Ali Ahmeti

Nevzat Bejta, Teuta Arifi dhe Izet Mexhiti kanë bojkotuar takimin i cili duhet të vendoste nëse BDI do të hyjë në qeveri me VMRO-DPMNE.  Agjencia macedoniaonline.eu thotë se të tre këta eksponentë të BDI-së janë të njohur si të  lidhur shumë ngushtë  organizatat joqeveritare të  Soros dhe kanë  kundërshtuar formimin e Qeverisë me VMRO-DPMNE. Megjithatë, statuti  i partisë i lejon Ali Ahmetit  të marrë një vendim vetë. Kjo sipas macedoniaonline shpjegon arsyet e braktisjes së mbledhjes dhe se me gjasë  Ahmeti ka vendosur  të hyjë në një qeveri me VMRO-DPMNE.

Nikolla Gruevskit i kanë mbetur edhe katër ditë si i mandatuar për të krijuar qeverinë e re në Maqedoni. Por kush dëshiron të kuptojë se çfarë Maqedonie do të kemi nëse në krye të vendit vjen një zhurmues si Zoran Zaev, mjafton të kërkojë në arkiva Shqipërinë e vitit 2013. Pavarësisht ngjarjeve dhe akuzave nga më të mëdhatë, PS-ja e Edi Ramës nuk i fitonte dot zgjedhjeve vetëm. Çka provon se publiku kishte perceptuar se një pjesë e madhe e politikave opozitare udhëhiqeshin nga interesi strikt politik dhe ekonomik, pavarësisht skandaleve të qeverisë Berisha.

Zhvillimet në Maqedoni mbeten pezull deri në një rezultat të bisedimeve për krijimin e një qeverie të re të cilat aktualisht I udhëheq Nikolla Grueveski I VMRO-DPMNE. Plaforma e përbashkët e partive shqiptare si një dokument që u hodh papritur në veprim, duket se po anashkalohet dhe në vëmendje po hyn gradualisht përsëritja e një koalicioni mes Ali Ahmetit të Bashkimit Demokratik për Integrim dhe Gruevskit.

Nikolla Gruevski është mandatuar tanimë nga presidenti maqedonas si njeriu që duhet të krijojë qeverinë e re. Nga ky moment, ish-kryeministri maqedonas, njeriu që dominon skenën politike në vend deri më tani, do të nisë një luftë nervash që zhvillohet pas kuintave dhe që synon të dakordësojë një marrëveshje që zgjidh krizën. Zoran Zaev mbetet në pritje të përpjekjeve të Gruevskit që ka deklaruar për gazetën “Dnevnik” se “unë do të përpiqem të krijojë qeverinë e re, por jo me çdo çmim”.

Në Tiranë e përshëndetën thuajse të gjithë arritjen e marrëveshjes së partive shqiptare. Në këtë kuptim, Tirana zyrtare po ndërhyn hapur në politikën e brendshme të Maqedonisë, duke krijuar kushtet për tensione të së ardhmes, në një rajon ku koniunkturat ndryshojnë shumë shpejt. Nuk u pa e nuk u lexua gjëkundi asnjë analizë për pasojat dhe perspektivat që krijon kjo marrëveshje në kushtet kur ajo do të kërkohet që të miratohet në Kuvendin e këtij vendi siç po flitet këto orë.

Mediat maqedonase po i kushtojnë vëmendje lëvizjeve të përfaqësuesve politikë shqiptarë në vendin fqinj, prej të cilëve varet fati i qeverisë së ardhshme. Mënyra sesi po shihen ecejaket e Ali Ahmetit sidomos në Tiranë, në takimet e tij me kryeministrin shqiptar, në kujtojmë atë klimë që shoqëron në Shqipëri vizitat e Vangjel Dules në Athinë.

Kreu i partisë Bashkimi Demokratik për Integrim, Ali Ahmeti, subjekti më me peshë mes shqiptarëve të Maqedonisë ka zhvilluar një takim me kreun e opozitës shqiptare, Lulzim Basha. Takimin e ka njoftuar k y i fundit, i cili ka cilësuar se sugjerimi i PD-së është Zbatimi i Marrëveshjes së Ohrit si  objektiv.  

Zgjedhjet në Maqedoni do të jenë një test vendimtar për partitë shqiptare Maqedoni. Analizat e publikuara së fundmi paraqesin gjithnjë e më shumë në rënie BDI –në nisur dhe nga dalja në skenë e forcave të reja politike. Mediat shqiptare në Maqedoni shkruajnë se gjatë ceremonisë ku presidentit Hashim Thaçi iu nda çmimi “Honoris Causa” në Tetovë, janë zhvilluar takime sekrete edhe me liderin e PDSH – së, Menduh Thaçi.

Në Zajaz të Kërçovës, në shtëpinë e politikanit shqiptar të Maqedonisë, Ali Ahmeti është zbuluar një varrezë masive. Mendohet se në të janë trupat e dhjetë deri në gjashtëdhjetë njerëzve të vrarë në vitin 1913.

“Në këtë vend sipas informacioneve vendore dhe historianëve vendor dhe atyre ndërkombëtar, këtu mendohet të ketë dhjetë deri në gjashtëdhjetë njerëz të cilët janë të ekzekutuar. Janë të këtij vendi të këtij rrethi, pra Zajaz Xhuma”, theksoi Musli Musliu ish kryetar i komunës së Zajazit. Trupat janë të djegur dhe ata janë hedhur në pus.

Kryetari i BDI, Ali Ahmeti, do të takohet të premten në Athinë me ministrin e jashtëm grek, Nikos Kotzias. Sipas medias greke, kjo vizitë inkuadrohet në përpjekjet për gjetjen e një rrugëdaljeje në çështjen e emrit, që ka krijuar një ngërç konstant në marrëdhëniet midis Greqisë dhe Maqedonisë prej më shumë se 20 vjetësh.
Në fakt, strategjia e Athinës, për një përafrim me udhëheqësit e shqiptarëve në Maqedoni, ka filluar që në vitin 2013, kur Ali Ahmeti ishte takuar po në Athinë me ministrin e atëhershëm të punëve të jashtme, Evangelos Venizelos dhe atë të mbrojtjes, Avramopulos.