Politikë

Ambasadorja Romana Vlahutin ka bërë të qartë se Reforma në Drejtësi është thelbësore dhe kusht i panegociueshëm për Integrimin e vendit. Ambasadorja e Bashkimit Europian gjatë një vizite në Korçë deklaroi se po përpiqemi shumë t'i shpejgojmë politikës se parësore janë interesat kombëtare. “Në mënyrë absolute që po, sigurisht. Ju e dini që  kemi tashmë ato që quhen 5 prioritete kyçe. Tre prej tyre kanë të bëjnë me sundimin e ligjit, apo shtetin e së drejtës, reforma në gjyqësor, lufta kundër krimit të organizuar dhe lufta kundër korrupsionit.

Pasndeshja me Serbinë është rimarrë si argument për të theksuar sjelljen qytetare të tofozëve. “Humbën në fushën e lojës, por jashtë fushës së lojës i kemi befasuar të gjithë të tjerët me nivelin e lartë të dinjitetit dhe qytetarisë, madje kemi befasuar edhe kundërshtarët. Nëse në fushën e lojës nuk arritëm të mbajmë dot pikën e artë që na çonte në Francë, mbajtja e lartë e nivelit të kulturës sportive i ka dhënë tri pikë të arta Shqipërisë si vend dhe si popull. Për 94 minuta nuk është dëgjuar asnjë kor racist, nuk është sulmuar asnjë asnjë lojtar serb.

Kjo qeveria nuk e mendon dot aktivitetin e saj pa u këshilluar nga diksuh që vjen nga jashtë. Sikurse nuk po mendon dot rregullimin e një sektori, sidomos në sferën e shërbimeve, pa futur në lojë nocionin e konçesionit. Saga e çudirave në doganat shqiptare vazhdon edhe pas ikjes së Crown Agents. “Monitor” shkruan se rinovimi i kontratës e ka çuar qeverinë shqiptare në Gjeorgji ku “i është drejtuar për “ndihmë” kompanisë gjeorgjiane të konsulencës, të drejtuar nga ish kryeministri, Nika Gilauri”.

Rritet tensioni mes krerëve të PD në rrethe dhe ish-ministrave të kësaj partie. Këta të fundit kanë reaguar në një mbledhje grupi të PD, duke i kërkuar kryetarit Lulzim Basha që të mos lejojë fyerjet dhe sulmet e tyre. I pyetur nga “Panorama”, kreu i PD në Vlorë, Moisi Meminaj thotë: “Ju lutem na lini të qetë të punojmë për fitoren e vitit 2017. Ta riformatojmë, ta sjellim sërish PD-në fituese ashtu siç i takon. Na e latë Vlorën me 3 deputetë në vitin 2013, e çuam në 4 deputetë në vitin 2014, na lini ta çojmë në 5 deputetë në vitin 2015”.

Sot Partia Demokratike shpërndan një njoftim për pjesëmarrjen e kryetarit të saj, Lulzim Basha, në ceremoninë familjare të përkujtimit të ditës së lindjes Ahmed Zogut, monarku i Shqipërisë, në periudhën 1928 – 1939. Zogu është një figurë historike e cila është në shqyrtim e sipër, për të është hedhur shumë baltë dhe puna për nxjerrjen në kontesktin e objektivitetit është ende e madhe. Mirëpo kjo vlen fillimisht për historianët, e mandej për politikën, e cila të paktën aspektin formal e ka për detyrë ta ruajë.

Një gur i hedhur në drejtim të autobusit të ekipit kombëtar serb dhe marrëdhëniet diplomatike janë tronditur. Qesharkja është bërë normale tashmë në raportet serbo-shqiptare, teksa për këtë shkak, Ministria e Jashtme serbe ka përcjellë një notë verbale proteste. Ose më saktë është përpjekur, pasi ambasadori i Shqipërisë në Beograd, Ilir Boçka, është përgjigjur në mënyrë origjinale: nuk ka hapur telefonin.

Ish kryeministri Sali Berisha dhe kryeministri Edi Rama qëndruan bashkë në foltoren e kuvendit. Ndërsa Berisha lexonte një pjesë nga dokumentet për aferën e CEZ, Edi Rama ka marrë të gjithë vëmendjen e sallës, duke qëndruar në krah të tij. Në fillim, kreu i Kuvendit, Ilir Meta i ka dhënë fjalën Edi Ramës për të folur, por Berisha tashmë ishte nisur nga vendi i tij, me dokumenta në duar. Rama ka preferuar të mos këmbëngulë për të folur i pari, por ka zgjedhur të qëndrojë afër Berishës herë duke parë orën, e herë duke miratuar me kokë, për atë që lexonte Berisha.

LSI duket se ka nisur të hakmerret për mosrepsektimin e marraveshjes nga PS për emerimet në bazë, çka ka sjellë edhe përplasjen mes dy partive aleate në Këshillat e Qarqeve. Kështu institucionet në varësi të ministrive që drejtohen nga LSI kanë nisur me ndëshkimin e funksionarëve socialist. Dhe kësaj fshese të LSI-së duket se nuk do t’i shpëtojnë edhe të preferuarit e kryeministtrit.

Gjykata e Lartë i dha të drejtë sot Prokurorisë që të hetojë edhe për 3 muaj të tjerë dosjen e deputetit Mark Frroku. Kjo kërkesë e organit të akuzës ishte kundërshtuar nga avokatët e Frrokut, të cilët nga ana tjetër kërkojnë rishikimin e masës së tij të sigurisë.

Por pavarësisht se deputeti i PKD-së po qëndron prej 6 muajsh në paraburgim, Kolegji Penal i Gjykatës së Lartë rrëzoi sot kërkesën e Frrokut, duke i dhënë të drejtë Prokurorisë që të hetojë deri në fund të këtij vitit deputetin e akuzuar nga shteti belg për vrasjen e një bashkëkombasi të tij.

Kryeministri serb Vuçiç i është drejtuar me një letër publikut ku ka shpjeguar dhe arsyet pse vendosi të mos jetë në Elbasan Arena pavarësisht ftesës së kryeministrit shqiptar Edi Rama.

Vuçiç zbuloi se ka patur një bisede të gjatë telefonike me homologun e tij por kjo nuk e ka bindur që ai të vijë për të parë ndeshjen në Shqipëri.  Vuçiç thotë se takimi mes Shqipërisë dhe Serbisë është politizuar, ndaj dhe vendosi të rrijë në shtëpi dhe ta ndjekë nga televizori.