Lajme

Kremlini po zbulon së fundmi objektivat politikë në Ukrainë, të paktën për atë që thotë publikisht. Zëdhënësi Dmitry Peskov ka deklaruar për Sky News Arabia, se Rusia nuk kërkon ndarjen territorial të Ukrainës por neutralitetin e deklaruar në Kushtetutë të saj dhe çarmatimin. Ide të ngjashme u shprehën dy ditë më parë edhe nga ministri i Jashtëm Lavrov, sipas të cilit një zgjidhje do të gjendet. Dhe në fakt dje agjencia "Tass" njoftonte se “bisedimet janë vendosur të zhvillohen me dyer të mbyllura”.

Banka Aziatike e Investimeve dhe Infrastrukturës, një entitet pas së cilës qëndron Kina, ka ndërprerë marrëdhëniet e biznesit me Rusinë dhe Bjellorusinë.

Në interesin më të mirë të bankës, menaxhimi vendosi se të gjitha aktivitetet që kanë të bëjnë me Rusinë dhe Bjellorusinë janë pezulluar dhe nën rivlerësim

Instituti për Studimin e Luftës ka publikuar dje një material të përditësuar për zhvillimet ushtarake në Ukrainë. Në përmbledhjen e bërë vihet në dukje fakti se trupat ruse kanë vijuar për të disatën ditë përpjekjet e pasuksesshme për të rrethuar kryeqytetin Kiev dhe kapjen e Kharkivit. Një ndër arsyet e kësaj vonese është edhe zgjidhja taktike që po zbatohet:

Zëdhënësi i Ministrisë ruse të Mbrojtjes, Igor Konashenkov, ka deklaruar se Rusia nuk do të njohë për mercenarët e huaj që luftojnë në Ukrainës, statusin e robërve të luftës.

Askush prej mercenarëve që Perëndimi dërgon në Ukrainë të luftojnë për regjimin nacionalist në Kiev, nuk do të konsiderohet si luftëtar në përputhje me ligjin humanitar ndërkombëtar as të gëzojë statusin e robit të luftës

tha ai.  

Dje, presidenti ukrainas, Volodymyr Zelenskiy, deklaroi se deri më tani janë vrarë 6000 ushtarë rus në luftime. Gazeta italiane “Corriere della Sera” fliste për 10 mijë ushtarë rus të vrarë, diçka që jep idenë e një situate alarmante.

Presidenti amerikan Joe Biden ka patur dje një ditë të lumtur politike miratimi dypalësh në Kongres, teksa fjalimi i tij është pritur me ovacione. Zoti Biden ka folur për ringritjen e Amerikës dhe afirmimin e saj në rolin e lidershipit global, diçka që ngjan si një simptomë ezauruese që ta jep temperatura 37.5 gradë.

Në betejën mes demokracisë dhe autokracisë, demokracitë po ngrihen në këtë moment

Për një periudhë një vjeçare Mali i Zi do të drejtohet nga një “Qeveri e re Pakice”, ka bërë me dije presidenti i vendit Milo Gjukanoviç.

Gjatë një interviste ekskluzivisht për MCN TV ai ka folur për disa nga zhvillimet kryesore në vendin fqinj, por edhe më gjerë në Rajonin e Ballkanit.

Z.Gjukanoviç ka folur ndër të tjera edhe për mënyrën se si vendi i tij e sheh nismën “Open Ballkan” për të cilën deklaroi se nuk është një alternativë.

Bjellorusia ka miratuar së fundmi vendosjen e përhershme në territorin e saj të trupave ruse si dhe të armëve bërthamore. 65.16% e votuesve miratuan propozimin në fjalë që e vendosin de facto kufirin e Rusisë në qendër të Europës. Vendimi ka rëndësi strategjike dhe zbulon në të vërtetë një problem të madh sigurie që ka të bëjë me vizionin e Kremilinit në këtë fushë.

Presidenti bjellorus  Aleksander Lukashenko ka deklaruar se politika e sanksioneve që Perëndimi po ndjek ndaj Rusisë, do të çojë në një luftë botërore.

Është më keq sesa lufta. Rusia po shtyhet drejt një lufte të tretë botërore. Ne duhet  të jemi shumë të rezervuar dhe ta evitojmë sepse lufta bërthamore është fundi i gjithçkaje

ka thënë Lukashenko.

Sipas tij nga e gjithë kjo situatë përfitues i vetëm është SHBA që po kërkon eliminimin e Rusisë si konkurent.

Agjencia shtetërore ruse e lajmeve, Tass, njofton se presidenti Vladimir Putin ka urdhëruar kalimin në gjendje gatishmërie të të forcave të parandalimit strategjik. 

Zyrtarët më të lartë të vendeve kryesore të NATO-s kanë bërë deklarata agresive kundër vendit tonë. Për këtë arsye, i kam  dhënë urdhër ministrit të Mbrojtjes dhe shefit të Shtabit të Përgjithshëm të vendosin gjendjen e gatishmërisë luftarake për forcat e parandalimit strategjik