greqia

Greqia ka nisur të flasë për angazhim ushtarak me Turqinë në kuadër të tensioneve të shtuara në Mesdheun Lindor. Ministri grek i Mbrojtjes, Nikos Panagiotopoulos ka deklaruar në një intervistë për mediat greke se “Turqia është e vetëdijshme për koston e madhe” të çdo angazhimi ushtarak me Greqinë.

Janë kapacitetet tona që frenojnë palën tjetër nga guximi për t’u angazhuar ushtarakisht, pasi ata e dinë koston e madhe që do të jenë të detyruar të paguajnë. Erdogan provokon përherë tensione sa herë ndihet i kërcënuar në punët e brendshme

Greqia ka vendosur në gjendje gatishmërie forcat e armatosura në Egje. Mediat greke përmendin kërcënimet e zyrtarëve turq si shkak për marrjen e masave aktuale, ndërkohë që Athina zyrtare ka menduar të shmangë përplasjet retorike. 

Sinjali më i qartë që është marrë në Athinë ka qenë ai i ministrit të Jashtëm, Mevlut Cvausoglu që kërkoi demilitarizimin e ishujve të Egjeut dhe e cilësoi Greqinë një vend që nuk respekton fqinjët e vet.

Ai solli shembullin e Maqedonisë së Veriut, të cilën Greqia e detyroi të ndryshonte emrin si kusht për hyrjen në NATO. 

Presidenti i Turqisë Recep Tayyip Erdogan ka përsëritur qëndrimin "jo pro" anëtarësimit në NATO të Finlandës dhe Suedisë. 

Ne po ndjekim zhvillimet lidhur me këtë çështje me kujdes, por nuk kemi një opinion të favorshëm

është shprehur Erdogan para gazetarëve.

Ai nuk ka dhënë një jo të prerë, që mund të nënkuptojë një veto të mundshme, por ka lënë të kuptohet se Turqia nuk mund të mbështesë vende që në dyshimet e saj mbështesin separatistët kurdë dhe komunistët e jashtëligjshëm.

Kryeministri i Greqisë ka afirmuar rreshtimin e Greqisë me Perëndimin në çështjen e Ukrainës. Gjatë punimeve të kongresit të 14-të të partisë që drejton, Kyriakos Mitsotakis ka evokuar vlerat e lirisë dhe demokracisë, si udhëheqëse në vendimet e saj. 

Bullgaria dhe Greqia janë drejt firmosjes së marrëveshjes për ndërtimin e një impianti bërthamor. E vetmja pikë për të cilën nuk është arritur ende konsensus, sipas Euractive, është përgjegjësia në rast të një aksidenti të mundshëm.

Ideja për centralin bërthamor është hedhur fillimisht zv.kryeministri bullgar dhe ministër i Financave, Asen Vassilev, pas kthimit nga një vizitë në Athinë më 22 shkurt, kur u takua me homologun grek Kyriakos Mitsotakis.

Greqia ka shlyer përfundimisht borxhin ndaj Fondit Monetar Ndërkombëtar, në të cilin hyri gjatë krizës së euros që shpërtheu në vitin 2010 dhe rrezikoi ta nxjerrë Athinën nga eurozona. Kryeministri Kyriakos Mitsotakis deklaroi sot se e gjithë kredia është shlyer dy vjet më herët se afati i planifikuar fillimisht. “Është fundi i një epoke, i një kapitulli gri në historinë e vendit”, shkroi Mitsotakis në Twitter.

Ish-ministri grek i Financave, Euclid Tsakalotos, flet në një intervistë të shkurtër për gazetën greke “Kathimerini” për situatën politike në Greqi, problemet e rikthyer me të djathtën dhe jep disa komente interesante, ndonëse shumë të pakta për liderët kryesorë grekë të pas krizës së vitit 2007.

Ish-ministrja e Jashtme greke (2006-2009), Dora Bakojanis, thotë se Evropa duhet ta përdorë krizën në Ukrainë për të ndërtuar një sistem sigurie që merr në konsideratë Rusinë. Në të njëjtën kohë, Bakojanis, tani deputete e Demokracisë së Re, beson se Evropa duhet të kërkojë mënyra për të "zbutur varësinë nga gazi rus".

Kryeministri i Greqisë, Kyriakos Mitsotakis, ka deklaruar nga Beogradi se pozicioni i Athinës zyrtare për njohjen e Kosovës mbetet i pandryshuar. 

Dua të bëj të qartë se qëndrimi i vendit tim mbetet i pandryshuar, por ne duam të shohim normalizimin e marrëdhënieve mes Beogradit dhe Prishtinës dhe kjo është arsyeja pse ne mbështesim dialogun, si dhe përpjekjet e të dërguarit të BE-së, Miroslav Lajçak

tha Mitsotakis pas takimit me presidentin serb, Aleksandër Vuçiç. 

Në Greqi, qeveria ka çuar për miratim në Parlament marrëveshjen me vlerë 3 miliardë euro për tre fregata të reja të prodhimit francez, që janë cilësuar jetike për të trajtuar tensionet e vazhdueshme me Turqinë fqinje. Parlamenti po shqyrton nëse mund të shtohen gjashtë avionë të rinj luftarakë Rafale në një porosi ekzistuese prej 18 avionësh - gjashtë prej tyre të sapondërtuar dhe 12 që ishin më parë në shërbim në forcat ajrore franceze.