Në Vëmendje

Tema Tv raporton sot për një rast që dëshmon probleme serioze në funksionimin e Policisë së Shteit dhe sidokos në raportin e forcës dhe dhunës psikologjike që shpesh synohet të imponohet nga punonjës të saj. Në adresë të saj ka ardhur një denoncim nga një kompani transpoorti së cilës i janë bllokuar mjetet por pa akt bllokimi.  

Shtetet e Bashkuara, Britania dhe Franca kordinuan një sulm me raketa të shtunën në mëngjes kundër objektivave siriane si kundërpërgjigje për përdorimin e armëve kimike nga Bashar al-Assad.

Ndërhyrja ushtarake e udhëhequr nga Shtetet e Bashkuara u njoftua nga Presidenti i SHBA Donald Tramp, që theksoi në një konferencë për shtyp se kishte urdhëruar sulme precize në Siri.

Ndërtimi i Xhamisë së Namazgjasë në Tiranë është duke shkuar drejt përfundimit. Objekti në fjalë do të zgjidjë çështjen e faljes së besimtarëve, duke ndërfutur në kryeqytetin shqiptar një monument të stilit osman, shprehje e qartë e ndikimit të Turqisë së sotme në vendin tonë. 

Përtej këtij aspekti, është edhe një tjetër që është trajtuar shpesh. Xhamia ngrihet mbi një truall për të cilin ka kontestime dhe që po trajtohet në proces gjyqësor.  Komuniteti Mysliman i Shqipërisë nuk e ka konsideruar problem një gjë të tillë, por për disa besimtarë kjo është çështje që ka rëndësi. 

Kreu i Unionit të Gazetarëve, Aleksandër Çipa ka deklaruar në një prononcim për TvT, se vetëm për vitin 2018 janë larguar nga puna rreth 120 gazetarë.

Sipas tij, largimet janë kryesisht në sektorin e mediave online, për arsye nga më të ndryshmet, përfshirë pagesat e ulëta, mospagimin për gazetarë të rinj në provë etj.. Sipas Çipës, situata e medias në Shqipëri është nga më të rëndat në vitet e fundit.

Parlamenti i Maqedonisë hodhi poshtë mocionin e mosbesimit të kërkuar  nga opozita për qeverinë e Zoran Zaev. Në votimin e kryer pas mesnate, pro kërkesës të paraqitur nga ana e VMRO-DPMNE votuan 40 deputetë (që u përkasin partive të opozitës), ndërsa 62 deputetë nga partitë e koalicionit qeverisës votuan kundër. Votat që garantuan mbijetesën e qeverisë ishin ajo e deputetit Blagoja Despotoski nga VMRO-DPMNE dhe Vesel Mehmedit nga Aleanca për Shqiptarët, partia e të cilit u largua pak kohë më parë nga koalicioni qeverisës.

Pas fitores në zgjedhjet e së dielës, partia e djathtë në pushtet Fidesz e nacionalistit Viktor Orban është gati për të dorëzuar në parlament projektligjin “Stop Soros”,  i cili do të kufizojë aftësinë e OJQ-ve për t’u ofruar ndihmë refugjatëve dhe emigrantëve .

Ka nisur dëshmia e drejtuesit të Facebook para Kongresit amerikan për skandalin e rrjedhjes dhe shfrytëzimit të të dhënave të 87 milionë përdoruesve për llogari dhe interesa politike dhe elektorale. 

Në qershor 2016, Këshilli Kombëtar i Territorit i udhëhequr nga kryeministri Edi Rama miratoi lejen e zhvillimit për kompleksin turistik ‘Ionian Olea’ – një resort vilash dhe apartamentesh luksoze në bregdetin e fshatit Dhërmi në bashkinë Himarë.

Leja zhvillimore e kompleksit, që shtrihet mbi katër parcela toke bujqësore në plazhin e Drimadhesit, të regjistruara në zonën kadastrale 1481 dhe 1481-1739 është miratuar me kërkesën e zhvilluesve Mirela Papuli dhe Artan Dumi.

70 të vdekur vetëm nga një sulm që dyshohet se është kryer me armë kimike. Ngjarja raportohet nga mediat e huaja të ketë ndodhur në Siri, në rajonin e Dumas, zonë e fortifikuar e rebelëve sirianë. Me qindra të plagosur dhe me tragjikja, mes viktimave ka edhe fëmijë. Lajmi është referuar për BBC-në dhe Al Jazeera nga Helmetat e Bardha, grupi që kryen veprimtari vullnetare në Siri, por Damasku zyrtar ka mohuar të ketë përgjegjësi në këtë akt.

Hetimet mund të çojnë shumë shpejt Sajmir Tahirin drejt ndjekjes penale. Ambasadori amerikan në Tiranë Donald Lu deklaroi në emisionin opinion se për departamentin e Shtetit hetimi për ish-ministrin e Brendshëm por edhe ai për ish-kryebashkiakun e Kavajës, Elvis Roshi do të provojnë nëse prokuroria do të veprojë e pandikuar politikisht.