Në Vëmendje

Pa ikur mirë vapa e gushtit qeveria surprizoi me një lajmërim të Agjencisë së Legalizimeve për  t’i hapur rrugë formalizimit edhe  të rreth 160 mijë  ndërtimeve pa leje në të gjithë territorin e Republikës. Drejtori i ALUIZNI-t Artan Lame tha se kjo do të mundësohet pas ndryshimeve ligjore që do t’i bëhen ligjit aktual, pa dhënë më shumë detaje se për çfarë objektesh bëhet fjalë.

Presidenti amerikan, Donald Trump, ka paralajmëruar ndryshime të rëndësishme në Politikën e Jashtme të SHBA, kriteret e angazhimit të saj në botë, ndërhyrjet ushtarake dhe vendosjen e raporteve strategjike. Ai i është drejtuar kombit amerikan më nje fjalë të mbajtur në bazën ushtarake “Fort Myer” në Arlington. Trump ka zbuluar edhe strategjinë për Afganistanin, një vend ku SHBA ka angazhim disa vjeçar, duke theksuar se SHBA meriton një tërheqje me dinjitet dhe me përfitime pas sakrificave të bëra.

U diskutua shumë në zgjedhjet që lamë pas për pasiguritë politike nga shbërbërja e koalicionit PS-LSI dhe po ashtu për sakrificat parimore të opozitës në çështjen e votës duke mënjanuar debatin real që duhet të bëhej mbi përmbajtjen e qeverisjes së katër viteve në çështje të sigurisë, që kanë të bëjnë jo vetëm me kriminalitetin, por edhe me  kontrollin e territorit dhe sigurinë ushqimore.

Dekriminalizimi nisi me Arben Ndokën pas një incidenti në Parlament. Por miratimi i një ligji dhe shtrëngimi i politikës që të pastrojë listat nga personat me precedentë nuk shërben për asgjë. Në terren të njëjtët njerëz veprojnë me mekanizmat që i sollën edhe në Parlament, sigurisht nën mbrojtjen e politikës, e cila mesa duket nuk e shlyen dot borxhin që u ka personave të tillë.

Më media u raportua për mundësinë e rikthimit të vizave me Holandën pas një raporti të Policisë dhe Prokurorise holandeze për kriminalitetin në rritje të bandave shqiptare të drogës dhe prostitucionit. Qeveria shqiptare mohoi të ketë marrë ndonjë notë nga qeveria holandeze, por nga ana tjetër sikleti i Tiranës është i dukshëm, kur raportimet vijnë nga qeveri të huaja.  

Janë gjyqtarë por mesa duket nuk dinë të gjejnë alibi më të mira sesa ato të të pandehurve në sallën e gjyqit. “Shqiptarja.com” raporton sot për disa raste gjyqtarësh të shkallës së parë dhe të Apelit që për të justifikuar pasurinë e tyre deklarojnë se kanë marrë dhurata nga gjyshja, babai, motra apo hua nga kunetër.  Mes këtyre dhuratave përfshihen edhe apartamente dhe vila. Ja disa raste:

Në Prill të viit të kaluar qeveria shpalli nismën për mësimin e kulturave fetare në shkolla, një projekt që pati mbështetjen e kryeministrit Rama  sipas të cilit, “terrorizmi po përfiton nga padija e të rinjve, ndaj njohja e tyre me rolin e fesë në shoqëri është mision që u takon mësimdhënësve”.

Televizioni Top-Channel promovon sot si lajm kryer në faqen e vet online një lajm lokal për...Bashkinë e Tiranës. Ja se çfarë thuhet në lajm:

Ndonëse zv.presidenti amerikan Mike Pence zhvilloi një vizitë në Ballkan për të riafrimuar mbështetjen amerikane në rajon, planifikimi buxhetor nga administrate Trump, jep tjetër mesazh. Bloomberg raporton se fondet e asistencës për Europën Lindore janë shkurtuar në një masë prej 336 milionë dollarësh dhe vende si Ukraina, Mali I Zi, Serbia, Letonia, Lituania, Estonia, Gjoergjia dhe Bullgaria, preken nga kjo masë.

Ka disa raportime nga se në pikat e kalimit doganor të Shqipërisë policia shqiptare nuk po lejon kalimin e shtetasve shqiptarë pasaporta e të cilëve skadon brenda 3 muajve nga data e paraqitjes në kufi. Nuk jepet asnjë arsye për këtë sjellje që duket se buron nga një urdhër i policit Haki Çako, për masat e kontrollit në kufi. Pa arsye dhe pa ndonjë sqarim, qytetarë që raportojnë këtë gjë, thjesht kthehen me interpretimin personal se “nuk u lamë të kalonim sepse dyshonin se mos nuk kthehemi më”.