kina

Kina është vendi i parë që zbulon depozita ari nën tabanin detar. Pas tre vjetësh kërkimesh, depozitat u zbuluan 1.2 milje nën nivelin e detit në afërsi të ishujve Sanshan, provinca e Shandong në Kinën Lindore.  Vlerësohet se depozitat e gjetura arrijnë në 16.4 miliardë dollarë dhe bëhet fjalë për 1 600 tonë. Në maj, Kina i propozoi Indisë iniciativa të përbashkëta për kërkimin e metaleve të çmuar në tabanin e oqeanit Indian. 

Një destrojer i drejtuar nga Shtetet e Bashkuara kaloi 22 kilometra pranë një pjese të Detit të Kinës së Jugut, që është pushtuar dhe mbi të cilën ka shprehur pretendimet Kina, duke shkaktuar një protestë të menjëherëshme nga Pekini. “Zëri i Amerikës” trasmeton se misioni u krye pa incidente, tha një burim i ushtrisë amerikane. Kina njoftoi se e kishte vëzhguar dhe ndjekur USS Lassen dhe tha se e kishte paralajmëruar anijen amerikane që të largohej nga ujrat kineze, pjesë e arkipelagut të debatueshëm Spratly.

Kina po ndërton një radioteleskop i cili mendohet se do ta vendosë në krye të listës së vendeve që detektojnë sinjale nga çdo pjesë e vëzhgueshme e universit. 500 m diametri na hapje, Radio Teleskopi Sferik është duke përfunduar në rajonin jugperëndimor të Guizhou. Është në proces edhe instalimi i 4450 njësive reflektor, që përmirësojnë saktësinë e teleskopit në fjalë. Çdo panel është një trekëndësh barabrinjës me gjatësi brinje 11 m, me kabllo të fiksuara pas çdo paneli, që garanton marrjen në kënde të ndryshme.

Gatimi mesdhetar bazohet fort te hudhra. Kur pyeta një mikun tim se cilat janë gatimet më të njohura tradicionale shqiptare me hudhra, më tha: “Ne e përdorim hudhrën pothuajse në gjithçka” Patëllxhane të mbushur, tarator ose tavë me bamje të gjitha kanë diçka të përbashkët; secila prej këtyre gatimeve shqiptare kanë ndër përbërësit e tyre, hudhrat.

Provokim i radhës nga ana e Kinës dhe një incident i afërt: një gjueti nga ana e Pekinit ka 'përgjuar' një aeroplan spiun amerikan i cili i ka kaluar dhjetëra metra para ‘hundës. Episodi shqetësues i tensionit të përsëritur mes SHBA dhe Kinës, jo rastësisht u zbulua në ditën e ardhjes së presidentit Xi Jinping në Amerikë, pak ditë nga samiti i shumëpritur në Shtëpinë e Bardhë me Barack Obama. Ngjarja ndodhi 8 ditë më parë rreth 144 km nga brigjet e ishullit Shandong në Detin e Verdhë, në të gjithë hapësirën ndërkombëtare. Pentagoni: manovër e rrezikshme. Ka shumë precedentë.

Një det uji me përmasat e Egjiptit është zbuluar nga shkencëtarët kinezë. Ky rezervuar gjigand ndodhet nën shkretëtirën Taklamakan të Kinës, në rajonin veripërëndimor të Xinjiang. Shkencëtarët po bënin matje për absorbimin e dioksidit të karbonit dhe ranë në gjurmë të ujit. Sasia mendohet të jetë shumë e madhe dhe sipas asaj që thotë prof. Li Yan i Institutit të Ekologjisë dhe Gjeografisë në Xinjiang, uji është i kripur.

Kina ka demonstruar forcën e vet në një paradë në përkujtim të Luftës së Dytë Botërore. Parada është cilësuar si ekstravagande dhe që i bën jehonë traditës politike të Luftës së Ftohtë. Media të ndryshme e kanë parë këtë akt të Kinës edhe si një shfaqje të arsenalit të ri ushtarak, në një kohë kur gjithë bota është prekur nga efektet e krizës. Gjithësesi, arsyeja nuk mungon në Pekin pa kësaj shfaqjeje.

Agjensia e lajmeve AFP njofton se  presidenti kinez, Xi Jinping përshëndeti sot fitoren në vitin 1945 kundër Japonisë që sipas tij i ka mundësuar Kinës të ribëhet një komb i madh në botë duke shënuar kështu fillimin zyrtar të një parade madhështore ushtarake. Mbi 30 zyrtarë të huaj, përfshirë këtu ministra dhe krerë shtetesh, si presidenti rus Vladimir Putin dhe sekretari i përgjithshëm i OKB-së Ban Ki Moon morën pjesë në këtë ceremoni madhështore. Por shumë liderë të tjerë, përfshirë këtu kryeministrin japonez Shinzo Abe nuk morën pjesë në këtë paradë.

Sioas raportit tw agjencisw sw lajmeve AFP, presidenti i vietnamit paralajmëroi kundrejt kërcënimeve aktuale për pavarësinë e vendit, duke akuzuar Kinën, me rastin e 70 vjetorit të pavarësisë të ish-kolonisë franceze. “Mosmarrëveshjet në det janë duke u rritur, kryesisht në detin e Kinës”, deklaroi presidenti i vietnamit, Truong Tan Sang, në një aludim të një konflikti të mundshëm me Kinën mbi sovranitetin në detin e Kinës Jugore.

Teoritë e konspiracionit në Perëndim janë ndoshta në krye të listës për “shpjegimin” e shumë vendimeve dhe ngjarjeve. Madje aq sa tezat e përpunuara prej tyre popullarizohen më shpejt se ndonjë konkluzion që merr parasysh shumë faktorë. Këtij perceptimi nuk i shpëton as Kina, rritja e së cilës këto dy dekada ka qenë spektakolare dhe më e rëndësishmja: zhvillimi nuk ka sfiduar për asnjë çast monopolin politik të Partisë Komuniste, e cila ka ditur të reformojë ekonominë.