covid-19

Debati për numrin real të viktimave të Covid-19 është riaktivizuar sërish pas rezultateve të publikuara nga Instituti për Buxhetet dhe Vlerësimet e Shëndetit në Universitetin e Uashingtonit. Sipas këtij të fundit, numri i viktimave nga koronavirusi në mbarë botën është rreth 7 milionë, dyfish më i madh se shifra zyrtare 3.24 milionë.

Për SHBA, analiza ka nxjerrë një total prej 905 000 viktimash, 57 për qind më shumë se numri zyrtar.

Një tjetër variant i virusit Covid-19 po përhapet me shpejtësi nëpër botë. OBSH bëri të ditur në buletinin javor për pandeminë se, i ashtuquajturi variant Indian është i pranishëm aktualisht në 17 vende të botës, përfshirë Italinë fqinje.

Përtej viktimave, mbylljes dhe dëmeve të tjera, Covid-19 ka pasur edhe efekte pozitive. Një prej tyre është rritja e kontrollit mjekësor të mushkërive, që çoi në zbulimin e shumë rasteve të kancerit, në faza të hershme. Kirurgu Igor Khatkov, bashkëpunëtor i Shoqatës Amerikane të Kirurgjisë, i tha RT se pandemia e koronavirusit e ndryshoi rutinën e këtyre kontrolleve, duke rritur diagnostikimin e kancerit të mushkërive.

Meshkujt gëzojnë më shumë imunitet nga Covid-19 në terma kohorë sesa femrat. Një studim i kryer në Uells ka zbuluar se burrat mund të krijojnë deri në tre herë më shumë antitrupa se gratë dhe kanë tendencë t'i mbajnë ato për një periudhë më të gjatë kohore.

Në funksion të studimit janë testuar 739 asimptomatikë në Universitetin Cardiff Metropolitan në korrik 2020 gjatë valës së parë të pandemisë dhe sërish tre muaj më vonë.

Vendet më të pasura po dështuan në provën e solidaritetit global, në të cilën i vuri pandemia Covid-19. Ky është konkluzioni i Amnesty International në raportin e saj vjetor, në të cilin akuzon Kinën dhe vende të tjera se kanë shfrytëzuar pandeminë për të minuar të drejtat e njeriut.

Në krye të organizatës është rishtas francezja Agnès Callamard.

Brazili është ndër vendet me numrin më të madh të viktimave të shkaktuara nga Covid-19. Ish-presidenti Luiz Inácio Lula da Silva e cilëson këtë situatë gjenocidi më i madh në historinë e vendit.

BBC-ja publikonte dje disa pamje filmike nga një prej laboratorëve kryesorë në Britani duke pretenduar se shkelen protokollet duke kompromentuar rezultatet e testimet me tampon. Në video shfaqet një punonjës me pajisje që shtyn tamponin e shkëputur nga gypat mbajtës duke shtuar rrezikun e kontaminimit dhe për pasojë rrezikun e prodhimit të një rezultati të gabuar.

Për shkak të mutacionit të virusit SARS-CoV-2 , edhe vaksinat duhet të ndryshojnë herë pas here. Ato duhet të përforcohen përballë viruseve më të transmetueshëm dhe më të aftë për të shmangur imunitetin e njeriut.

Koronavirusi i ri, i cili ka vrarë 2.65 milionë njerëz në mbarë botën që kur u shfaq në Kinë në fund të vitit 2019, pëson mutacion rreth një herë në dy javë, më ngadalë se gripi ose HIV, por mjaftueshëm për ta bërë të domosdoshëm ndryshimin e vaksinës.

Ndërsa në shumicën e vendeve të botës ka nisur fushata e vaksinimit, pyetja që ende mbetet pa përgjigje është: Kur do të shpëtojmë përfundimisht nga Covid-19?

Përgjigjja e ekspertëve të shëndetit publik nuk është optimiste. Sipas tyre, Covid-19 do të kthehet në një sëmundje endemike dhe do të jetë mes nesh, pavarësisht përpjekjeve për ta zhdukur.

“Na është thënë se virusi do të zhduket. Por kjo nuk është e vërtetë”, thotë dr. Ëilliam Schaffner, profesor në Vanderbilt University School of Medicine, njëkohësisht anëtar i Fondacionit Kombëtar për Sëmundjet Infektive.

Problemet e zemrës janë dyshuar si një ndër pasojat e Covid-19 që në fillim të pandemisë. Reduktimi i aftësisë për të pompuar gjak dhe aritmia janë vënë re në shumë pacientë që e kanë kaluar infeksionin.

Por pyetja që kanë ngritur studiuesit është nëse këto probleme janë shkaktuar nga virusi që infekton zemrën apo janë një përgjigje inflamatore ndaj infeksionit viral diku tjetër në trup.