dogana

Të ardhurat kanë njohur rënie edhe gjatë muajit shtator. Revista “Monitor” raporton se në raport me shtatorin e vitit të kaluar, rënia është në masën 230 milionë lekë. “Duket e pabesueshme, por është e vërtetë. Statistikat fiskale të përpunuara nga të dhënat progresive të Ministrisë së Financave për periudhën janar-shtator 2015 flasin për një rënie në vlerë absolute të të ardhurave në shtator 2015 raport me të njëjtën periudhë të një viti më parë, me 230 milionë lekë më pak se shtator 2014, apo 1% më të ulëta.

E kritikuar se nuk ka përmbushur objektivat e kontratës kompania britanike Crown Agents duket se nuk do tërhiqet kollaj nga asistenca në Shqipëri. Në një reagim për mediat ajo fajëson këto të fundit për raportime të pasakta në lidhje me punën e bërë, duke e quajtur të pavërtetë lajmin se Crown Agents do të zëvendësohet nga një kompani gjeorgjiane.

Konçesioni i skanimit në dogana domtë ankimohet në gjykatë. Madje deri në Gjykatën Europiane të të Drejtave. “Vizion Plus” raporton se dhoma e fasonëve ka nisur procedurat për ankimin duke argumentuar se marrëveshja bie në kundërshtim me Kodin Doganor. “Dhoma e fasoneve ka nisur procedurat per ankimimin ne Gjykate te kesaj kontrate, pasi eshte ne kundërshtim me kodin doganor. Sipas kesaj shoqate, do te ndiqen te gjitha hallkat dhe nese eshte e nevojshme, çështja do te shkoje ne Gjykatën Europiane te te Drejtave te Njeriut ne Strasburg.

Koncesionari i skanimit në dogana, fituar nga kompania “Rapiscan”, mund të ndryshojë sërish. Revista “Monitor” shkruan se “Drejtoria e Përgjithshme e Doganave i ka dërguar ministrit të Financave një “Propozim mbi përjashtimin nga pagesa e tarifës së shërbimit të skanimit të disa procedurave doganore”.

Dje u bë i njohur lajmi se Komisioni Parlamentar i Ekonomisë, rrëzoi një nga propozimet e qeverisë në ligjin “Për procedurat tatimore”. Ky propozim është i famshmi apel qeveritar për qytetarët: Mos paguaj pa marrë kuponin tatimor. Ja se çfarë thanë dy prej deputetëve, një i opozitës e një i shumicës: “Ridvan Bode, deputet i PD: Raportet dhe marrëdhëniet mes individëve për konflikte pronësore dhe pasurore, janë në përputhje me Kodin Civil. Çfarë janë këto kinezërira?

Kryeministri Edi Rama e ‘amnistoi’ ministrin e Brendshëm, Saimir Tahiri, nga akuzat dhe insinutat e shumta që po vinin nga shumë drejtime, kur në konferencën e para disa ditëve me policinë, foli për sukses në luftën kundër trafikut të drogës. Po ato ditë, Tahiri do të ndërhynte në emsionin “Opinion” për të deklaruar se makina e përmendur në intervistën e ish-shefit të Antifrafikut në Fier, Dritan Zagani, nuk ishte më e tij, pasi e kishte shitur.

Para disa ditësh u raportua si arritje bllokimi i një sasie duhani nga tatimet dhe kompania “Crown Agents” në një punishte që realizonte prodhim të palegalizuar. Siç u tha u bllokuan rreth 5.5 ton, si dhe 48 140 paketa cigare të falsifikuara. Por qesharakja e këtij operacioni shfaqet sot nga një kronikë e “Ora News” që raporton se kjo sasi është lënë në mes të rrugës para Drejtorisë së Tatimeve në Shkodër. Të pyetur nga televizioni në fjalë, përfaqësues të doganave dhe tatimeve në Shkodër thonë “se nuk ka magazinë”. Mbetet vetëm që kjo kioskë gjethesh të legalizohet.

29 milionë lekë të vjetra dëm ekonomik ka shkaktuar Drejtoria e Doganave e cila ka destinuar një fond për tenderim biçikletash. Por edhe për vendparkimet e tyre. “Një biçikletë është paguar 1.5 milionë lekë të vjetra. Sipas KLSH-së, kryerja e këtij shpenzimi nuk përputhet me misionin dhe vizionin e administratës doganore dhe se nuk mund të justifikohet. Në auditimin e kryer nuk rezulton asnjë kërkesë apo shkresë e ndonjë sektori apo departamenti të veçantë të Doganave për pajisjen me biçikleta.

Materiali i publikuar sot nga “Syri.net”, riprodhuar edhe në “ResPublica” ku rezultonte se personel i Doganës shqiptare, mes të cilëve edhe ish-Drejtoresha, Elisa Spiropali, përbën një skandal të dyfishtë. Duke besuar tek autenticiteti i materialit, ende i pahedhur poshtë nga pala e përfolur, tërheq vëmendjen, se përveç akordimit të një fondi shtetëror për kurs anglishteje, i pambështetur në ligj siç thuhet aty, edhe fakti se Spiropali e ka realisht të panevojshme një gjë të tillë.

“Syri.net” publikon një faksimile prokurimi në dogana për...”kurs anglishteje online”. Dhe në këtë kurs merr pjesë edhe Drejtoresha e Doganave, e dikurshmja, Elisa Spiropali. Dokumenti, që ngjan si i hartuar nga organe auditi, nënvizon se fondi prej 468 000 lekë është i pajustifikuar, përderisa “nuk mund të përdoren fondet buxhetore për përmirësimin e gjuhës së huaj apo për kualifikime për të cilat lidhen drejtpërdrejtë me arsimin profesional”.