izraeli

Nuk kan ë të sosur lajmet që vijnë nga Lindja e Mesme që kanë për protagonist kryeministrin izraelit Beniamin Netanyahu. Kreu i Partisë Punëtore Isaac Herzog ka cituar disa dokumente të fondi “Letrat Panameze”, sipas të cilave rezulton se Netanyahu është financuar me 80 milionë dollarë në fushatë elektorale nga mbreti i Arabisë Saudite, Salman Abdulaziz Al Saud.

Marrëdhëniet mes Washingtonit dhe Telavivit zyrtar nuk janë në ditët e veta më të mira, por kjo nuk pengon që shteti i vogël në Lindjen e Mesme, të përfitojë një ndihmë të madhe nga SHBA.”Time of Izrael” raporton se SHBA po planifikojnë rritjen e ndihmës ushtarake vjetore për Izraelin duke shkuar në një shifër që është më e madhja në historinë e marrëdhënieve dypalëshe, me mbështetjen e një numri të madh senatorësh amerikanë.

Lartësitë Golan janë çështja më e fundit në përballjen mes Izraelit dhe SHBA-së. Ose më mirë mes qeverisë së Beniamin Netanjahut dhe administratës Obama. Dy ditëmë parë kryeministri izraelit deklaroi se Lartësitë Golan “do të jenë përherë nën sovranitetin e Izraelit”. Por një ditë më pas, zëdhënësi i Departamentit të Shtetit, John Kirby, theksoi të kundërtën: “Administrata Obama nuk i konsideron Lartësitë Golan si pjesë të Izraelit.

Damasku zyrtar del së fundmi me një tjetër skenar që sipas një prej përfaqësuesve të tij, Myftiut të Madh të Sirisë, Sheik Ahmad Badreddin Hassoun, është zhvilluar në mënyrë konfidenciale. Në një intervistë për televizionin libanez “Lebanese al-Mayadeen”, myftiu ka deklaruar se bga grupet rebele që luftojnë kundër pushtetit të Bashar al-Assadit, kanë ardhur shpesh oferta për armëpushim dhe marrëveshje.

Revista gjermane “Der Spiegel” raporton këtë të shtunë se shërbimi sekret gjerman, BND, ka survejuar dhe spiunuar zyrën e kryeministrit izraelit prej vitesh. Lajmi është riprodhuar edhe nga e njohura “Haaretz” e cila shton se shërbimet gjermane kanë spiunuar edhe shtete të tjera, aleate me Gjermaninë, sikurse edhe drejtues të organizatave ndërkombëtare. Ministrat e Brendshëm të Austrisë, Beligjikës, Ministrinë e Mbrijtjes të Britanisë së Madhe, Forcat Ajrore Amerikane, NASA-n, agjencitë e OKB-së, Fondin Monetar Ndërkombëtar, OPEC, etj..

Situata e brendshme politike në Izrael po shkon drejt tensionimit të vazdhueshëm. Nuk është vetëm çështa palestineze, apo problemi demografik, por adoptimi i tyre si probleme, zgjidhja e të cilave ka sjellë ngurtësimin e qeverisë në pozicione që shihen si jodemokratike. Në një shkrim në të mirënjohurën “Haartez”, nënvizohet se pas formulës së kryeministrit Beniamin Netanjahu: “Unë nuk do të pranojë dy shtete brenda Izraelit”, po kalohet në një situatë që autori Roger Alpher e quan “Luftë e Ftohtë Civile”.  Premisat janë të qarta.

Drejtuesi i Qendrës për Sipërmarrje në TelAviv të Izraelit, Dan Balter, i jep një intervistë Tv Scan. Balter flet për përvojën e tij në biznes, duke veçuar nga suksesi i Izraelit në sipërmarrje disa cilësi: si popullsi emigrante, njerëzit aty ndërmarrin rrezikun. Duke qenë se Izraeli u krijua nga asgjëja, sipërmarrësit u detyruan të mendonin ndryshe nga mënyra tradicionale dhe duke qenë një shoqëri me edukim ushtarak, kultivohet edhe përgjegjshmëria. Një këshillë që ka vlerë nga Blater për të rinjtë: “Ndalni së menduari dhe veporoni. Lëvizja do të sjellë edhe kapitalet”.

Siria dhe Izraeli kanë një histori të vetën të konfliktit që ka sjellë vendosjen e trupave të OKB-së në Lartësitë Golan që ndan të dy vendet. Por konflikti nuk ka qenë përherë i ngrirë. Në vitin 1982 të dyja vendet u përballën në një betejë të vërtetë ajrore, masive, e ngjashme me ato të luftës së Parë Botërore. Beteja e Luginës Bekaa, ajo vendosi përballë 96 gjuajtës izraleitë dhe një skuadron UAV dhe 100 gjuajtës supersonikë sirianë të mbështetur nga 19 lëshues tokë-ajër. Konsiderohet si një nga betejat më të mëdha të avionëve që fluturojnë me shpejtësinë e zërit.

Ngjarjet e fundit në Izrael po duken të pakuptueshme dhe të palogjikshme për pjesën tjetër. Vetëm në mos u vëntë në punë urrejtja si kriter, apo dëshira për të eliminuar çdo bashkëjetesë. Një tjetër video dëshmon për ekzekutimin e një palestinezi që ishte i plagosur dhe për faktin se nidhma mjekësore vonon. Ky nuk është rasti i parë këto kohë, të cilat po nxjerrin në sipërfaqe faktin se mes palestinezëve dhe izraelitëve vështirë të gjendet një gjuhë paqësore. Sikurse provohet klima e madhe e tensionit që ka përfshirë vendin.

Ky gur është një gur, por nga “gërmimi” i fakteve ka rezultuar të jetë një pajisje përgjimi e sofistikuar e kamufluar në një gur. Guri është gjetur në qytetin Bani Hayan, në jug të Libanit dhe ishte i lidhur me kabëll elektrik, katër bateri dhe një kamera. Një pajisje përgjuese e vendosur aty nga izraelitët. Dhe raportohet se nuk është hera e parë.