Politikë

Një ditë më parë televizioni Top-Channel publikoi një lajm sipas të cilit pala greke ka sjellë në Shqipëri dosjen e Klement Balilit, I këërkuar për trafik droge. Në lajm aludohej për vonesë e zvarritje nga Ministria e Drejtësisë, ndaj sot ministri Ylli Manjani ka bërë sqarimin e tij:

“I surprizuar (jo për herë të parë) nga përhapja e një lajmi me burim TCH, mbi vonesat e dosjes se Klement Balilit, dua tu bëj me dije se:

Teksa pritet zbardhja e opinionit të Komisionit të Venecias për Ligjin e Vetting-ut, ambasada amerikane duket se është në dijeni të përmbajtjes së këtij opinioni, çka e ka lënë të nënkuptohet ambasadori i saj Donald Lu, por edhe kryeministri në një deklaratë të para dy ditëve. Shantazhi i kreut të qeverisë mbi Gjykatën Kushtetuese për të marrë një vendim në favor të zbatimit të Ligjit të Vetting-un sipas variantit të miratuar në kuvend vetëm me votat e shumicës nuk mjafton dhe për këtë arsye ambasadori Lu ka hyrë në replika politike me një deputet të Partisë Demokratike si Sali Berisha.

Investimi shumëplanësh i amerikanëve për reformën në drejtësi duket se ka hyrë në një fazë të dytë, atë të mediatizimit të rasteve të korrupsionit në gjyqësor, përmes seksioneve të shpallura si gazetari investigative, në rastin konkret rrjeti BIRN. Materiali që ka parë dritën e publikimit është një përgjim ndaj gjyqtarit të Sarandës, Rasim Doda i arrestuar për rryshfet.

Me një nervozizëm të dukshëm Bashkimi Europian ka reaguar ndaj pretendimeve të Partisë Demokratike për gabime të qëllimshme në përkthimin e Ligjit të Vetting-ut nga misioni Eralius. Zëdhënësja për Politikën e Jashtme dhe Sigurinë e BE-së dhe për Politikën e Fqinjësisë dhe Negociatave të Zgjerimit, Marija Kocijançiç ka përcjellë qëndrimin e  Brukselit ku thuhet se për përkthimin e dokumentacionit që u dërgohet palëve të treta jashtë vendit u lihet përgjegjësia institucioneve shqiptare.

Partia Demokratike nxori në një konferencë nënkryetarin e Komisionit Parlamentar për Reformën në Drejtësi, Oerd Bylykbashin për të mbrojtur sërish tezën se përkthimi i dërguar në Venecia ishte i gabuar, por me një pretendim të ri se në Komisionin e Venecias është dërguar një variant i Ligjit të Vetting-ut, para se atë ta dërgonte Gjykata Kushtetuese.

Sot në disa media u publikuan pjesë nga diskutimet e zhvilluara në Grupin Parlamentar të Partisë Socialiste mes të cilave spikaste një propozim I Erjon Braçes që “të arrestojmë ndonjë drejtor të LSI-së”. Ose për ta shkruar saktë: “LSI-së t’i arrestojmë ndonjë drejtor”. Lajmi është i vërtetë si frymë politikë sepse këtë praktikë ka ndjekur kjo parti që në kohën e përplasjeve në vitin 2001. Ndërkohë, Braçe, citohet që të ketë përgënjeshtruar sot lajmin përmes një postimi në Facebook. Shkruan kryetari I Komisionit Parlamentar të Ekonomisë:

Kryesia e Partise Socialiste e mbledhur të hënën pasdite ka marrë vendim për t’i propozuar Asamblese Kombëtare përjashtimin nga të gjitha funksionet për ish-deputetin, Koço Kokedhima.Aktualisht Kokedhima mban postin e sekretarit për reformën strukturore dhe emigracionin por prej heqjes se mandatit të deputetit nga Gjykata Kushtetuese Kokedhima nuk merrte pjesë në asnjë nga mbledhjet e forumeve socialiste.

Sot u rishfaq me tone të forta ambasadori I SHBA-së në Tiranë, Donald Lu. Çështja e ligjit të Vettingut, përkthimit problematik të tij, duket se ka nervozuar selitë diplomatike kryesore, që gjenden nën akuzën se janë të njëanshme. Por më shumë sesa ky moment, Lu është dëshmuar I nervozuar nga ndjekja e rrugës proceduriale kushtetuese nga PD-ja dhe grupet e interesit, që po ankimojnë në Gjykatën Kushtetuese një seri ligjesh. Në një optikë politike kjo do të thotë fitim I kohës dhe bllokim I zbatimit të ndryshimeve të reja përpara zgjedhjeve.

Kur kanë kaluar më shumë se dy javë nga telefonata mes kryeministrit Rama dhe homologut të tij grek Aleksis Tsipras, gazeta "Kathimerini" ka zbardhur përmbajtjen dhe klimën e acaruar të bisedës mes tyre. Sipas saj, mesdita e 22 Nëntorit ka qenë jo pak nervoze për kryeministrin grek pas telefonatës me homologun shqiptar.

Ministri i jashtëm grek, Nikos Kotzias, ka folur edhe një herë për marrëdhëniet me Shqipërinë. Gjatë një takimi me homologun gjerman, Frank ëalter Steinmeier në Athinë, Kotzias iu është referuar përpjekjeve për zgjidhjen e problemeve të mbartura nga e kaluara me fqinjët, “sa më mirë dhe në mënyrë sa më produktive”, siç tha. Duke folur për marrëdhëniet me Shqipërinë, Kotzias tha se kohët e fundit po bëhet një punë sistematike në drejtim të zgjidhjes së problemeve. Në këtë kuadër, shefi i diplomacisë greke vërejti se ka patur “trajtime të papërshtatshme edhe nga ana e Komisionit Europian”.