be

Financial Times u kërkon britanikëve që për çështjen e BREXIT të marrin "mësime" nga lufta e gjatë dhe e dhimbshme e Greqisë për të dalë nga kriza.
Në artikullin e tij, gazetari Tony Barber përshkruan presionet që kanë pësuar ekonomia greke dhe sistemi politik, ndërsa nënvizon braktisjen e PASOK nga votuesit dhe transferimin e tyre tek SYRIZA.

Parlamenti Evropian i kërkon Facebook të lejojë organet e BE-së të kryejnë një shqyrtim gjithëpërfshirës për mbrojtjen dhe sigurinë e përdoruesve pas skandalit lidhur me përvetësimin e paligjshëm të të dhënave personale të 87 milionë shfrytëzuesve të rrjetit social popullor.

Ministri i Brendshëm i Italisë, Matteo Salvini ka deklaruar se Roma zyrtare do të kundërshtojë sanksionet e mëtejshme ndaj Rusisë që vihen në emër të Bashkimit Europian. Radio Evropa e Lirë raporton se Salvini ka shtuar gjithësesi se Italia nuk do të vërë veto dhe as do të shkëpusë marrëdhëniet me vendet e tjera të BE-së.

Gazeta e njohur amerikane “The Wall Street Journal” shkruan se SHBA dhe BE-ja mbështesin shkëmbimin e territoreve mes Serbisë dhe Kosovës duke kaluar tek ideja e kufijve etnikë. Sipas kësaj gazete vetëm Gjermania po e kundërshton këtë ide e cila është përaqfuar edhe nga Brukseli. Autorët citojnë një memo të autorizuar nga shërbimi i jashtëm i BE-së sipas të cilës ideja amerikane e shkëmbimit territorial është e pranueshme.

Fondacioni Konrad Adenauer ka publikuar një raport mbi ndikimet e aktorëve të jashtëm në Ballkanin Lindor. Fondacioni ka marrë në analizë marrëdhniet e vendeve të rajonit me lojtarët kryesorë të politikës ndërkombëtare, si Shtetet e Bashkuara, Bashkimi Europian, Rusia dhe Turqia. 

Raporti thotë se pavarësisht influencave  nuk ka shenja serioze të një orientimi real më afatgjatë ndaj Turqisë, Rusisë apo Kinës, por vlerësohet se  BE dhe SHBA do të mbeten partnerët kryesorë  politikë të Shqipërisë.

Vetëm tre javë pasi Greqia la programim financiar evropian të shpëtimit, kryeministri ALexis Tsipras i partisë radikale të majtë "Syriza" tregon një bilanc pozitiv të periudhës së tij të qeverisjes. "Greqia nuk është më pjesë e problemit, por është pjesë e zgjidhjes," tha kryeministri me krenari. "Pak vetë kanë besuar se ne do arrijmë t' ia dalim. Por ne ia dolëm". Greqia respekton kushtet e vëna nga donatorët e zonës së euros, Banka qendrore dhe Fondi Monetar Ndërkombëtar.

Mandata që erdhi nga BE për çështjen e Teatrit dukshëm ka prishur humorin e kryeministrit dhe rrethit të sejmenëve që për javë të tëra i bënë avokatinë kompanisë "Fusha" dhe projektit për t'i vënë rruspën Tëatrit Kombëtar me qëllim ngritjen e kullave sipas skemës ku qeveria dhe bashkia u konvertuan në sekser-përqindjesh me truallin publik.

Shuplaka që BE i dha qeverisë për çështjen e Teatrit Kombëtar ishte pak të thuash e pritshme dhe e merituar.

Ligji "Fusha" për shembjen e Teatrit ishte flagrant dhe nuk qëndronte në asnjë kandar të asaj që mund të quhet demokraci Kushtetuese. Jo se qeveria nuk e dinte këtë fakt, por me shpresën se marifete të tilla që gatuhen nga zanatçinjtë e betonit në Tiranë nuk do mbërrinin deri në Bruksel. 

Ambasadorja në largim e Bashkimit Europian në Tiranë, Romana Vlahutin, ka dhënë sot një intervistë për Top-Channel ku flet për momentet e fundit, punën e bërë etj. Ajo është pyetur edhe për ligjin e Teatrit Kombëtar, për të cilin ka deklaruar se do të ketë një përgjigje nga BE. Vlahutin ka pranuar nëpër të se ligji ka krijuar një situatë të papëlqyeshme dhe në momentin kur Shqipëria të çelë negociatat  çdo ligj do të duhet të kalojë më parë nga Brukseli. Pra situta të tilla do të shmangen. 

Agjencia gjermane e lajmeve, Deutsche Welle ka publikuar sot një intervistë me Moritz Rudolf, të cilin e quan ekspert për çështjet e Kinës. Gjermania është një ndër vendet më aktive në emfatizimin e rrezikut kinez, nëse mund të flasim kështu, në fushën ekonomike. Përfaqësues gjermanë ishin ndër të parët që e vlerësuan me shqetësim edhe nismën “16+1” që përcakton formatin e bashkëpunimit të Kinës me Europën Qendrore dhe atë Lindore. Rudolf e vijon këtë “traditë” duke propozuar që Europa të dalë me një qëndrim të vetëm ndaj idesë kineze të Rrugës së Mëndafshit.