Lajme

Ndonëse kjo në unitet të plotë, ministrat e Brendshëm të Bashkimit Europian votuan me shumicë votash planin për shpërndarjen e 120 mijë emigrantëve, i cili do të hyjë në fuqi dy vitet e ardhshme.

Sipas këtij plani, emigrantët do të zhvendosën nga Italia, Greqia dhe Hungaria në vendet e tjera të Bashkimit Europian. Rumania, Republika Çeke, Sllovakia dhe Hungaria votuan kundër ndarjes së kuotave të detyrueshme. Finlanda ishte vendi i vetmë që abstenoi.

Sot “Top-Channel” njoftonte për një problem në kufirin shqiptaro-grek, teksa pala greke po kthente shtetas shqiptarë që pretendohet se shkojnë në vendin fqinj për punësim sezonal. Dhe në fakt nga prononcimet e disa prej tyre, ashtu siç paraqiten në kronikë, kështu është edhe e vërteta: ata duan të shkojnë për punësim sezonal në Greqi, por pala greke ka aktivizuar marrëveshjen për lëvizjen pa viza, që i jep të drejtë shteteve të kërkojnë garanci financiare, përveç të tjerave.

Vetëm në Shqipëri ekonomia trajtohet me romuze dhe kur ky është parim pune i kryeministrit, imagjinoni rezultatin që mund të ketë. Pika më e favorshme që kryeministri Rama u ka prezantuar investitorëve italianë për të ardhur dhe derdhur kapitalin e tyre në Shqipëri  është ngjashmëria mes popujve. “Çdo italian që investon në Shqipëri, faktikisht investon në një pjesë të panjohur Italie dhe çdo ditë që punon me shqiptarët, provon se ne jemi faktikisht, dy popuj të ndryshëm, por krejtësisht një lloj tipologjie njeriu dhe shoqërie.

Sot opozita publikoi një tjetër fakt të pakundërshtueshëm që tregon se mjeti Audi i shumëpërfolur vijon të jetë në pronësi të ministri të Brendshëm, Saimir Tahiri: Polica e sigurimit (siguracioni i makinës) për vitin 2015 -2016. Deputeti Genti Strazimiri kërkoi dorëheqjen e ministrit. Sipas tij, Tahiri e ka pranuar se makina e tij është përdorur nga trafikantë, pasi ministri nuk është distancuar nga ky fakt, por nga pronësia e mjetit.

Jo pak protagonist, këshilltari për Mbrojtjen i presidentit Bujar Nishani, Piro Ahmetaj, ka dhënë dorëheqjen pas përplasjeve të vazhdueshme me deputetët e mazhorancës mbi implikimet e politikës në çështje kriminale dhe raportin me të shkuarën si bashkëpunëtorë të ish-Sigurimit të Shtetit.

Kryeministri Rama nuk e fsheh afeksionin e tij ndaj Italisë dhe italianëve sa herë që i jepet mundësia. Pas vizitës në Pulja ku komentoi se italianët dhe shqiptarët janë të ngjashëm në shumë gjëra, kryeministri shqiptar nuk e sheh të parealizueshëm edhe një farë bashkimi politik me Italinë fqinje në kuptimin simbolik, duke ofruar gatishmërinë për të emëruar në funksione shtetërore diplomatë italianë të karrierës siç është ambasadori i Italisë në vendin tonë, Massimo Gajani.

90 për qind e bizneseve janë dënuar me gjobë nga Dega e Tatimeve për mosdeklarim në afat të deklaratave tatimore. Ministria e Financave ia njeh si gabim sistemit që ka nisur aplikimin që në muajin janar të këtij viti.
Në një relacion dërguar kuvendit, Ministria e Financave argumentoi se gjobat masive u prodhuan në periudhën kohore që përkon me përshtatjen e tatimpaguesve me sistemin e ri, ndaj është propozuar edhe falja e tyre.

Skënder Gjinushi komenton debatin më të fundit për dekriminalizimin, duke theksuar se katarsisi i politikës duhet të nisë me personat që janë ricikluar në politikë, pas përfshirjeve në çështje korrupsioni apo vepra penale që lidhen me krimin shtetëror. Kryetari i Partisë Socialdemokrate sjell si shembull ish-kryeministrin Berisha dhe kreun aktual të opozitës Lulzim Basha që sipas tij mbeten të pandeshkuar pavarëisht rekordeve që kanë me korrupsionin dhe krimin.