be

Sjellja e Bashkimit Europian me Turqinë ka reflektuar pasojat e veta edhe në NATO. Ankaraja zyrtare ka vënë veton kundër bashkëpunimit me Austrinë, një vend që nuk është në Aleancë pork a Partnership me të dhe ka të stacionuar 400 trupa në Kosovë, në kuadër të misionit KFOR. Turqia thuhet se e ka aplikuar veton si përgjigje ndaj qëndrimeve të Vjenës kundër ambicieve turke për në BE. Për këtë arsye, NATO ka ndryshuar procedurat duke lejuar që bashkëpunimi të bëhet vend pas vendi.

Shqipërisë i rekomandohet zgjerimi i bazës së taksave në një kohë që është vendi me barrën më të lartë fiskale në rajon dhe kur ministri i larguar i Financave premtoi zbutje të taksës progresive. Vlerësimi vjen nga Komisionin Europian dhe Banka Qendrore Evropiane në takimin vjetor me homologët e tyre nga Ballkani Perëndimor dhe Turqia për dialogun e politikave ekonomike. Në përfundim u dhanë konkluzionet për seicilin vend ku për Shqipërinë u sugjeruan disa rekomandime, ku me ndikim më të madh është ai për zgjerimin e bazës së taksave.

Presidenti i zgjedhur serb ka përsëritur qëndrimin për neutralitet, por ka bërë një anim të lehtë nga Perëndimi

Aleksandër Vuçiç ka lëshuar një sinjal të hënën gjatë një leksioni të mbajtur në Fakultetin e SIgurisë në Beograd, kur ka deklaruar se anëtarësimi i Serbisë në NATO do të zgjidhte shumë probleme për Serbinë. Por sipas tij një gjë e tillë do të shkonte ndesh me 75% të vullnetit të kombit serb, një balancë kjo që mban si status më të përshtatshëm neutralitetin e tanishëm.

Marrëveshja për zgjedhje të Lira e të ndershme është përshëndetur nga Ambasada e Shteteve të Bashkuara në Tiranë, e cila vlerëson lidershipin e treguar nga Rama e Basha dhe durimin e popullit shqiptar. Ka reaguar edhe Zyra e Delegacionit të Bashkimit Europian, që thekson se marrëveshja për zgjedhje të lira e të ndershme është në interes të të gjithë qytetarëve shqiptarë. Edhe OSBE-ODIHR ka shprehur gatishmërinë për të bashkëpunuar me aktorët politikë për ndryshimet e nevojshme në Kodin Zgjedhor.

Bashkimi Europian ka refuzuar ofertën e Pekinit zyrtar për atë që quhet si revolucioni global infrastrukturor. Sipas vendeve anëtare oferta miliardëshe e Kinës nuk merr parasysh problemet e mjedisit dhe ato sociale dhe se ajo nuk ka transparencë. Gazeta britanike “The Guardian” citon një diplomat të lartë të BE-së të jetë shprehur se BE-ja e miraton këtë projekt dhe mendon se ai do të ketë sukses vetëm nëse bazohet në transparencë, partneritet.

Eurokomisioneri për Zgjerimin, Johannes Hahn, ka dhënë një intervistë për agjencisën serbe të lajmeve “Tanjug” në të cilën përcjell opinionin e tij dhe të BE-së për zhvillimet në Ballkanin Perëndimor dhe perspektivën e tij. Së pari duhet thënë se Hahn nuk shpreh asnjë rezervë për të ardhmen e rajonit në BE, kjo qoftë edhe për shkak të fatit gjeografik.

Presidenti i Komisionit Europian, Jean Claude Juncker ka deklaruar se “anglishtja po humbet rëndësinë në BE”. Akti i tij, i performuar gjatë një konference në Firence të Italisë, gjatë së cilës ka folur frëngjisht, raportohet nga BBC-ja që vë theksin te fakti se Brexit ka pasoja edhe të natyrës kulturore. Juncker e cilësoi largimin e Britanisë nga BE-ja një “tragjedi”, por ka shtuar se “e bëra zgjidhjen time, do të flas frëngjisht, sepse…ngadalë, por qartë anglishtja po humbet rëndësinë në Europë”.

A shqetësohet vërtet BE-ja për Ballkanin Perëndimor? Pyetja që ka nsiur të dalë në pah si temë diskutimi në kushtet kur unioni ka braktisur shumë nga politikat e veta është shtruar për diskutim me disa ekspertë nga “Carnegie Europe”, një ndër qendrat kryesore të studimit dhe kërkimit për çështje të politikës dhe sigurisë. Pyetja ka fituar rëndësi pasi ajo reflekton dilemën e rajonit tonë që nga një anë synon integrimin, por nga ana tjetër lexon se nuk është shumë i dëshiruar. Ekspertët që janë pyetur janë nga disa vende.

Dy botë të ndryshme zbuloi takimi i fundit mes kryeministres së Britanisë Tereza Mei dhe presidentit të Komisionit Evropian, Jean-Claude Juncker. Prapaskenat e takimit "katastrofik" mes tyre bënë që Juncker të vlerësojë se shkalla e dështimit të negociatave me Londrës dhe Bashkimit Europian është më shumë se 50%, ndërsa zyrtarë evropianë i thanë Tereza Meit se  “BE nuk është një klub golfi”.

Teksa në Maqedoni ndodhet prej të dielës zv/ndihmës Sekretari amerikan i Shtetit për çështjet evropiane dhe euroaziatike, Hoyt Brian Yee, burime diplomatike nga Bashkimi Europian thanë për seksionin grek të CNN se Turqia është ofruar për të luajtur rolin e ndërmjetësit në zgjidhjen e krizës.