be

Komisioni Europian u propozoi vendeve anëtare të miratojnë bashkarisht 20 parime themelore dhe të drejta për të mbështetur "funksionimin e mirë" dhe "dimension e barabartë të tregjeve të punës dhe sistemeve të mirëqenies sociale në BE.Në veçanti, Komisioni njoftoi se ka propozuar një numër  iniciativash specifike legjislative dhe jo-legjislative për të forcuar “shtyllën” sociale në Evropë. Këto propozime kanë të bëjnë me ekuilibrin mes jetës profesionale dhe asaj personale të prindërve dhe kujdestarëve, informimin e punonjësve dhe qasjen në mbrojtjen sociale.

Bashkimi Evropian po shqyrton futjen e legjislacionit për të krijuar një kornizë ligjore ku ofruesit e shërbimeve të internetit,  si Facebook, Tëitter dhe Google do të jenë të detyruar të fshijnë postimet me përmbajtje të gjuhës së urrejtjes dhe nxitje të dhunës, sipas një dokumenti që disponon agjencia e lajmeve Reuters.
Riprodhimi i shpejtë dhe përhapja e gjuhës së urrejtjes dhe lajme të rreme në mediat sociale kanë sjellë rritjen e presionit mbi kompanitë që punojnë në këtë fushë për të hequr mesazhet me përmbajtje të tillë.

Fronti Nacional në Francë po goditet me të gjitha mjetet e mundshme legale pasi një fitore e mundshme e zgjedhjeve presidenciale nga Le Pen, do të thotë pasiguri totale për BE. Gazeta “Euobserver” raporton sot për një investigim të kryer nga media franceze sipas të cilit Fronti Nacional ka përfituar 11 milionë € nga Rusia, përmes skema e të ndërlikuara të transferimit të parave. Transferat janë kryer përmes Qipros nga banka apo fonde të lidhura me Kremlinin.

Zvarritja e krizës politike në Maqedoni duket se do të detyrojë Shtetet e Bashkuara të Amerikës dhe Bashkimin Evropian të ndërmarrin një hap izolues ndaj ish-kryeministrit Nikolla Gruevski, të cilit i është kërkuar të mos pengojë formimin e qeverisë së re.Gazeta greke “To Ethnos” raporton se aktorët e BE-së kanë hedhur në tryezë çështjen e sanksioneve ligjore kundër Gruevskit por edhe zyrtarëve të tjerë të VMRO-DPMNE-së dhe për të parandaluar zhvillimet kaotike në Maqedoni.

Një statistikë tjetër e Eurostat tregon për dinamizmin e largimit të shqiptarëve të Shqipërisë nga vendi i tyre, por edhe për kërkimin e një garancie finale te nënshtetësia e huaj. Sipas të dhënave, komuniteti që përfitoi më shumë nënshtetësinë e një vendi anëtar të BE-së gjatë vitit 2015, janë marokenët me 86 100 persona, kryesisht në Itali, Spanjë dhe Francë.

Beogradi zyrtar po luan për disa ditë rresht me kartën e shqetësimit nga deklaratat nacionaliste të politikanëve shqiptarë. Shkak u bë deklarata e kryeministrit të Shqipërisë, Edi Rama, për “Politico”, ku në respekt të një frekuence 3 mujore, Edi Rama u rishfaq me gogolin e nacionalizmit shqiptar dhe projektit të bashkimit të Shqipërisë me Kosovën, si alternativë ndaj dështimit të anëtarësimit në BE. Deklaratën e tij e pasoi presidenti I Kosovës, Hashim Thaçi, në garë për epërsi morale në botën shqiptare, e mandej edhe Jonuz Musliu në Luginën e Preshevës.

“Lufta për pushtet fiton mbi demokracinë – Shqipëria shpërdoron shanset e saj”

Ky është titulli i një shkrimi të shkurtër, publikuar dje në “European Western Balkans”, një faqe e afërt me Brukselin dhe që ka për autore, Sarah Wohlfeld, zyrtare në Këshillin Gjerman për Marrëdhëniet me Jashtë në Qendrën “Alfred von Oppenheim” për Studime Politike Europiane.

Çfarë duhet të bëjë Europa me Turqinë e personalizuar të presidentit Erdogan? Përgjigja është e vështirë, pasi qoftë edhe me marrëveshjen për refugjatët presidenti turk e mban të lidhur veprimin e kontinentit të vjetër, apo më mirë të plakur. Por mediat gjermane, të konvertuara së fundmi në zëdhënëset më të zjarrta të europeizmit ashtu siç është formësuar ai në BE, po sugjerojnë politika të rrepta ndaj Ankarasë.

“Turqia në udhëkryq”, ky është titulli i një shkrimi në faqen kryesore të agjencisë “Deutsche Welle”, seksioni shqip.

Fitorja e brishtë e presidentit turk Erdoan në referendumin e së dielës ka ngjallur reagimin e Bashkimin Evropian  që menjëherë i bëri thirrje Turqisë të kërkojë një "konsensus kombëtar". Presidenti turk i është referuar mundësisë për të organizuar një referendum të ri, këtë herë për rikthimin  e dënimit me vdekje, një nismë që nënkupton fundin e procesit të anëtarësimit të Turqisë në Bashkimin Evropian.

Ministri i Jashtëm gjerman, Siegmar Gabriel, ka dhënë një intervistë të shkurtër për Deutsche  Welle pas vizitës në Beograd dhe në Prishtinë. Ai prite të mbërrijë edhe në Tiranë në një tur që konfirmon vëmendjen mbi rajonin tonë që aspiron anëtarësimin në BE.

Zoti ministër Ju brenda 24 orëve vizituat dy vende të Ballkanit Perëndimor, të cilëve u thatë, se kanë mbështetjen e Gjermanisë në rrugën drejt BE-së. Por a është BE-ja pas Brexit vërtetë e aftë të pranojë vende të tilla të pastabilizaura?