Ekonomi

Ish-kryeministri Sali Berisha ka komentuar sot në faqen e vet në Facebook projektin e ri të qeverisë për rrugën Milot-Fier. Sipas Berishës ky projekt përfaqëson një histori vjedhjeje me një faturë të ekzagjeruar prej 1.2 miliardë eurosh. Për ta ilustruar këtë, z. Berisha sjell disa të dhëna:

Kryeministri Edi Rama publikon sot një video promocion për turizmin, vendosur në një hotel në Vlorë. Qytet të cilin kryeministri e quan Zemra e turizmit shqiptar. Ministrja e Financave Anila Denaj shfaqet aty duke prezantuar faktin se hoteli në fjalë është hapur dhe investuar gjatë pandemisë, ndërkohë që i shpjegon administratorit se qeveria po përgatit një paketë të re ligjore për ripunësimin dhe formalizimin e krahut të punës.

Një spot qeveritar artificial për qëllime propagandistike që i rri keq realitetit të turizmit shqiptar në këto kohë.

Kur lexoj që një milion vende pune janë në rrezik sot për shkak të Covid-19, më kujtohet ajo që Enrico Cuccia më thoshte shpesh: “Ajo që do të mbetet kujtim i pashlyer për mua janë radhët e punëtorëve në Londër në vitin '33,  duke pritur një pjatë supë mensat sociale". Ai kishte ndjeshmëri të mprehtë sociale dhe ndoshta edhe për kjo është arsyeja për të cilën punoi me Mediobanca për të kontribuuar në rindërtimin e pas luftës së industrisë italiane.

20% e njerëzve në Ballkanin Perëndinor janë të shqetësuar për ikjen e trurit. Lajmi në shqip i referohet të dhënave të Eurobarometrit dhe ilustron një dukuri të përgjithshme në rajonin tonë. 

Për Shqipërinë këto vite më i godituri ngjan të jetë sektori i shëndetësisë, ndërkohë që shkencat e aplikuara si inxhinieritë kanë rrudhur fushën e zbatimit në treg te ndërtimi apo mirëmbajtja. 

Kryeministri Edi Rama njofton sot se puna për aeroportin ndërkombëtar të Kukësit vazhdon me ritme të larta. Me këtë rast ai përcjell pamje nga terminali ku duket një holl me ca stola dhe një dalje drejt avionit. 

Ky është terminali i një aeroporti ndërkombëtar që lidh Kukësin me…nuk dihet se kë.

Për të shkuar në Kukës ka një rrugë që e kemi paguar sa frëngu pulën por e cila nuk e justifikon ekonomikisht veten. Vëllimi i transportit në të nuk është ai që u parashikua, ndaj edhe kemi kontratën e famshme koncesionare për të cilën pati edhe protesta.

Eurostat ka publikuar sot të dhënat për vitin 2019 ku rezulton se shqiptarët kishin të ardhura për frymë sa 31% e mesatares europiane, që rezulton më e ulëta për Europën, pa përfshirë Kosovën që bën përjashtim te të dhënat.

Gjithsesi, ajo që mund të konsiderohet paksa pozitive është se në raport me një vit më parë, përqindja ka mbetur e pandryshuar, që do të thotë se vendi ynë ka ngecur në atë që quhet procesi i konvergjencës, çka nënkupton një rritje më të shpejtë ekonomike në krahasim me vendet e zhvilluara, por që gjithsesi nuk është edhe aq shpresëdhënëse.

Simone Micheli, arkitekt i njohur italian që predikon si filozofi të punës së vet “luksin demokratik” njofton në faqen e vet online për një projekt të quajtur “Saranda Beach Village”. Micheli, që ka qenë më herët në Shqipëri ku edhe ka hapur një ekspozitë, thotë se fshati në fjalë do të nisë së shpejti pas një mirëkuptimi mes tij dhe klientit Luan Leka, një biznesmen i njohur shqiptar.

Lajmi se në bregdetin e Jugut do të nisë procesi i regjistrimit të pronave nuk i ka gëzuar aspak banorët e fshatit Nivicë. Në një nga zonat më problematike sa i përket ndarjes së pronës me ligjin 7501, pronarët e tokave nuk kanë besim se ky process do të funksionojë. Kryeplaku Stefan Llambri, thotë në një lidhje telefonike për TvT se së pari duhet të dalë harta e kufijve të plotë të fshatit Nivicës.

“Kanë ardhur nga kadastra për të bërë regjistrime por nuk i lejojmë, të dal njëherë harat e fshatit dhe më pas të bëhet ndarja dhe regjistrimi i pronës”.

2 mld euro është shuma që bankat e nivelit të dytë kanë konservuar në funksion të ekonomisë dhe stabilitetit financiar përgjatë periudhës së pandemisë. Kështu thotë  në një intervistë për TvT Silvio Pedrazzi, kryetari i shoqatës së bankave në Shqipëri dhe drejtori ekzekutiv i bankës “Intensa San Paolo”.

Recesion i theksuar ekonomik dhe varfërim i mëtejshëm i punonjësve të shërbimeve janë dy parashikimet kryesore të Bankës Botërrore për Shqipërinë, si pasojë e pandemisë së Covid 19. Maryam Salim, menaxhere e Bankës Botërore për Shqipërinë, në një intervistë për “Monitor” thotë se varfëria do të rritet me 4-8 pikë përqindjeje, dhe se ky fenomen do të godasë më shumë zonat urbane. SIpas Salim, janë një sërë faktorësh e bëjnë Shqipërinë veçanërisht të prekshme nga kjo krizë