Borxhi i qeverisë si detyrim ndaj biznesit arrin në 1.1 miliardë lekë që pas vitit 2013

Ndonëse shleu shumë shpejt borxhin e krijuar dhe të akumuluar ndaj biznesit nga qeveria e shkuar, qeveria e tanishme, nuk ia ka dalë të mbajë në kuota zero detyrimet e veta ndaj biznesit. Në dy vjet qeverisje janë krijuar 1.1 miliardë lekë detyrime, kryesisht para të papaguara për ndërtime rrugësh, rimbursim TVSH-je dhe detyrime nga vendimet e gjykatave. Janë po ato probleme që krijonte qeveria e kaluar e cila me kalimin e kohës akumuloi borxh të madh të brendshëm, në formën e detyrimeve të papaguara. Në kushtet e sotme kur projekti më i madh ku është përfshirë qeveria është projekti “Rilindja Urbane” mundësia për akumulim shifrash të tilla nuk ekziston, aq më tepër që FMN-ja ka rihyrë sërish në lojë.