauricio Macri.

Në fund të vitit 2021, qeveria amerikane sanksionoi disa entitete kineze për përfshirjen e tyre në një projekt të bioteknologjisë, që përfshin “një armë të supozuar të kontrollit të trurit". Në Kinë, Partia Komuniste ka ndjekur me këmbëngulje supremacinë ekonomike, teknologjike dhe ushtarake, shpesh përmes mjeteve të paligjshme ose të dyshimta.

Duket se dështimet e njëpasnjëshme të Shteteve të Bashkuara të Amerikës në arenën ndërkombëtare në 30 vitet e fundit, kompensuar nga një arrogancë e pakuptimtë, ka prodhuar një realitet të paktën dypolar në botë. Rusia dhe Kina kanë dalë së fundmi, konkretisht më 4 shkurt të këtij viti me në deklaratë të përbashkët që ka si objekt “marrëdhëniet ndërkombëtare që po hyjnë në një erë të re”.

Tajvani ka hapur arkivin online me dokumente që hedhin më shumë dritë mbi Chiang Ching-kuo, presidenti i ishullit të vetëqeverisur gjatë epokës së paqëndrueshme kur Uashingtoni shkëputi lidhjet për t’u afruar me Pekinin. Chiang - djali i madh i ish-udhëheqësit të ndjerë të Kuomintang Chiang Kai-shek – ka mbajtur detyrën e presidentit të Tajvanit nga viti 1978 deri në vdekjen e tij në 1988, në moshën 77-vjeçare. Babai i tij mbërriti në Tajvan në vitin 1949 dhe krijoi një qeveri atje pasi humbi luftën civile ndaj komunistëve të Mao Ce Dunit në Kinën kontinentale.

Me anë të një rezolute të miratuar nga parlamenti, Franca e ka cilësuar gjenocid trajtimin që Kina i bën pakicës myslimane ujgore. Vendimi pritet të tensionojë marrëdhëniet midis Parisit dhe Pekinit dy javë përpara Olimpiadës Dimërore.

Denoncimi përmes kësaj rezolute u propozua nga socialistët opozitarë dhe u mbështet edhe nga partia e presidentit Macron, Republique en Marche.

Në rezolutë thohet se Asambleja Kombëtare "njeh zyrtarisht dhunën e ushtruar nga Republika Popullore e Kinës kundër ujgurëve si krime kundër njerëzimit dhe gjenocid".

Raporti i një OJQ-je spanjolle hedh dritë mbi taktikat që përdor Kina për të kthyer në atdhe qytetarët që largohen. "Safeguard Defenders", me bazë në Spanjë, evidenton në raport tre taktika të përdorura nga Pekini për këtë qëllim: arrestimin e të afërmve të të arratisurit si kërcënim, dërgimin e agjentëve jashtë shtetit për të frikësuar personin në fjalë ose për ta rrëmbyer.

Një sondë kineze u bë e para në histori që zbulon ujë në sipërfaqen e Hënës në kohë reale.

Sonda Chang'E-5, e cila u ul në Hënë më 1 dhjetor 2020, gjeti ujë në vendin e saj të uljes në pellgun e Oqeanit Verior Procellarum, sipas një studimi të publikuar së fundmi në “Science Advances”.

Landeri kinez studioi dhe solli në Tokë mostra nga rajoni "Mons Rümker", një kompleks vullkanik i paeksploruar më parë në Hënë.