biznesi
“Kostoja e shkeljeve të administratës i faturohet biznesit”
Duke marrë shkas nga përplasja e kompanive hidrokarbure me Tatimet dhe Ministrinë e Energjisë, për mospërjashtimin nga TVSH të shpenzimeve që kryhen në operacionet hidrokarbure, Këshilli i Investimeve, (organ këshillimor i drejtuar nga ministri për Zhvillim Ekonomik) i kërkon qeverisë të mos zbatojë në mënyrë arbitrare rekomandimet e KLSH-së që cenojnë biznesin. Ky është njëkohësisht një nga 13 rekomandimet që ka bërë këshilli në lidhje me njohjen dhe zbatimin e të drejtës së biznesit për apelimin e vendimeve të institucioneve raporton gazeta "Shqip".
Taksat e Bashkisë/Ulje e të ardhurave tatimore, ngritje e të ardhurave jotatimore!
Në një analizë të reformës fiskale që ndërmori bashkia e Tiranës, revista "Monitor" vëren se bashkia më e madhe në vend, ajo e kryeqytetit, u përpoq ta neutralizonte uljen e të ardhurave tatimore përmes rritjes së atyre jo tatimore.
Sërish ndryshime ligjore për biznesin. Ministrja Ekonomi njofton edhe ngritjen e “Ombudsmanit të biznesit”
Ministrja e re e Ekonomisë , Milva Ekonomi, ka deklaruar se do të ketë ndryshime ligjore në funksion të përmirësimit të klimës së biznesit. Gjatë një takimi konsultativ të mbajtur në Tiranë, Ekonomi ka vënë theksin te nevoja për ndryshimin e klimës, për të cilën ka shumë shqetësime edhe nga vetë bota e biznesit. Ministrja ka njoftuar se aktualisht po shqyrtohet mundësia e ngritjes së “Avokatit(Ombudsmanit) të biznesit”, që do të ndihmone në përfaqësim më të mirë të të drejtave të tyre.
45 % e kredive për biznesin në formë overdrafti
Shoqata e Bankave beri të ditur se kërkesa për kredi e bizneseve ka mbetur shumë e dobët përgjatë gjithë vitit 2015. Gjithsesi, bankat vazhduan të kreditojnë ekonominë duke dhënë një total prej rreth 246.5 miliardë lekë kredi të reja përgjatë vitit 2015.
Nga këndvështrimi i qëllimit të përdorimit, rreth 45% e këtyre kredive të reja ishin overdraft-e, të cilat kanë afate të shkurtra shlyerje dhe ofrohen në bazë rinovimi të vazhdueshëm, duke impaktuar kështu shifrën e ulët të rritjes në totalin e portofolit.
Borxhi i qeverisë si detyrim ndaj biznesit arrin në 1.1 miliardë lekë që pas vitit 2013
Ndonëse shleu shumë shpejt borxhin e krijuar dhe të akumuluar ndaj biznesit nga qeveria e shkuar, qeveria e tanishme, nuk ia ka dalë të mbajë në kuota zero detyrimet e veta ndaj biznesit. Në dy vjet qeverisje janë krijuar 1.1 miliardë lekë detyrime, kryesisht para të papaguara për ndërtime rrugësh, rimbursim TVSH-je dhe detyrime nga vendimet e gjykatave. Janë po ato probleme që krijonte qeveria e kaluar e cila me kalimin e kohës akumuloi borxh të madh të brendshëm, në formën e detyrimeve të papaguara.
Taksat në Tiranë janë rritur, për bizneset, por edhe për familjet
Nga 1 janari, çdo biznes dhe familje në kryeqytet do të paguajnë një taksë për arsimin. Për biznesin, taksa do të jetë e përshkallëzuar, nga 4.000 lekë në vit për ndërmarrjet e vogla, deri në 37 mijë lekë për biznesin e madh dhe atë VIP. Ndërsa familjet do të paguajne 1.800 lekë në vit. Vendimi i Këshillit Bashkiak ka ndryshuar edhe taksën e ndërtesave.
Ankesat e biznesit ndaj administrarës tatimore/Dënime pa prova dhe vlerësim i gabuar i detyrimeve
265 ankesa janë regjistruar në vitin 2015 nga biznesi në adresë të administratës tatimore. Kjo rezulton nga një raport i Avokatit të Tatimpaguesve, Artur Papajani, sipas të cilit 80% e rasteve lidhen me vlerësimin e detyrimeve. Pra administrata tatimore ka provokuar ankesa edhe për shkak të vlerësimit të detyrimit që biznesi duhet të paguajë. “Në raport me vitin paraardhës, ky vit rezultoi me një fluks të më të lartë të praktikave të arrira e të përfunduara, rrjedhojë e një arritjeje konfirmimi gradual, hap pas hapi, të autoritetit të institucionit”....
Jetojmë në Tiranë/Ka nisur të shitet hapësira shumë shtrenjtë. Kundrejt...kënaqësisë që na qeverisin më të mirët
Shqiptarët do të duhet ndoshta të mësohen se jetojnë në një vend ku duhet të paguash për hapësirën që zë. Dhe këto para t’i japësh Bashkisë që drejtohet sipas rastit nga Erjoni, Vangjushi, Qazimi , apo ndonjë të ngjashmi kundrejt një shërbimi të vetëm: Jep paratë dhe mbylle gojën.
Betejë për uljen e taksave vendore
Taksat vendore do të gjykohen në Gjykatën Administrative. Shoqata për Mbrojtjen e Tregtarëve dhe Tregut të Shqipërisë ka protestuar sot para Bashkisë së Tiranës, duke deklaruar se do të kërkojë shprehjen e gjykatës për një çështje që prek interesat edhe të qytetarëve. “Në çdo vend normal të botës së lirë, në fillim bëhet një studim se si do të rriten taksat dhe tatimet, shihet se sa rritet puna jonë, në çfarë shifrash, dhe në mënyrë propocionale, pushteti qendror dhe ai lokal fillon dhe rrit taksat.
Nisma për dhomat e tregëtisë kundërshtohet edhe në Komisionin e Veprimtarive Prodhuese
Projektiligji i qeverisë për Dhomat e Tregëtisë është kundërshtuar sot në Komisionin Parlamentar të Veprimtarive Prodhuese edhe nga përfaqësues të shumicës. Kryetari i Komisionit, Eduart Shalsi ka deklaruar se ndryshimet ligjore nuk sjellim përmirësime, por thjesht shtojnë një pagesë për anëtarësimin. “Propozimi i qeverisë synon të bëjë të detyrueshëm një pagesë e cila mendohet të prodhojë një pasojë për një organizim më të mirë të bizneseve. Por kjo nuk është e mjaftueshme për të reformuar mënyrën se si bizneset organizohen në dhomat e tregëtisë.